نبض ..,,.. حرفي

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الضيقه اللي داخل اعماقي تفوح=عيا يجلي همها نور الصباح
يحول انا دايم وانا قلبي سموح=اسمح ولكن ماورى الدنيا سماح
ياشينها لا صار لك عزمٍ طموح=وتسج رجلك بس ماتلقى نجاح
وتخيل براقٍ من المنشا يلوح=واحلام عمرك تذهب ادراج الرياح
بلوى تعيش بها جسد من غير روح=تلغي وجودك فالمجي وفالمراح
بعض السراير لو بطاريها تبوح=حرام لو مضمونها الخافي مباح
غموضها وجهه بعيد عن الوضوح=وفرصة تواجدها صعيبه ماتتاح
من تسكن اعماقه يجي والا يروح=كسير عين وخاطر وعظم وجناح
الذيب مايخشى من الكلب النبوح=ينبح عليه الكلب ويحوف المراح
وانا قناعاتي تخليني ذبوح=مااطيح بإذن الله لو ان الحظ طاح
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياحلم انا احلم فيك الي مده واشوفك كل ليل=ومعلق آماآلي ورغباتي بما نالت يدي
والشرع والشارع وعين الشاهد وقلب الدليل=والأمر والآمر وحبر الريشه ودم الفدي
والمزن والبراق والرعاد واطراف المسيل=والصدق والانصاف ومجاهدك يالحظ الردي
قناعتي كنزي وكنزي مارضيت له القليل=وحسابي مقدّر وعز الراس غاية مقصدي
لو الرضا يرضى تسيّد فالحياه المستحيل=واصبح زعيمٍ مايحصل له خصيم ولا لدي
ليت الضعيف من الشقا يرتاح فالظل الظليل=ولا يطالع في سهيل ولا يطالع فالجدي

[/poem]

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وين انت غايب ؟ ليه طوّل حضورك=وانا أتحرى جيتك لو بالأحلام
يومٍ يمر بدون مااشوف نورك=مايعتبر محسوب من ظمن الأيام
هب الهوى واستاق نفحة زهورك=واخذت معها سجةٍ كلها اوهام
قربت معها لين طالعت حورك=اللي هدبها غمزته ذنب وإجرام
ودخلت بحماك وتسلقت سورك=واخذت شفي منك والعالم نيام
في ساعةٍ كسرت فيها غرورك=وانته عبيرك تنقله كل الانسام
[/poem]

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لك الله يامفتش مايسر عيونك التفتيش=عسى ربي يعز الصف ويشرف مطانيخه
ياكبر الجسم والهيكل ولكن داخله مافيش=كبير وداخلك معروف كله حشو نفيخه
صغير وفعلك مصغرك لا تستنكر التهميش=ياشين الكِبر مايرحم لا صاب الخبل والخيخه
هذا تاريخك مخليك من بين العرب درويش=وابو زيد الهلالي مجده مخلّد وتاريخه
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان زانت الاحوال قلنـا خيـر.. والمطلـوب خيـر=وان شانـت الأحـوال مالـي حاجـةٍ بأسـرارهـا
قفيت وعيوني تشـوف الـدرب واقدامـي تسيـر=مالـي ومـال النـاس عقدتهـا علـى منشارهـا
العفو انا عنـدي قناعـات ومعـي علـم وخبيـر=واعـرف مواريـد العلـوم وعـارفٍ مصدارهـا
الاول اللي في يديه العلم الاول والاخير=والثاني اللي فيدينه قيدها وهجارها
اثر الكبير اللي فعينه يصغر الامر الكبير=واثر الصغير اللي يهاب كبارها وصغارها
الديك يذن مايصلي .. والنعامه ماتطير=وام الكباير يعلن ابوها ويعلن عارها
ياهاجسي... وقف!!! رحى المعنى خطير.. ويستدير=واللـي يشيـل البنـدق يكفيـه حفـظ عيـارهـا
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حسبي على بعض الليالي ثقيله=ماتستحي مني ولا عندها دم
متى سواد الليل يعلن رحيله=اللي على قلبي يجمّع لي الهم
ماعاد به حلٍ ولا فيه حيله=حتى ليا قدمته اخص واعم
يمكن تنوش النار خشم الفتيله=والا يقوم الشر ماقلته قم
والغايه تسوي عذر للوسيله=بالشكل والا اللون والكيف والكم
مابه دوا يبر النفوس العليله = من يشرب العلقم يقفيه بالسم
[/poem]

تعال واقرب بحضن ايديّ بيديك
واقرب من انفاسك وكفك بكفي

ودي بك وبي رغبةٍ شفها فيك
ليتك تقدر رغبتي بك وشفي

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يظهر لك إنك شي وانته ولا شي=قطوٍ ولد قطوه وربعك قطاوه
تاريخك يحدك مع الساس تمشي=مالك قبول ولا لشوفك حفاوه
من كل رقعة ذل باطنك محشي=مصدرك جاوي وانت معروف جاوه
[/poem]

