أنا بخير..!

مساؤكم جوري ...

المشاركة الأصلية كتبت بواسطة بنت وايل

وبإنتظار اللي على ذمتي

طبعا ذي مكانها الركن لكن ذمة الوايليه جابتها هني

تقبلوها ؛

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا مل قلبٍ ضاق من حر مافيه = جر الونين ولاحدٍ فاطنٍ له
على الذي اقفا وعيني تراعيه = راح وختم قلبي بختمة سجله
ما يدري ان الحب شيّد مبانيه = ولا يدري ان الشوق يرثي محله
اراقب طيوفه واتابع خطاويه = واصد عن جرح الحشا حشمةٍ له
واسامر النجمات والليل أسرّيه = مابين صمت وبوح والدمع اهله
واعاتب حروف الغلا يوم ترثيه = واطوي غلا ذكراه وارجع أفله
طالت على قلب المعنّا لياليه = والريق يابس والضوامي تبلّه
يا وجد حالي كل ماصحت لبيه = لبيه يا سارق غلا القلب كله
ماغيرك اللي شرّع القلب بيديه = ولا غيرك اللي شد قلبي وتلّه
يا عاذلين القلب ليه المشاريه = وقلوبكم رجم المعنّا تدله
لو تكثرون القول ما باح خافيه = ولا باح مكنونه على قلب خله
وما دام راسه حي والله معافيه = أنا بخير وضيقتي فدوةٍ له
[/poem]