تمر!

السلام عليكم

اسعد الله جميع اوقاتكم ومبروك عليكم شهر رمضان المبارك

متواضعه اضعها بين ايدكم لـ التواصل ..



[POEM="font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الوقت : قبل الصلاه وبعد صوت الاذان=والحال : كلن يقدم يده صوب التمر
يا مرحبابك ويا زينك يا شهر رمضان=جمعت الاحباب في ساعه تساوي عمر
معاد في شارع الزحمه تحصل مكان=مزحوم ، حتى الممر شارع ما كنه ممر
شوف الدكاكين لا داين ولابه مدان=اقفالها خام واحساس الحرامي شمر
رحمه من الله على الانسان في ذا الزمان=شهرٍ يذكره في وقت الخليفه عمر
يوم انها في محافرها يصيح اللسان=ويكبر الصوت بأسم الله وما الله ومر
كانوا يشقون بطن الارض كله عشان=لا تنظلم مسلمه لا دمعةٍ تنهمر
كانوا شجيعين لا نامت عيون الجبان=فقلوبهم سمروا حب النبي وانسمر
كانوا يصلون لله .. فالخفى والبيان=في بادي الشمس والا تحت نور القمر
يتلون ما يسر الله من حروف القرآن=آيه ودمعه وقلبٍ بالخشوع انغمر
كانت سواليفهم يالله بنزل الجنان=كانت سواليفهم يالله بمنها ثمر
كانت سواليفهم يالله بطعم الامان=من شبت النار لين العود يصبح جمر
كانوا على حق يعطون الجزال السمان=ماكانوا اللي كذا ديكور فالمؤتمر!
رحماك يارب من حال الضعف والهوان=يالواحد اللي لجل رحمته احج اعتمر
تاريخ زاهر وتسبيحه وبصمة بنان=شريط ذكرى لقيته وسط فذة تمر![/POEM]





..ـ وسلامتكـ/م ـ..


,,