نبض ..,,.. حرفي

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياخمسه وعشرين بالحيل محبوب=ماانته مثل عشرين مكروه بالحيل
من ميزتك نخلي علشانك جيوب= احضانها مفروشة بالمناديل
رقمٍ لنا من بين الارقام مطلوب=متوارثينك .. جيل ..يدفع بك .. لجيل
غيرك يجي ويروح ماهوب محسوب=مثل القحط وانته تجي كنك السيل
الارض لله بين غالب ومغلوب=فيها النهار الاوضح وعتمة الليل
فيها شروق الشمس متبوع بغروب=والنار والقمرا ونور القناديل
واجر وصلاح وخير وآثام وذنوب=وآهات وهموم وقصيد ومواويل
[/poem]

[poem=font="Traditional Arabic,6,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا تلتفت فاليمين وتلتفت فاليسار=الدرب امامك وعيب انك تراجع ورى
ضيعت وقتك وراح العمر فالانتظار=والجرح الاول بقلبك باقيٍ مابرى
يمكن تشيّب ولكن شيب ماله وقار=توخذ كرامتك من نفسك وعينك ترى
في نونها.. هم واحلامٍ صغار وكبار=ماكحلت رمشها اللي.. منه طار الكرى
الوقت ماينظمن .. مجنون لا دار دار=ماله خصيمٍ كفو يقدر يرد البرى
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا تشكي الهم وانت بخير .. ماانت مهموم=أمورك ميسره وأوضاعك مسهله
تنام مافيه شيٍ يحمل انك تقوم=حملك على كيس ابوك .. وشرهتك تنقله
وامك (تبوسك ياواوا) كل ليله ويوم=امّور ! ومدلل ولا يحرمونه هله
دلوع ناعم .. ولا لك بالخشونه لزوم=وخدودك مورده ورموشك مسبله
خل الخشونه لغيرك وانسدح ومخدوم=لا تقرب الزحمه ولا ساحة الهجوله
[/poem]

لا عاد ترجع فيه واحد مكانكـ
لقاكـ ماأنته بـ/منتبه وأستحله
*
حتى أيش لو أنك تطول لسانكـ
هذي جزاة اللي يخلي محله

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياشين الحظ مايسعى بخيره بيني وبينك=صناديقه على وجه السعد بالقفل مقفوله
لو إنك تعرف اللي في ضميري جيت من حينك=لو إن الكون ياقف في طريقك عرضه وطوله
عليك اللوم .. ليه احتاج لِك وأدورِك .. وينك؟=وانا ادري بك تميّز مطلبي من غير ماأقوله!!
[/poem]

تعال واخذ اللي يجوز إلك كله
واترك مجال لمن يبي معك يرتاح
وصلك علاج وطب من كل عله
وغيبتك سمٍ للمواليف ذباح

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مالي وراك من المطاليب .. مطلوب=وأطالبك.. وان كان تبغى الصراحه
ماني على رفقتك .. مجبر ومغصوب=هذا أنطباعي وأفهمه .. ياكواحه
[/poem]

[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشيخ (ساهر) جاله اليوم مولود=ومن شان يرضى الشعب سماه (حافز)
عسى الولد وأبوه ينخرهم الدود=والنار تحشرهم بكل الملافز
ياخادم البيتين ياراعي الجود=ننخاك .. تكـــفى .. ياملكنا .. لنا فزّ
إفزع لنا بإمداد .. مانحتمل زود=الحال ينزل .. والغلايب تقافز
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رحله سعيده .. بين روحه وجيه=في موقعٍ واحد ولا به مسافه
ماغير همسٍ يرفع المعنويه=وإحساسٍ يجمله قل الكلافه
مع نظرةٍ خجلا ونظره جريه=يصعب بعدها منع دور اللقافه
[/poem]

[poem=font="Traditional Arabic,6,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لي صاحبٍ موجود خلف الستاره=ماأحدٍ يشوفه غير قلبي وعيني
يظهر فـ/شعري بين .. تاره وتاره=ويعيش طول العمر ..بيني وبيني
يحفظ وقاري معه .. وأحفظ وقاره=وأحويه كله ..مثل ما يحتويني
اذا بغاني جيت في عقر داره=واذا بغيته في مكاني يجيني
يعرف مساري زين .. واعرف مساره=ويمد يمناه .. وتشده يميني
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
(رح اشتر) لك ضمير وذمه وخِلقٍ حسن وأسلوب=وزاره خايبه ..دامك وزيرٍ فوقها خايب
هذا في صوب كله .. والكلام اللي طلع .. في صوب=تقول: أخلاق يامسؤول !! وتنافخ .. على شايب
فضحت البشت والكرسي وضاعت هيبتك فالثوب=وجبت العيد .. لكن مادريت العيد .. وش جايب؟
[/poem]

