(......... كنوز مرصوده ........)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشوق زرفل بي وأناحملي كليف=من كثر ما ..ورّى ..فأصاحيبي وأعيف
لكن هل الروضه ليا جيت الرياض=لقيتهم جايين من حي المصيف
والشاعر اللي نبض حرفه مختلف=شريف ويشرّف وأنا مثله شريف
ومناصحه..ومناصحه..ومناصحه=عن عارض الولف ومعاريض الوليف[/poem]

[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
انا تراني ليا من جيت لك جيت=لكن.!ليا أقفيت عنك.أقفيت مره
ما أقول لك.ويش فيك؟ و ويش سويت=أقول شكراً مدد على المضره
يعني ..بعد كبوتك عفتك وصديت=ودعيت لك بالسعاده والمسره
لاتحسب إني بقول بحقي أخطيت=صدري مدارات وأبراج ومجره
بنيت به للقناعه والعطاء بيت=ومنعت عنه الملامه والتشره
بصمتي أدركت ماأريد وتقاضيت=ما شافوا أهل العتب لخطاي جره
ومن الرضاء بالقضاء أفطرت وتغديت =وأمسيت راضي ونفسي مستقره
[/poem]
مطلق بن عبيان.

أعاتب الغايب

على
طول

الغياب.....
وأثر الغياب

أخير

ماسوى
معي!!!!!

قصيده موجهه للشاعر فهد العازمي:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ياعسيرات المواقف وياعون الرفيق= كلما ضاقت على القلب هلن العيون
لايمي يركض مع الوقت مايلقى صديق= لين ترميه المصايب على حداد السنون
ولاّ أنا لي مع رجال الوفاء عهدٍ وثيق=أشتريهم بأحمر الدم والكايد يهون
ولاني بغاوٍ مسافه وتفصيلٍ دقيق=مار تجبرنا المواقف على بدع اللحون
كل ماتطرى الطواري على الصدر ويضيق=أذكر اللي فالأمور العظايم ياصلون
روس قومٍ فالمواقف يردون الوسيق=مثل أبوريان.وإن طوحن بعض الضنون
رجلٍ مجرب ووجهه على الجزله طليق=يدرك النوماس قدام غيره يدركون
يافهد:يبرق عليه من الدنيا بريق=والصعيبه عندك تهون والمطلوب دون
أعتبرك ليا لوى الوقت عرقوبه شقيق=وأعتبرك أخوي الأكبر وراسي والمتون
عندك درايه عن الوضع والسر العميق=والآوادم بالسوالف يشقون البطون
أحسب إن الجو هادي وصافي قبل أويق=وأحسب إني لانخيت القرايب يفزعون
مير أنا ماني بجاهل طريق ولا زريق=ولاوقفت مع الأماني على حساب المنون
رأسي يشم الهبايب وجنبي من طويق=وعزوتي ماهيب سهله وقلبي مايخون
وأنت عوني كل ماأشرف على البحر العميق= بعد عون اللي منه نستمد بكل عون
يافهد:لو ماء البحر يعرف حقوق الغريق=ماسرى بالروح والليل غاشيه السكون
يافهد لوماش مكسب وطب من الرحيق=كان ماشفت العسل من زبون ليا زبون
يافهد خابرك شاعر وتحكم لك فريق=وإلك قلبٍ يقرى الأهداف قدام العيون
والظهر لويجبرونه على مالا يطيق= ينحني ويكل ويذل ويموت مغبون[/poem]
مطلق بن عبيان.

رد الشاعر:
فهد العازمي على القصيده السابقه:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]

كل ما أنسى طاري الهم واستانس وفيق=دق ناقوس الهواجيس دق التيلفون
رحت أنا وأمواج الأفكار في طق وطقيق=والروابع جات من كل شكل وكل لون
مير أنا جربت شي على حق وحقيق=لاغريب أحداث الأيام مافيها سكون
هاضني خط منمق ومضمونه يشيق=من رفيق خصني به وخص الاقربون
مرحبا ترحيبٍ أعذب من النفح الرقيق=في هوا جو تعله هماليل المزون
بالرفيق اللي جوابه ومنطوقه يليق=فيه من زين المعاني ومن زين الفنون
شاعرٍ يطمح بفكره وللجزله شفيق=من رجال فالنوايب يسدون الديون
يوم صولات الاعادي يفكون الوسيق=فعلهم يحسب حسابه لياجاء الكون كون
ينتمي لي وأنتمي له وكيف الشعر سيق=كل شارب له مقص حديد وله دهون
تشتكي لي يابن عمي وموضوعك غليق=مير تبشر وأنت تامر ويامطلق تمون
عاشق تبغى المعالي وغيرك كم عشيق=والمراجل كايده والبشر مايرحمون
أحد ياصلها واحد عاد من نص الطريق=كم وكم خطلان الايدي يروحون ويجون
والدروب معبده مابها شي يعيق=دوّر اللي معه كل النشاما يسلكون
أن بغيت الغرب عان السريع اليا المضيق=وانتبه قدمك تفاتيش كان أنك بدون!
وان بغيت الشرق خطه يمر أيسر بقيق=مايردك غير بحر الخليج وهاف مون
طق باب العز وإركن على الركن العريق=البيوت اللي تظلّلـــك شامخت الركون
ويش لك في دار يجفاك جعله في حريق=أدعله بالشر واهل الحسد يستاهلون
والمنافق لاتحطه شوير ولا لصيق=وإحذر المنة ترى أكثر عباد الله منون
زاد وزن الماء زياده على وزن الدقيق=وقتنا مجنون والناس صايبها جنون![/poem]

