[ الدروازه ]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
لا تعذبني .. وانا لو لا غلاها .. حتى =ما اعتزلت الناس .. وانهيت ارتباطي معها
والله اني صرت بين الميم .. واليا .. والتا =كل ما شفت الدموع اللي علي .. تدمعها
تدري انها غايتي .. وان الوسايل شتى =وكل نبضٍ في خفوقي .. قد طَرَق مسمعها
وتدري ان مافيه شي يضرّها .. يتأتى =عيطموس .. وتقدر تفرّ الهوى .. باصبعها![/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وآدعتها من شان اريّح .. ولا ارتحت=واقْفت .. وعيني دمعها اللي فضحها
حاولت اوقّف وقفة الصامل .. وطحت=حتى الشموخ يقول: طيحتك .. طحها
منت اول اللي دنّق بنظرته .. تحت=متذكّرٍ له .. لمحةٍ .. قد لمحها
قلت البلا اني من هوى البنت .. قد صحت=قدام احس بذنب جرحٍ .. جرحها
عشقتها والعشق من بيننا .. بحت=ماهيب جره .. من وطاها مسحها
كلٍ يقول اني تغيّرت .. واصبحت=قصة غرامٍ .. ذمها من مدحها[/poem]

لكن ..!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عندي ثقه فيني وفيها .. بعد رحت=اما ذبحني الشوق .. والا ذبحها ! [/poem]

.

هل من الحكمه
اتبّعاع مقولة [ خير الامور اوسطها ]

ومن ثم تصطدم
بواقع هذه الحكمه ..!



طبيعة الرجل
لا يقبل .. ولا يتقبّل ان يكون في وضعيّة
صاحب الكرسي الاوسط
لان الخيانه تقتل !!


ولعل التناقض في طبيعة هذا الرجل نفسه
انه يجد المتعه في نفس الوقت
عندما يجلس في اقصى
اليسار !



علماً بأني :-

حاولت جاهداً .. ان اجد التعليق المناسب
لـ صاحبة الكرسي الايمن

فــ لم اجد
ولن اجد



إذاً :-

لا تعليق
لا تعليق
لا تعليق

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من يرخي عيونه .. ويرفع حجاجـه=قولوا له ان حنّا .. قضينـا غرضنـا
نغيب .. حسب ظروفنا .. ونتواجه=ومن الوله .. يآكل بعضنـا بعضنـا![/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تعذّبك .. الظنون .. ونفسك الامّاره =وانتي اول من عطاك القلب .. من ميسوره
إتركي ماضيه .. واطلاله .. وكل اسراره=واستغلي نبضه .. ونزفه .. وصدق شعوره
إرتوي من عذبه اللي .. كان بالقطّاره =يِقنع به .. اصحابه ونقّاده وجمهوره
لا تخلين العتاب المر .. يشعم ناره =ما وراه الا زمانٍ ما تطير طيوره
فـ ان حلفتي وابتعدتي .. ادفعي كفّاره =عن مسا خط المشاه .. ورقصة النافوره![/poem]

هذا شايب من الشيبان راعي ابل
ما اعرف اسمه ولا اعرف وش قبيلته .. بس حسب كلام الراوي انه هاجري
يقول مره من المرات .. راح يعس .. (بحثاً عن المرعى)


ولقى له ارضٍ خضارها على مد النظر .. ولا بعد طبّها مخلوق
وهو يرسل لواحدٍ من ربعه اسمه (دلموك) قال : يا دلموك ابشر لك بـ جوٍ على كيف كيفك
والله يا الناقه .. انها تبرك فالضحى من الشبعه تعال ولا تعلم احد
خل البل تفلّي في هالربيع المبروك ما غير انا وانت !
قال : جايك جايك



دلموك .. عنده اخت عجوز عندها اكثر من 2000 راس غنم
وهو يعلمها .. يا فلانه .. ترى فلان ارسلّي يقول انه بـ يحل في الجو الفلاني .. والرجال يمدح نيته
يقول ان الناقه تبرك فالضحى من الشبعه ، تعالي ولا تعلمين احد <-- جعله ما يزين علمك
قالت : قوم درجني .. جايتكم جايتكم



ولا حلم ولا علم الشايب يوم اصبح الا ذا دلموك وذي اخته
يعيثون في الارض فساداً .. اهنا 200 ناقه و2000 راس من الغنم


وهو يتهيّض :-


[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالوا ربيع وقلت ماهوب مبروك = مبروك لو ما حلّ به .. غير حنا
زودٍ على دلموك .. جات اخت دلموك = دلموك منا .. واخت دلموك منا[/poem]!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش تبون .. بنبرة الشاعر وبحّة صوته =كل ما مريتوا الصدر المقفّص .. ويقوا
خلوا الميّت يموت .. ويهتني في موته =واتركوا عنكم : وش اسباب الوفاه ؟ .. وفيقوا
دايمٍ حظي تعداه الفرص .. وتفوته =كل شيٍّ منتهي .. حتى اشتراك الايقو![/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بغيت اتناسى .. واتعوّد على غيابك =لكن كل ذكرى .. جابها الشوق .. بكّتني
هذي حالتي من رحت عني .. وانا اولى بك! =لا شافتني صدوف المقادير .. صكّتني
يا شين الزمان اللي خذاني .. وقفّى بك =سرق ضحكتي .. وانهى طموحي .. وسكّتني![/poem]