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الغيث من بعد الضما شوف عينك=على أمل لقيا الثنين المذابيل
في ساعةٍ تسأل يديني يدينك=والبدر نصفه تستره عتمة الليل
منها اتنفس فُلك وياسمينك=حتى الغصن من رهبة الموقف يميل
وتذوب قوة قسوتك فوق لينك=والصعب يمسي بك ويصبح تساهيل
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
راح الشهر ماشفت وجهك يالهلال=آخرك هذا ياشهر والا أولك
فيك السؤال يروح ويعود سؤال=والوقت من كف الهموم يمولك
ماتنعرف فيك القصار من الطوال=عمرك قصير وشرك اللي طولك
بيض الليالي وين ياسود الليال=الصبر عيا لا يجيب الضو لك
العمر نصفه راح ماحصل مجال=مدري متى يصفي ياحظ الجو لك
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الادمي مابين امان وبين خوف=وامره مقدّر لو يصيح من الظروف
ماضيه مضمونه يعلم حاضره=بإن الحياه .. الفرصه اللي ماتطوف
وايامه تنومه فأحضان الليال=واحلامه تصحيه -وهمومه وقوف
في سكته - لو كان ماوده بها=يمشي بها راضي ومرغم ومعسوف
شيٍ سمعته فالسنين الماضيه=واليوم انا حاضره وعيوني تشوف
ليلٍ سواده ينزعه نور القمر=ويومٍ بياضه يستره ثوب الكسوف
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مغرور جداً .. قاتل الله الغرور=اكبر مرض .. سبحان رب العالمين
الكبر يشبه للرحاه اللي تدور=تكبر به الهقوات وتعود طحين
الكبر عيب وذله ونقص وقصور=لو صاحبه يحفظ رياض الصالحين
[/poem]

؛؛
؛
ابيك ترجع لي علشان
{ حاجه}

{مزاجي}
اللي فاقده في غيابك
؛؛
؛

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا صرت تافه عادي تصير جاسوس=ماأحدٍ يلومك لأن مالك كرامه
تمشي مابين الناس والوجه مدسوس=والذل يرسم فوق خدك علامه
نوعية تحفر وتبحث عن الموس=والغل يحشرهم بريع الندامه
يكرم وسيع العرف عن كل دنفوس=بفعوله وقوله وكامل نظامه
ياراس ياللي فيك عزه وناموس=لا تنحني حتى تقوم القيامه
العيب هذا الوقت واقع وملموس=اترك حلاله يختلط مع حرامه
[/poem]

وش عاد اسوي يومك اقفيت عني
لا انا اتبع المقفي ولا احب فرقاك
8
8


[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مااقفيت عنك الله يقربك مني=عسى من يبعد خطاويك يفداك
ماالومك انت الوم نفسي وظني=والا الخفوق وكل مافيه يبغاك
دارت دواليب الزمن .. وامتحني=ولقيتك هنيا .. وحصلتك هناك
ميزت ميزاتك وقدرك .. كما اني=مدري وش اسوي واسويه واجزاك
عساك في دنياك دوم متهني=والخير يرقص في حياتك لعيناك
[/poem]

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يذبحك عادي وانتي اسهل ضحيه=مع أمك .. يذكيك.. والا مع أبوك؟؟؟
الله يرحم حالتك يابنيه=يوم أمة الإسلام صدو وخلوك
وقفتي لموتكـ.. بنظره قويه=وباقي مصيرك .. عند واليك متروك
وجه الكرامه فالزهور النديه=به عزةٍ لا حرِكت تكسر الشوك


[/poem]

انا ماافكر .. (وين انا قبل شايفك؟)
يوم اني (اطالعك) .. والا أتذكر!


انا مركز بالنظر (في شفايفك)
واطعم وانا ادقق بها (طعم سكر)

ياكثر ماعيني لشوفتك تشتاق
لاعادها الله حاجةٍ بعدتني


سود الليالي سود ماعندها اخلاق
عن رغبة عيوني وقلبي حدتني


شبت لها نارٍ توقد بالأعماق
وفقدت شمس ايامها وفقدتني

حسبي على اللي تسبب والسبب والضنون
والساعه اللي وقف .....للضيق عدادها

ماعاد اقدّر شكل عندي ... ولا اعز لون
واحلام الايام ماتت ..... قبل ميلادها

ياهاجسي مالقيت احدٍ لسرك يمون
والكلمه اللي فصدرك طال مقعادها

ماضي وحاضر ومستقبل مسيرك بدون
الهم مشرب عيونك ....والسهر زادها