[poem=font="Andalus,7,green,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
مالوم قلبك على حب المداغيش=الوم من في محبتهم يلومه
[/poem]
مطلق بن عبيا.

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
إسر ياليل السهارى وإكشف المخفيه=وإخذ معك اللي شرى خوتك وإخذ فؤاده
وإرسم إلنا في ظلامك خطةٍ خمسيه=نسرج بها اللي ورى ظلوع الصدر منقاده
من يسوق المعرفه والعرف والجاهيه=لايبركها على فراش الزرى وشداده
ظاعت الجره على القصاص والمريه=وظاعوا شهود القضيه مع سوالف غاده
وإن بنى الشيطان عشه بين شمس وفيه=مثل ما يفعل بحزبه يفعلون أحفاده
ليتها من سلة السكين والجنبيه=وليتها ماهيب شطرٍ من لحن مياده
مايعرّضك الهلاك الاّ الظنون السيه=لاإبتدعها من يشوف إن الظليمه عاده
بايع الذمه يشابه مخلفين النيه=كل مانكشف قضاه ومرجعه وسناده
والجهاز اللي يحفظ الكلمة السريه=فرمتوه عيال حوا وإنكسر عداده
لين عوّد يشتغل بالطاقه الشمسيه=تحت إسم علم ونجاح وفلسفه ورياده[/poem]
مطلق بن عبيان.

[poem=font="Simplified Arabic,6,gray,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
أكابد الحزن عن وجهي وصدري يضيق=والياس يرقى ظلوعي مرحله مرحله
لن قلت أبا أصبر عطيت النفس مالا تطيق=والصبر قدّم معاذيره وساق جمله
وإن قلت أبا أفعل وأباأفعل كل شئٍ يعيق=قدام لانعرف الأسباب والمشكله
خل الخناجر تدق الروح حتى تفيق=حرام نقضيك ياسنين العمر هجوله
[/poem]مطلق بن عبيان.

[poem=font="Andalus,7,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ماكل حيٍ يموت وينكسر عوده=أذكار الأجواد ماتدخل مقابرها
كم ميّتٍ ذكره يعدي عن حدوده=وأخباره مع العباد اللي تذاكرها
وأن كان ماوظّح القصادمقصوده!=(مايكفخ من الحرار الأ نوادرها)[/poem]
مطلق بن عبيان.

[poem=font="Simplified Arabic,7,purple,bold,italic" bkcolor="transparent" bkimage="" border="none,4,gray" type=3 line=0 align=center use=sp num="0,black""]
بكت منكم عيوني وإسفهلت=خواطركم على دمعة عيوني[/poem]