الدروازه : هي البوابة الفخمه الضخمه , للـ مدخل المدينه ,

والدوازه , هُنا مِن الذهب و مرصعه بالدرر واللآلئ الثمينه ,

والمدينه هُنا مُترامية الأطراف ,

يستوطِنُها الشعر الأصيل , و تستوطِنُها الجزآلـه , تجري فيها أنهار العذوبه ,

المدينه هُنا في مأمن , فهي موطن الأبداع والجزآله فقط ,

لله دُرك ياخالد , لقد أحكمت الدروازه , و أبدعت فيها , فـ ليس لها مثيل ,

تقديري ,

المبدع / مصلح بن نميان


كلامك اعلاه .. وسام شرف واهداء لا يقدر بـ ثمن
وبما انك صاحب ذائقه نخبويه .. ومصمم راقي ومبدع .. من حقي افاخر بكل حرف قلته وراسي فوق
لا عدمتك يالغالي !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل عام وانت بخير = يا منتدى المرقاب
مع وافر التقدير = للربع والاصحاب![/poem]

من موضوع إهداءات مرقابيه
حزت على هذا الشرف .. من الزميل المبدع / مصلح بن نميان






[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابدعت يا مصلح وجمّلت الحروف = تصميمك .. اروع من حروفي كلها ![/poem]

ولا عدمتك

المبدع / ناصر مناحي
شاعر من الطراز الفريد واحبه .. مره من المرات كتب له ابيات عن موضوع اعرفه انا
واعجبتني بيوته وطريقته في تضمين .. كل ما يدور في خاطره
وكانت لقافتي في عصرها الذهبي .. وجاريته


يقول ابو مناحي :-


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا السيل .. حدوني على غير واديك = لو كان جايز لي حياك ومسيلك
وقفت ماابي ردّتك عن مباديك = اللي تحطّك فالعيون وتشيلك
وإشره عليّ بين الفخر و المماليك = ان ما كفتك امن العرب وقفتي لك
ياسهيل نوماسك بذكرك وطاريك = الناس .! عن كبد السما ما تزيلك
ان ضقت لا تلحقك ريبه وتشكيك = من عين .. من عينه زرت لا تخيلك
لا ذا ولا غيره يعذرب مماشيك = العز مجلاسك وطيبك حصيلك
ان كبّروه مكبرين الصعاليك ؟ = تراه ما يسوى مواطي رجيلك
أغلب علومه بين هذي وهذيك = وأصدق فعوله كذبةٍ تشتكي لك
يا صرحنا اللي كلنا نجتهد فيك = نهديك لجل نزيدك ونهتدي لك
اللي مشاويره مهي منك وإليك = لو ضاق ساعه منك .؟ دوّر بديلك
كنسل مشاريهك وكبّر هقاويك = في ظلّنا وظلال من يحتمي لك
واللّه مدام انّا معاك وحواليك = لنسيّدك سيّد على كل جيلك [/poem]


وقلت انا :-


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا برق لا تفصل .. وسبحان واليـك=دام السُحب تضحك لك .. وترتخي لك
عطني من كنوز السموات .. واعطيك=ما يملي عيونك .. ويشفـي غليلـك
ضامي .. وبانت في عيونـي مواريـك=إقطع ضماي .. وهات من سلسبيلـك
مهارتي فالصمـت .. تحتـاج تكتيـك=الى متى يا صمت .. وانا ارتكـي لـك
اما افتح ابوابـي .. وفـك الشبابيـك=والا على ما قيـل .. كمّـل جميلـك
اقديت يا ناصـر .. وتسلـم اياديـك=فكرك يخوّل لك .. وقلبـك دليلـك
كحلت عين القافيه .. مـن معانيـك=واغنيت عن سطوة كثيرك .. قليلـك
لا تلتفت فاللـي عزومـه .. تثنّيـك=قل: كرّ جمرك .. وانقله فـي شليلـك
شالمشكله لو تنفقس .. بيضـة الديـك=خله يكاكي بيـن صبحـك وليلـك
دوّر .. وتلقى من رصاص البلاجيـك=ما يقطع قيـادك .. ويخلـي سبيلـك
انت اكبر من اللي يباري .. خطاويـك=لا هوب من طبعك .. ولا ينتمي لـك
حبيت اناقش ما كتبتـه .. واجاريـك=والا ترا ماهوب .. من حبنـي لـك![/poem]

كحلت عين القافيه .. مـن معانيـك
واغنيت عن سطوة كثيرك .. قليلـك

ماشاء الله تبارك الله عليك وعلى ابومناحي


نسخت بيت ومسحته ونسخت هذا ومسحته وراح يومي نسخ ولصق

صحت السنتكم ولاهنت



نايف

نايف القحطاني


يا مرحبا والله مليون يابن العم .. وجودك بحد ذاته شرف لـ اخوك
ولا عدمتك يا ذيبان

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مريت بالصدفه .. عقب ما مضى وقت =على المكان .. اللي جمع روح مع روح
وطاحت دموعي فوق خدّي .. ودنقت =وعجزت اوقّف .. وقفة رجال .. واروح![/poem]

خالد ممكن

نسخه مفتاح الدروازه لاني على طول موجود




ابداعك منقطع النضير وشاعر يكتب بتفرد


والاعجاب والمتابعه خبرها عتيق وانت تدريي

الله يوفقك ياخالد

,
,





خالد


الشهر عليك مبارك


والمتابعه منذ مبطي طال عمرك

صح لسانك
صح لسانك
صح لسانك

.









لله درّك يا خالد !

سجل متابعتي الدائمه لـ ( الدروازه )

،

ناصر المرشدي
فهد بن عبدان
طلال السيحاني



تواجدكم ومروركم في محلكم .. يشرح الصدر يعلم الله
ووسام افاخر به واماري به .. لا عدمتكم
وكفى !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان تضايقت .. ودريت ان الظروف تموّت =وابتلشت بهمّك .. وتشتيته .. وجمّاعه
لا تعلّق في متاهات الزمن .. وتصوّت =دوّر اسمي بين الاسما .. وارفع السماعه! [/poem]

ابو فيصل

تسجيل اعجاب