مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياالحبيبـة تُخجـل السِهـر نعّاسـك=ما يقاوم معهـن وعظّـم ءرقـودك
و إن سهرتي داعب الشِعر لإحساسك=والقلم والطرس والفكـرة جنـودك
ويَخجل العنبر ليـا خالـط انفاسـك=ايتلاشى عطره ويثبـت ءوجـودك
وناعم الـورد إن قرنّـاه بقياسـك=يخجل الجوري ليا لامـس خـدودك
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو يصغي السمع للضوضاء تفجر صدور = ثم قلت صم الأذاني خير من مسمعي
مانيب قاصر شبر لو كثروا اهل الشبور = ولا نيب زايد شبر عمّن تصافى معي
درب الردى مغلقه عن كل كذبه وزور = والباب مغلق عن الأشرار ومشمّعي
وصفحة بياض من احاسيسي وصدق الشعور = علن علن مالها تحوير في مجمعي
يا اصفى من المزن في الوسم إن تحدر حدور= واصفى من النبع في زمّ العلا مطمعي
وإن خاب حسن الضنون اقول ماجاء قصور= و اصد عن خط سير, وللنداء ما اسمعي
عشق الصبابة يشين ليا بداء به فتور = و اخشى لا اكون الفتى واحاور الأصمعي
قوس الربابه بصدري واشتكى منه جور = والمستحيل إن من عيني تسيل ادمعي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يعاند ظروف البين من قيّدوه عهـود=عطا عهده اللـي للمحبيـن ماخانـه
واشوفه تغيّر صاحبي واخلف المعهود=تغيّر بطبعه كن ماعاد لي خانـه
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عيني تراقب للرقابه في مراقيب النجـوم=يانجم لا تسري ليا خايلت عيني ساهره
لو كان من دونك غلاف الجاذبيه والغيوم=نظرة ونظره تلتقي في ضوء نجمة باهره
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ريان عوده كل ماهب نسناس=قام ايتثنى والهوى منه ما مل
يحوف جسمٍ معتدل قد ميّاس=إليا مشى غصبٍ عليه ايتمهل
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زرعت الورد بين اغصان صدري ليه ماتسقيه ؟= اخاف الورد يذبل وانت ماتدري وانا مدري
سقيته قبل يتفتح غلا وانت الذي ترويه = ولمحت الإبتعاد اللي يغرّب شمسه البدري
دخيلك لا توهمني وإذا مات الوهم تحييه = اذا وعدك وهم لا تزرع الأشواك في صدري
من الإسلوب والتغيير للموعد بعد قلت إيه = تغيّر عالم الأشواق عندي لو رفع قدري
تقول العذر ماتملك بيدّيك الوعد تعطيه = وانا اقول الأوامر من ورق ياشجرة السدري
تزايد لاهب اشواقي واناادي للغلا وادعيه = وانا اشوف الغلا عني تغلا ولا نوى غدري
غروب الشمس يرهقني وليل العشق ليه وليه = ينادي ياطلوع الفجرليه الهم والكدري
تواصل بالحروف وللشفايف عالم التشبيه = وانا اقول الشفايف بالتلامس ناتجه خدري
اخايل للمخيلة وارتجي هتان لو تمويه = واثر هتانها فوق انتحى ما ينزل لحدري
كفخ عزم الجناح وعانق رياح الهوى والتيه = عرف مبداء وقال البعد للعشاق من بدري
عسى ماينكسر منه الجناح ويرجع لماضيه= ما دام انه ورد للمزن ما عل ونوى الصدري[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا باس اقوله ياحروف التعاليل = صون الأمانة بين لحية وشارب
نوّخ ركاب الفكرمع عتمة الليل =اعلان هدنه واستراحة محارب
صارت هواجيسي مثل جارف السيل=وارصاد تفكيري حصل به تضارب
يا تل قلبي فوق هدف المحاحيل = والحرف ما يبعد ولا هوب قارب
حاولت اعسفه مثل ماتعسف الخيل= القاف والمعنى السهم منه ضارب
