دام القصايد مختصر معنى وقافٍ له نظام

أعزائي اعضاء هذا الصرح الشامخ المرقاب

السلام عليكم ورحمة الله وبركاته

هذي اول مصافحتي معكم ان شاء الله تحوز على رضاكم



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

دام القصايد مختصر معنى وقافٍ له نظام = وليا تخللها خلل يخل في بنيانها

والشعر يعنيني ولو ماكان لي غاية مرام = لكن رساله واهلها ماضيعوا عنوانها

ودام السكوت احيان يكفي عن كثير من الكلام = والناس مايحكم عليها غير قول لسانها

انا ليا وردنّي الهاجس لو افكاري حيام = لابد ماركب شعيرتها على نيشانها

اهتم فالغايه وفالمضمون والمعنى شمام = وليا دخلت بيوت مادخل غير مع بيبانها

من خوف يلحقني من النقاد في قولي ملام = من كلمةٍ يصدر علي امر الحكم من شانها

ماسقتها يعني على قول المثل والدرب شام = سمو فكري عن متاهاته هجوسي صانها

ابني بيوتي مثل ماتبني منازلها الكرام = اطنابها المعنى بديع المفرده عمدانها

شعر ٍيشرفني واشوف انه على صدري وسام = لو همشت من كثر شعار العرب ديوانها

لاني ليامن الامر والموقف ألزمني إلزام = فتحت طرواده وطرواده ركبت حصانها

والعلم نقيض الجهل والنور نقيض الضلام = واهل العقول اللي بكفتها رجح ميزانها

علي انا وامثالها ماتفرض الا الاحترام = تبقى المبادي ثابته رغم اختلاف ازمانها

ياشجرة الزيتون كم غرد على غصنك حمام =واليوم ماباقي حمام وشجرة ٍ باغصانها

قام يغليها الوقت واحرق زيتها والسرب حام =واصحابها عاشوا تقول اغراب وسط اوطانها[/poem]


وليد الغـــــربي