ياكثر الأماني !!!

السلام عليكم ورحمة الله وبركاته


قصيدة للتواصل فقط



صلو على النبي


*

*

*

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الزمان يدور والعمر لادارت رحاه=أسرع من البرق يشرق علينا ويغرب

آه ياكثر الأماني ... ولذات الحياه=مير ربي لاكتب شي للمسلم كتب

مالك الا قسمه اللي يراك وما تراه=المعين لمن رجا والمغيث لمن طلب

ياكثر شرهات الأيام في وجيه الطغاه=تقبل الدنيا طرب... تقفي الدنيا غضب

ولا أنا قلبي خضر لا طلبني ماعصاه=نار شوقه بالحشا تشتعل مثل اللهب

راعي القلب الخضر دوم يمشي في عماه=كل مادارت عليه السنه يعشق عرب

والمطوع يوم شاف الحلا شال العباه=قال تكفا خلنا نغيب من قبل أخرب

أشهد أن الزين فتنه على عيون الهواه=ياكثر ماضاق صدر الهواوي واللتهب

ياغلاي اللي بنا في وسط قلبي بناه=ياعذاب القلب ... ياللي تحلين الذهب

أحكمي في عرش قلبي ودوجي في حماه=وأستريحي في قصر خافقي فوق الكنب

ياكثر ماتزعليني وأشد الآنتباه=أتزعلّ يوم ... من عقبه يطيح الحطب

تدري أنك في خفوقي غلاك يسيل ماه=وعاش عرق التوت منه ... مع عرق العنب !

والقصيد شعور ماهو خرافات الرواه=القصايد موهبه يوهب الله من يهب

والشعر ماني براجي من الشعر الغناه=الشعر طربة مراجل ... وميقاف ... وأدب

وأنت خابرني مزاجي ... على كل أتجاه=أتضايق قبل أحب ... والمصيبه يوم أحب

ياغلاي أن شفت وجهي عليه الحزن تاه=ماعليّ أخلاف ... لكن لاحقني تعب

مد لي يمناك والقلب لاتبحث خفاه=صاحبك له عام من بحر حبك ماشرب[/poem]