مراكب حزن ..!!

ارحب يافايز

صح الله بدنك ولاهنت يالسنافي

تقبل ودي

ياكثر الليّ بقوله .. بس ياصبري لعزمـك نـاد
انا ماعاد لي خاطـر علـى النفـس وخوافيهـا
يحركني شعوري كـل ماهـب الهـوى وازداد
على لحظة لقـاء لازالـت اعيونـي تراعيهـا



الله الله يا فالح .. مبدع اينما كنت ..
صح لسانك ولاهنت من شاعر ..
كل التقدير .. والمتابعة المفروغ منها
تقديري ..أخوك .. ابو نايف

فالح

صح لسانك ولاهنت

تشرفت بالمرور


اخوك
تركي الزلامي

فحل شعر يافاالح..
صح لسانك..

صـــــــــــــــــــــــــــــــــــــــــــــــح
"" صـــــــــح السانكـــــــــــــ ""



ياابن قشعم



هنا الابداع ..
هنا الحبك ... والسبك


كذا الشعر يابومحمد والا بلا...



لك كل التقدير.....

المشاركة الأصلية كتبت بواسطة فالح بن قشعم

السلام عليكم


قصيده جديده .. اتمنى ان تنال على اعجابكم لترقي باحساس كل متذوّق راقي




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عليك الصوت وازهل كل بيتٍ يلجم النقّاد = وجرّ الصوت وابيوت القصيده لاتخليها

تراني يارفيقك من ضحى ماني على المعتاد = ماغير اعابل الوجعه واضمدها واداويها

اقول اني ابخير ولا رجعنا للكلام الجاد = ماني في خير والخيره ماندري ويش تاليها

يالولا انيّ مااقاوم هرجة الشمّات والحسّاد = تعشتني مخاليب الذياب وطحت فيديها

لكنيّ ذيب واحسب للرجال احساب قبل انقاد = لكلمه ماتثمّن وايهوي فالنار راعيها

على الله والله الله ذب صوتك واطرب المحشاد = ترى بعض الطروق الحونها تشعف املاحيها

وانا مشعوف خلقه والشعاف الليّ بصدري زاد = يدوب انّه يولّع فالضلوع ولا يطفيها

يموت الحلم واتموت الاماني والحصون اتباد = ولابادت مداين حاضر الضيقه وماضيها

اراجع ماتبقى من زمانٍ فات ماينعاد = واصادم لوعة الايام قاصيها ودانيها


واحاسب واتسيجج واحسبني نلت كل امراد = وانا مانلت غير الوجعه اللّي خيرها فيها


سقيم أي والله ان قلبي سقيم وحيلتي فأجهاد = ونفسي من زعلها ماتراعي من يحاكيها

ورى صدري مراكض خيل واستنفزاع واستنجاد = وضرب اسيوف وأقوامٍ تشوّشها عزاويها

تبيع الروح من دون العروض وخيرة الاذواد = تموت ولا تخدش العايبه هامة مباديها

وفي قلبي مراكب حزن تدفع شرعها الانواد = بحرها الذكريات وواقع الصحوه موانيها

وفي راسي طلاقة عزم وأعيون الرجال أحداد = وأنافه من سطرها ماتخضع الاّ لواليها

وشموخ وعزةٍ تاريخها منسوب من الأجداد = طبيعه والاصول الطيبّه تجذب مجانيها

ماهو صحيح بأن النار ماترّث سوى الرماد = شبوب السمر يرّث جمر والعهده لراويها

ياكثر الليّ بقوله .. بس ياصبري لعزمك ناد = انا ماعاد لي خاطر على النفس وخوافيها

يحركني شعوري كل ماهب الهوى وازداد = على لحظة لقاء لازالت اعيوني تراعيها

ليا من جيت له ماعاد للهجري ولا الميلاد = تواريخٍ ولا شهورٍ نسميها بأساميها

اسج بعالمه واقول .. ياحسن البهاء وش عاد ؟ = مابه زينٍ يحالي قبلةٍ ربي محليها

ليا منّه دعاه الشوق .. حرّك نشوة الميعاد = واجيه اسابق الساعه وتسبقني ثوانيها

على شوفه براكين الغلا وأشعورها وقّاد = سناها يجذب الليّ ليلته ماعاد يسريها

عديت وذاب قلبي في هواه وجيت له ورّاد = وزهدت بفارعات الطول والشهره وداعيها

فطمني من ذوات الحسن نفحات الشذى والكاد = ولا عاد التفت في رق شاميها وعاميها

عليه انقاد قود البدو للبراق والرعاد = ولا اطاوع ولا اسمع فيه مرخصها ومغليها

عسى من لامني به يبتليه الله بصرصر عاد = الى بئس المصير ومن عواليها لواطيها

عليه اعروق قلبيّ مرجهنّه والغلا عدّاد = مايفنى لين تفنى شيمتي عن بكرة أبيها[/poem]



وسلامتكم ..

كبير

ومذهل ومتمكن

شعر صح يقعد الراس ويخليك تحذف العمامه

انت مدمر ياخي وش خليت رفقا بنا فالح لم يبقى لنا مانكتب بعدك

شعر وسلاسه وجزاله وحبك وسبك الله يلعن شيطانك يا شيخ ويرضى عليك انت وبس

اخوي الرائع اكبر الاوسمه معرفت شرواك يابن قشعم



دمت سالما