من ركن المبدع فارس بن مرداس:

يقول فارس:



الشعر والابداع ماهو مستحيل
خصوص لا وافق من افكاره بكر

وانا لقيته في دواووين السحيل
اللي يحكر ابوه لا وجه حكر

والعازمي اليا استوا له ما تحيل
الفكره اللي ما تخيلها فكر

وآقول:

شهادة تحتاج منا شد حيل
مصدارها شاعر واله منا شكر

الشعر غيث يسقي الدار المحيل
من مدلهم الحرف والسيل يحكر

تبدع به محيله ويبدع به محيل
ويشعر به الجنسين الأنثى والذكر

مقام للأشناب والطرف الكحيل
ولا له عدو مثل الحداثي والخكر

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياركن لي يومين ماشفتك سلام الله عليك=سلام ياركني عليك وكل من مرك سلام
من بدع فكري كل ما اكتب شعر والاحساس فيك=الله يبارك في هجوسي كل مازان الكلام
لا قلت لك انا ابيك .. انا ترى فعلا ابيك=اكتب لك ألغازي هنا وازهم مفسرة الحلام
انا لحالي مبتدي فيك ولحالي منتهيك=وانا فرضت الك النظام اللي يمشيك بنظام
اقدر الاركان غيرك واحترمها قبل اجيك=واجيك واقدح زند شعري فيك واقول الهمام
على طريقٍ فيه هاجوس الضماير يحتريك=واخلاقه وحرفه وما تنبض به عروقه .. تمام
من كل مايشعر به احساسي يصافح به يديك=ويقوم معك اجلال واكبار ومعزه واحترام
وقفتك مطلوبه وانا .. للي يجمل محتسيك=وان جات دعوه صامله .. قمنا وعززنا المقام
وجه الرضا ياهاجسي ماعاد اشوفه يعتليك=رح علّم اللي مايميز فالحلال وفالحرام
قل له على هونك .. علينا لا تعقد حاجبيك= اليا قبلنا الميل من مثلك .. على الدنيا السلام
قل له صرفنا العمر في كل المراجل صرف شيك=حتى اعتلينا صهوة العزه ..وشدينا الخطام
قل له سطع منا الوفا والطيب .. ماغيره شريك=وانته ومضمونك وغاياتك .. تحت جنح الضلام
الوقت غرك لين ركّب لك براسك عرف ديك=خلك على جلستك واحسب .. كم عدد بيض النعام
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بيض النوايا مايقابلها السواد=لو الصدف من غير قصد مسوّده
والفارس اللي ممتطي ظهر الجواد=يمشى على مايشتهي ويجوّده
الله يبارك فالمناهج والمواد=لو الشهادات الكبار معوّده
عادي نعيش بما نريد بكل واد=واليا حضرنا في مكان نزوّده
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الوقت وجهه كل يوم يتلوّن=لونٍ جديد ويظهر بشكلٍ آخر
حرفه خفي فوق الورق مايدوّن=واذا نطق بالحرف من جد ساخر
سود الليالي مبطيه ما تضوّن=والهم معها ماله اول ولا آخر
يصمل بها الحظ الكسول ويهوّن=كل الحيل بارت وكل المذاخر
متى العروق الضاميات يتروّن=من منبعٍ بأحلى المشاريب زاخر
بعض المراجع خايبه ماتموّن=لو انها باللي كتبها تفاخر
مخلطٍ من كل شي يتكون=ماعاد تنفع ريحته فالمباخر
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وراك تبعد ياقليل المعرفه ماقلت لي=وين أنت وأنت اللي مكانك دايماً مني قريب
غابت علي الشمس .. وأثر الشمس ماغابت علي!!=أنا احسب إن الشمس غابت .. وأثرك أنت اللي تغيب!!
ياللي عليك القلب من مده من الشوق يغلي=قربك نسيمٍ ينعش الخفاق وفراقك لهيب
تعال لا تخشى الملامه .. والله الوالي ولي=سيف المواجه سلّته ..تخلص طليبٍ من طليب
ماودي ازعلك انا ادري ماأنته بحمل زعلي=اللي على بالك سهل واللي على باللي صعيب
راجع ملفاتك وتلقى العلم يالقلب الخلي=ياما علشانك سهرت الليل .. وازعجت الرقيب
لا تنخدع في محمل الشام وتجاهل محملي=طاوع شعورك قبل مايعصى عليك ويستجيب
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ترى عادي تحسف لو مااحد من الخطا معصوم=وذنبك فوق جنبك لو خصصته وعممته
اذا الماضي مضى فالحاضر اللي به حضرت اليوم=وبكره فـ/آخره يشرح خبر نبذة مقدمته
تحلمّ عقلك الباطن ..وقلبك غارقٍ بالنوم=ولكن واقعك ماله.. دخل باللي تحلمته
حروف وطلسمه ورموز معكوسه بدون رقوم=ولا يفهم نباها لن كتبته وان تكلمته
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا بارك الله في من جابك هنيّا=ماجاب للقوم خير ولا منع شرّه
هذا مجالٍ لحاله مابه حميّا=جوه بعيدٍ عليك وبحره وبرّه
ياليت ابو زيد قفّل بابه وعيّا=قدام لا تحرجه فالناس وتضّره
الناس مايجهلون من انت ومن ايّا=لبست لك ثوب ماانت بعارف تزّره[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شيٍ يناديني على ذيك الأطعاس=فيه الشقا صوب علي منجنيقه
قربه يرد الروح ويكيّف الراس=وعليه اعد الثانيه والدقيقه
اصعب من الكلمه وتعبير الاحساس=ولا لقيت لشوفه اية طريقه
تعبت اضم الهم وآقول لا باس=واطرد سرابٍ بذ حالي بريقه
والقلب ظامي والمعاليق يبّاس=والسر ولع في ظلوعي حريقه
متى الضما يموت من شربة الكاس=اللي على قطره منه نشف ريقه
[/poem]

