ونين قلوبنا !!

السلام عليكم

أجتماعية للتواصل عبر المرقب الشعبي ،



[poem=font="Simplified Arabic,4,darkblue,bold,normal" bkcolor="transparent" bkimage="" border="double,2,white" type=2 line=0 align=center use=ex num="0,black""]
ندور للتجاره مير ماش أموال=يا روس أموالنا هاتي مقاضينا
بلشنا فالغلا واصل الغلا لا زال=يطاردنا وياكل من مخابينا
من أول ياخذ الاسبوع مية ريال=وهاللحين الميه يالله تعشينا
من أول يفرح الرجال بالرجال=وهاللحين الفرح لاهنت بعدينا
من أول ناخذ الفله بدون الفال=وهاللحين الشقق بالفال تنبينا
غلا فاحش وتغريبه وضيقة بال=من الحاصل نسينا ويش اسامينا
يسود الجوء استجداء بعد جدال=كلام عقولنا من حظ اذانينا
وذا كاتب وذا محلل وذا دجال=وشاشات وكميرات وملايينا
وخذنا صبح قبل نكمل الفنجال=كفى فنجالنا الدله وشاهينا
يفور الدم وسط عروقنا ما سال=يوقف نبض / تنبض دمعة العينا
هنا مات الجمل ما عاد به جمّال=هنا وش أنت يا سكر قصب سينا
هنا ما عاد به طيّب وعال العال=هنا صاب المرض حتى المجانينا
هنا والا بلاش نغني الموال=ونين قلوبنا لحنه يكفينا
صديقي يوم قابلته سئلته قال=وهو كتلت حزن يشكي من الدينا
لابو فاتورة الجوال والجوال=ما دام الدين عيا لا يخلينا
ما أبي تاجر ولا ابغى اكون رجل اعمال=أبي مديون ومحافظ على الدينا !!
[/poem]




..ــ وسلامتـكـ/م ــ..