في ساعة الشدّات لو يختلف جيل = حكيم راي ولا بعد قيل هارب
عيبٍ على من لا فرَق كيل عن كيل=طبعه مع الأجناب وايضا الأقارب[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سحرتيني غلا ماقلت لك جبتي سحر هاروت =وملكتي قلبي اللي للقاء معك القدر جابه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
التبس عندي من حروفك حروف = لين ضيعت الكلام من الكلام
بين صمت وحزن واحلام الطيوف = ارتبكت وقلت صاحي من منام
وانتي اروّع في خيالي لك وصوف =بس خليني اجاوب للحمام
نايح الورقا ينوح بدون خوف = جاوبه صوتي وخلق الله نيام
ان سكنتي ساكنه في وسط جوف = من ضلوعي لك سياج ولك مقام
وان رحلتي معك قلبي يالهنوف = تملكين القلب لو يصبح عدام [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استوقدي شمع في ليل لنا سكـن=سمار عشـق وثالثنـا امانينـا
ان العيون عن النظرات صائمة=الا لطيف من الاحبـاب يأتينـا
في وجنتيه شعاع الشمس مشرقتا=في ناظريه سهام الموت تردينـا
يستنقد الحب من قد كان يجهلـه=وإن أصيب سأل من ذا يداوينـا
اذا دنى الطيـف ابتسـم لغرتـه=عند الاياب وان ادبـر تعازينـا
وفاء طيف الاحبـة لا يقاطعنـا=ان منّ بالوصل منه الطيف يكفينا
لا تستبيحي دم ف الدين حرمته=مهما من الدين فالدنيـا تدينينـا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكوكبة في كونها ضيّها سراج = سير المدار استبعدت عنه مده
ضمة غلا للصدر في الضيقه افراج = يبرد لهيب اشواق لمسة بيده
هاجوس فكري بين مرساه وامواج=الموج يبعد بـه ومرسـاه شـدّه
وعواصفه هبّت وموج البحر هاج=وحبل النجاة اشتد به كيف اهدّه ؟
واحترت مابيني وبين الهواء سياج=والريح عاصف والقدر من يـرده؟
اسبح مع الامواج واصعد للابراج = والليل داجي وصل فكري لحدّه
ياموج لا تحكم على الفكر بإحراج = صمتى ليا هدّاك ياموج هدّه
في مأمن الأفكار مشروب ثجاج = والوقت صرنا بالثواني نعدّه
لو ما احتوى من صمت تصنيع وانتاج= وزّعت للعالم بصاعه ومدّه
والفكر يأخذ له من الصمت منهاج = يصعب عليه يبين للناس سده [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خيالك شدني يمك وصرت الهايم المفتون == وعلى قرب الطبيعه مابقى لي شي وامتنّه
بعد ما اهتز قلبي بالغرام وهاض بالمخزون =ليا هزيتني بعد وغلا قلت احتسب ضنه
تمقلت الملامح وارسمه بحروف شعر فنون== كما الورد الندى خدين ,منهن فاحت الخِنه
ومثل جمر الغضى لك شفّتين وبسمتك غليون = توقد به لضى في صدري اللي جر له ونّه
دخيلك خلني احلم وانا صاحي كما المجنون = محيط الهند وامواجه حدتني لا ارتوي منه
طبع وصل الغلا من بيننا وسر الغلا مكنون= وصلنا بعضنا والكل منا يبدع بفنه
ليااسقيتك شهد صافي سقيتيني شهد مضمون= واخذنا من بعضنا عهود والهام الغلا جِـِنة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خفف على جفن (ن) سهر لين فجره = بنيت له في عالم السهر بيته
ليه اللسان ليا نطق تم حجره = ورضيت له صمته و طوّل مبيته
ارفق عليه و راضه وتكسب اجره = و شلون يحيى والاحاسيس ميته
ما كل غالي يكوي القلب هجره = ولا كل غالي يوم يقفي رجيته
ولا كل غالي يقبل الصدر زجره = و لا كل غالي قلت ليته وليته
