أصـداء الأصـدقاء [ 9 ]

[align=CENTER][tabletext="width:80%;background-color:black;"][cell="filter:;"][align=center]

ضيفنا اليوم مختلف و صديقه ايضا مختلف ..اتحفنا بعطاءات لا تتوقف ..

وعلّمنا كيف يكون التعامل الراقي سيد الأخلاق

امتلكنا بطيبه و سماحته و خفة ظله ..

اجبرنا على احترام حضوره , وانتظار مشاركاته و ردوده ..



تقبل الدعوة بكرم .. وحضر ليحكي عن قلب آخر رافقه

كلي يقين ان المرقاب بأجمعه سيقول للإثنين - ضيفنا و صديقه- [ والنعم ]


هو القدير ناصر الشيباني فاهلا به و مرحبا

ناصر الشيباني , صدقاتنا كثيرة ولكن قليلة تلك القلوب التي نتفق و نتوافق معها ..
عرف صديقك في سطور .. وارسم لنا ملامح شخصيته ..

متى عرفته .. و كيف .. واين ؟

*

بالمختصر هو الصاحب اللي ( لابغيته لقيته ) ..

بكل امانه من ثمرة النت معرفة هالصديق .. تعرفت عليه عن طريق ( برنامج الماسنجر )
ودعوته بحكم انّا ساكنين في المنطقه الشرقيه كلنا وشرفني بالزياره
وعقبها صارت بيني وبينه رفقه ومزارق طيب ومقابلات مستمره وبالعاده ماتكون في نهاية الاسبوع ..



*

اجمل صفة تراها في شخصيته ..

و اكبر عيب تتمنى ان يتخلص منه ؟



*

طيبة قلبه واحترامه واسلووبه الطيّب فيه ميزه عن غيره كل مااقول له شي قال معك ( قدام )
اذكر مره قلت له بنسافر للكويت وعلمته قال ابد انا معك .. بعد فتره قلت له بنروح لـ مكه نعتمر
قال انا معك .. رغم انا مارحنا للكويت ولا لـ مكه الظاهر البلا مني ..

.. اما العيوب ان شاءالله مافيه عيوب لكن نقدر نسميها عاده ( السهر )

وكنت انصحه عنه وهالحين انا اقوى منه ..


*

هل تذكر موقف نبيل صدر عنه ؟



*

مواقفه كلها طيبه /

مره طلبته سلف ولا قصر معي




هههههههههااي امزح امزح


*

نصيحة ثمينة اخذتها عنه .. او درس قيّم تعلمته منه ؟؟


*

معنويته عاليه ويعجبني انه شايل اليأس من قامووسـه ..


*

هواية مارستها معه ذات يوم .. وندمت او ادمنت عليها ؟


*

ماعمري ندمت على شي معه ..



*

جملة او بيت تردده كثيراً على مسمعه للترحيب بمقدمه ..؟



*

اذا سيّر عليه هو ينادي وهو طالع لـ شقتي مع الدرج وانا لاسمعته ينادي قلت

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حيّك وحي الساعه اللي تجيبك = طاريك عيد وشوفتك عيد ثاني [/poem]


طبعا ً البيت له وحلالي وحلاله واحد


*

اعترافات تبوح بها , تشهده و تشهدنا عليها ..؟



*

اعترف انه سريع البديهه ,,

ذكي على قولتهم يفهمها وهي طايره ,,

يحب السفرر ,,

مايحب المواقف المحزنه يتأثر منها بسرعه ,,



*

قصيدة لك دائما ما يشيد بأبياتها كلما اتته الفرصة ..؟



*

صراحه قصائدي ماهيب لاهناك اقل من الوسط لكن هناك بيتين
لي يشيد فيها وشكله يجاملني

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تدري وش يجرح القلب ياسعود ؟=لاصرت تغلي شخص ماهوب داري
تنشد عنه لاصار ماهوب موجود= وتفز لاجاله مع الناس طاري [/poem]


*******


وقفة

ابيات جميلة كانت يوما في مربع توقيعك المتجدد

اقدمها بصورة أخرى هنا , اتمنى ان تقبلها

********

موضوع في ارشيفه المرقابي تعود له بين الحين واللآخر ؟


*

ركنه الهادئ يعجبني حييل وله قصائد حافظها كامله

اذكر مره يعلمني بقصيده له وانا اعدل له .. لكن له قصيده بدايتها يقول

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامنتمي لي وينك ووين اراضيك=كم لي وانا فاقدك ماعاد اشووفك [/poem]


مدري وين يروح فالقصيده .. لين يقوول

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كانك بخير وحاظرك مثل ماضيك=في من يحبك لاتجرب سيوفك [/poem]


هالقصيده تعجبني كثير كثيرررر



********


وقفه


قصيده جميلة زينت ركنه الهاديء ( اخر مراسيلي )
والذي دشن بتاريخ 30-08-2007 .. و اطلع عليه 383,659 قاريء نهم
ولازالت القراءات في تصاعد مستمر

******

ذكرى ثمينة جمعتك به ..



*

فيه قصه بقولها لكم


هالسالفه لها اكثر من سنه نجتمع انا وياه كل فتره يسئلني يابو سلطان ماكتبت جديد
اقول له الا كتبت وسمعته البيتين
[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تدري وش اللي يجرح القلب ياسعود =لاصرت تغلي شخص ماهوب داري
تنشد عنه لاصار ماهوب موجود = وتفز لا جاله مع الناس طاري [/poem]


وكان يشيد فيها بقووه المهم لاتقابلنا مره ثانيه قال يابو سلطان ماكتبت شي جديد
قلت له الا قال سمعني جبت نفس الابيات وضحك

حتى عيسى الشاطري من كثر ماسمعها الظاهر حفظها ..
المهم مره فالمطعم نسولف قلت لهم يالربع عندي ابيات كاتبها جديده
قالو سمعنا يابو سلطان وجبت هالبيتين وفطسو من الضحك فالمطعم هههههههااي




*

ماذا تقول له في بيت كـ إهداء خاص ؟



*

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مرقابنا مشتاق وحنا ازود شوي= متى نشوفك حاضر ٍ ومتواجــد [/poem]



خارج النص /
اسولف انا وياه وعلمته في هالبيت قلت وش رايك فيه
قال ناصر انت تقول قريحتي وقريحتي ليت قرايح نص الشعار مثلك / قال هالبيت عن 10 ابيات
وعاد انا مدري هو يجاملني والا صادز / بس انا اتوقع انه صادز << يعزز لـ عمره



*

رغم انا عرفناه ولكن سؤال لابد منه

من هذا الصديق الذي قربتنا له و عرفتنا عليه ؟

*

مشعان البراق








*




ناصر الشيباني




رسمت لنا قلب من كل الزوايا

و خفة روحك جعلتنا نبتسم طوال الوقت هنا

كل الشكر لقبولك





*


مشعان البراق


عرفناك قلبا كريما باذخا كل ما تملك من اجل المرقاب واهله

وعرفناك هنا صديقا جميلا كاملا روحا و عقلا ..

نتمنى ان تكون عودتك قريبة .. لتفرح بها كل من قرأك


*



للجميع


تبقون انتم الأوفى

حضوركم و تواصلكم شرف امتن له دوما ..


و لكم كل الشكر



[/align][/cell][/tabletext][/align]