ردي العادي ..!!

[align=center]

السلام عليكم ورحمة الله وبركاته

أتمنى لها القبول ..!!




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه ما هجعت الليل يا مشعل = والهم بالقلب سردادي / ومردادي
هوجاس يقفي وهوجاس ٍ يجي مقبل = أصبحت منجوم لا عارف ولا قادي
الحزن بين الضلوع ../ الاصعب الاسهل = صعب ٍ تفاديه ..لكن سهل يزدادي
هم ٍ مسلّح غزا .. خفاقي الأعزل = وشلون برقد وهمي حارب رقادي
على وليف ٍ رحل ما قلت له يرحل = يبعد وأنادي .. وأغص شوي .. وأنادي
أنا أعرفه زين .. ما يبغض ولا يزعل = ويغفر خطاياي لامن زدت بعنادي
هو ليه يوم العواذل جوه ما يسئل = وشلون فيني تسمّع هرج حسادي
لكن مصيبة بعاده .. شي ما يعقل = غدا .. وأنا صرت مثله بالدهر غادي
ماني مصدق يخلي دمعتي .. تنزل = وماني مصدق يعكّر جوّي الهادي
الصاحب اللي يشابه عوده المغزل = اللي نعومة خدوده تقهر الكادي
الزين كله يجي من طرفه الأكحل = متسلم ٍ بالعذارى مركز قيادي
نقوة فؤادي كريم أخلاق ومكمّل = لكن عسا الله يرجّع نقوة فؤادي
بعض النوى يقتلك من دون ما تقتل = ياخوك قله ../ ترا الظالم هو البادي
تنشد عن الحال شفت الحال يا مشعل = ماعدت أجامل .. وأرد بردي العادي [/poem]







تقديري وأحترامي لكل من مر هنا ..!! [/align]