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اخذي من الابجدي , للقـاف صنّاعـه=واشجارعود,الغصون اخذي عتايقهـا
لو لحظة الصمت تحسب كنها ساعـة=قلت الحسابات تخطـي فـي دقايقهـا
إليا انطوت صفحه , الأقـدار جمّاعـه=و الورد حذراك يذبـل فـي حدايقهـا
ولو طال صد المداد و شـح بشباعـه=صاح الورق للقلم و اظهـر حقايقهـا
من مَفجَر النبع يرويك الندى الطاعـه=ولا كـل من يسقي الوردة بذايقـهـا
ما يجحد العهد غيـر قلـوب خدّاعـه=يبقى وفاء الروح لو للموت سايقهـا
في المد والجزر مـا تتغيّـر اطباعـه=و لو ماتطاق العلوم يصيـر طايقهـا
يجوب معك البحر باليخـت وشراعـه=أمرك ينفـذ ولـو كثـرت عوايقهـا
والله ما ارضى عليك تكـون شمّاعـه=لأخطاء البشر بين جاحدهـا وبايقهـا
وشلون ابا اصرم حصادك وانت زراّعه=واعطيك مني شواهـد مـع وثايقهـا
والهوش به نـاس فراعـه وفزاعـة=وانت ءلك فزعة ولو ياطاء حرايقهـا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقرب وفي ما تنظر العين افرّجـك=واسكّنك بيـن الجفـون الحصينـه
ولا ابيك تسكن وسط قلبي ويزعجك=إسراع نبضاتـه و كثـرة ونينـه
اخشى و نيني عن خفوقي يهججك=ثم عاد وين القاك والوصل وينـه
ابي سكنك بنون عينـي واتوّجـك=تاج الغلا والعيـن عنـدي ثمينـه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على ضفافك يانهر دجله لو إنك فـي العـراق = سبح مع امواجك خيال الفكر في ساعة ركـود
العين تسهر و انهمر ودان لأصحاب المـذاق = من مدلهم المزن صافي من شهاليلـه يجـود
ياللي تحرى للسفر , تطرب لساعات الفـراق = عن عالم ٍ منهم وفيهم طول صبرك والجحود
الصبر عطّر لك صفه و ابداع يا ضافي الرواق = و اهل الجحود يدرسونك للحذر و إن هب نود
تعال في مرسى الهجوس ان كان صدرك يوم ضاق= متّع عيونك بالنظر بانواع ومروج الورود
تأخذ من الامثال عِبرة , كل ما الطيش استفاق= وتأخذ تعابير الوله من هاجس الفكر الودود
اسهر وانا بسهر معك لو سِهر عيني ما يطاق = يجلب للافكار الهجوس اللي خفايها تكود
و القاف لو يبطن مفاهيم ومعاني و استساق = تغيض وتفيض الصدور وعالمه ما له حدود [/poem]

الشوق

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوق شوق القلب مع فزّت الروح = إليا سمعت بطاري اللي تودّه

[/poem]

الخيانه

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من بار بالمعروف وانكر للأصحاب = ومن يغدر الغالين واخلف عهوده

[/poem]

الوفاء

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لك عهودٍ مانقضهن صادق العهد الوفيا=اصدق عهودي معك تبقا رضا والا غصيبه

[/poem]

الجرح

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض الطعون البليغة يسهـل دواهـا=وان جات من صاحبك وشلون الأطبابي

[/poem]

من حبيبك؟

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيبي من زرع بذر الغلا في خافقي واسقاه= يداري للغلا حتى بعد ماطابت اثماره


[/poem]

ماذا أعطتك الدنيا؟

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطتني قليلٍ من كثير العبر ودروس = تزول العمار ولا انتهت من تجاربها
عطتني ورود انواع والشوك به مدسوس=وعطتني عسلها معه سم لعقاربها
[/poem]