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عندي خطابٍ لك من الشعر سرّي=بعطيك مظمونه .. وخلك مركّز
يقول: أنا مما تقول متبرّي=ياللي بمعكازك فدربي .. تعكّز
لاتحسب إنك قيس والا المعرّي=لا أعاد اشوفك في طريقي ترَكز
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
متى تمرك صورتي في خيالك=اعرف ترى صورتك داخل خيالي
وان مر بي يومٍ ولا جيت بالك=فـ/أكيد هذا اليوم .. ماانته فبالي
انا معك دايم واعيش بمجالك=مثلك بعد دايم تعيش بمجالي
مدري وش اللي في حياتي بقالك=ولا ادري وش اللي في حياتك بقالي
[/poem]

[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وزارة الخدمه لها وقت قصير=تنشر على الاعلام كل اعلامها
ولا تقدم لا قليل ولا كثير=وشروطها متناقضه واحكامها
وارقامها بين الصحافه والاثير=وانجازها ماغير نشر ارقامها
لا بارك الله فالوزاره والوزير=اللي على الخيبه تحث اقدامها
قومٍ تواجدهم عدم .. مافيه خير=واوراقها ماتلتقي بأقلامها
ما منهم اللي عنده إحساس وضمير=الله يعجل بالرحيل ايامها
لكن رجانا في مطوعة العسير=عز البلاد الطاهر وحكامها
حصن الوطن ريف الغناوي والفقير=اللي كتاب الله اساس نظامها
ياخادم البيتين غيث المستجير=ياللي عصاها في يدك وخطامها
ياطيب السيره ومحمود المسير=فرز الوغى سقم العدا وكعامها
أمرك يسر القلب ويعز المصير=آآمر على اللي مايفيد افهامها
مافيه شك الوضع هذا مايصير=الناس شابت فالصدور احلامها
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الحاجه اللي لها مده تصول وتجول=مافيه عنها سؤال .. ولا بيدها جواب
هّم الخروج اكثره .. من كبر هم الدخول=لا صار دون الرجا .. 99 بااااب
لو نضرب الارض عرض ونضرب الارض طول=ما كن فوق البسيطه غير لمع السراب
وجه الرضا شيّب ولا شاف وجه القبول=لو ان دمه شباب .. ونبض قلبه شباب
كم حول حال وحمل حلمه معه كل حول=يمضى به الوقت منتوجه ذهاب وإياب
وشلون يطلب حلول .. وفي يديه الحلول=اللي مقام الطلب معها يعز الجناب
يرحم زمان الجمال اللي تشيل الحمول=نامت فبطن التراب .. وورثتنا ترااب
الله يجبر عزا القوه فـ/روح الفعول=ويعظّم أجر المواقف .. في عظيم المصاب
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياليت خوفك يلتفت فيه امانك=حتى يريح خاطرٍ منشغل فيك
انزع حجاب الصمت واطلق عنانك=والله يقدرني بعدها واجازيك
يرضي غروري كلمةٍ من لسانك=ترد روحي كل ماحل طاريك
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض.. الاشياء.. ما..عطيناها.. اهتمام=لا..تهم.. ولا.. تسر.. ولا.. تضر
لو .. تولع ..نارها.. برد .. وسلام=ولو .. تنازل .. مالها .. منا .. شكر
من.. يميز.. فالحلال.. وفالحرام=ما..يخاف ..من ..الغناه ..ولا ...الفقر
الشهامه .. ترفع .. الحر.. القطام=عن مكانٍ .. مايزوره .. كل .. حر
والصقور .. ابدى .. من .. عيال .. الحمام=والحمامه .. ماتعيش.. مع .. الصقر
والشماغ .. العز .. والستر .. اللثام=وش .. يكون .. العز .. لا ضاع .. الستر
والظهر.. يبغى.. مع ..الشده.. حزام=الحزام.. اللي.. يشد.. به.. الظهر
والسكوت ..يسد ..عن ..بعض ..الكلام=والقدر.. ماله ..مكان ..الا ..الصدر
[/poem]