[poem=font="Traditional Arabic,7,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
على جبال [بيشه ]قمت أخايل رفيف بروق=ينوش الشمال وشرقي السيف ماطرها
بروقٍ صدوق خيالهاليا إنحدر من فوق=عطى الأرض لين يعانق الريح باذرها
قطع سيلها واد الجرير و وصل ساحوق=وسقى أجا وسلمى وإضحكت له عثامرها
يصب القراح وينبت الشيح والزملوق=وتسابق له شفوف القلوب ومشاعرها
نسيمه علاج وبلسمه يشفي المخلوق=منه صيدلية الفكرتدعم دكاترها[/poem]مطلق بن عبيان.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
أبيات متواضعه مني لحفظ العهد مابين=أصحاب وأقراب فالدار وبني جد وعمومه
(المعرفه)كنز غالي في مقام السلم والدين=وأنا أشتري من تشرفني مع أصحابي علومه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ظروف الحياه أكبر من العقل والروتين=ومقام الرجال أكبر من الشعر ومن المال
فلا الوقت يعرف قيمتك فالقسى واللين=ولا الناس تعذر بأي حالٍ من الأحوال
وأنا ماأتحرى قفلة البيت والبيتين=ليمطر خيال الشعر واد القريحه سال
عشان الأديب ليا تسمّع كلامي زين =يقول أشهد إنه يوم قال القصيده قال
هلا مرحبا مليون يا ربعنا الغالين=عددما لمع برق وعدد ما تقافا خيال
هذا ليل عيد وينحسب ثالث العيدين=عسى الله يلم الشمل ويزين الأحوال
وعسى الله يبيض وجه من جمّع الشرهين=له الشكر بعد الله على حسن الإستقبال
ترى الموقف اللي يطرب إله النضر والعين=(حضور النشاما). وشوفهم يبهج الرجال
سلومٍ لنا ولجدادنا منول وذلحين=نماري بها بين القبايل على ماطال
لاجت للصحيح اللي على ذمّة الراوين=سلوم العتيبي متعبه ماعليها جدال
هل العز والنوماس والسيف أبوحدين=وهل المرحبا والبن والهيل والفنجال
لنا مع الشجاعه حلف في كل حتن وحين=تميل الحيود وحيدنا وظلعنا مامال
ولنا من الكرم ذروة سنامه ومتفقين=على إن الكرم ميراثنا بين عم وخال
نعشق الحميه ونتعاون على الصلفين=لين أمست حميانا مع الناس ضرب أمثال
إخوان وبني عم وجماعه وخشم وعين=بعضنا لبعضنا فالمواقف ذرى وظلال
خلقنا على الفطره وعشنا على ثنتين=على ذبحة الحيل وعلى لطمة العيال
قويين بالله وإن حضرنا مع الوافين=نمد الجزال ولاخذينا خذينا جزال
ماأخذنا ((ونعم))في حسبة اليوم واليومين=لابالله سنين من المكابد وطول البال
يموت الكفؤ منّا ومجده مع الحيين=يعمرون ذكره وإسمه ومنصبه لازال
مثل رأي متعب يوم الأمور بين وبين=وقف في ميادين الشرف ماقف الأبطال
رفع ذكر أبوه ونومس أقرابه الأدنين=وشهد له من أصحاب النقاء كل طيّب فال
حفيد العديم النادر معرّب الجدين=حفيد الشجيع اللي رسومه على الأطلال
نقول الحقيقه وأهل المعرفه دارين=وحقوق الرجال موثقه والصدور أقفال[/poem]
مطلق بن عبيان.

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
من رز خشمه على درب المشاريه=تاطا عليه المواجيب بقدمها[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
[عمد الخطاء من خطاء العمد وعليه شهود وإثبات=والنفس تنقاد للشيطان ماهي بمغصوبه][/poem]

مطلق بن عبيان.

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
سولفت عنه. صكات الليال السود=قالت أقفى وأخذ قسمه مثل غيره
قلت :يعني ذليل. وظايق. وملهود.=قالت:الاّ مكسّر يالله الخيره
قلت أنا حافظٍ تالي وصايا العود=فالقدا والعطاء والصدق والجيره
بشريني عسى دربي مهب مقعود!=يمكن (أفهق) قدم وآفظها سيره
كم بيني وبين الشك والمنقود!=أنا ما آمن من الشعر وجماهيره
كل يوم أعتبرني توني مولود!=كل ماأذنبت ذنب ونلت تكفيره
أتفقد نواقص كنزي المرصود=وأنثر العطر في حروة مساييره
وأتوضى وأصلي والعباد رقود=وأذكر الله جهر في كل تكبيره
قالت:إسمع,ترى حبل الشقاء الممدود=يثني الفيلق ويثني طوابيره
لاتمادى ترى ما للكلام حدود!!=ولاتساوم على الإخلاص والغيره!
و(حاول تعيش لاحاسد ولا محسود!!!=قلت:والشطرهذا يسد عن غيره!!)[/poem]مطلق بن عبيان.

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
الله..يسامحك.. يامرهف..الإحساس=شلت..منك..الطعون..وباقي..دواها[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black""]
من الفرات ,,لدجله,, لساحل العاج=ياطول مشوارك وياطول ليلك
تقول لي: حنا الأوايل مايحتاج=ويجاوبك فاللي تقوله قبيلك
لاتبعث إرسالك على حساب الأبراج=مانطلبك من شعرك الاّ دليلك!
بالهرج من غيرك ثمانين هراج=لكن!! نبي فعلك ونطمع حصيلك
معد ومنفذ وكاتب ومونتاج!=ولاأدري بعدهن كلهن وش يبي لك!
الشعر يالشاعر مثل عين هداج=يتمتمه فكرك على حد قيلك
أمّا أتعب أفكارك على طيب الإنتاج=وإلا سهج برقك ونوّك وسيلك!
ماأنته بمدعو للتظاهر والإحراج=إمّا بقى إلا العسر.. رح في سبيلك
ماكل يوم مجامل وضحكة حجاج= يبي يحسم معك التعامل ..عميلك!!
على ماقالوا فالحرم حج ياحاج=لاعاد نسمع فالمنابر عويلك!!
بعض النقاش يموج بك مثل الأمواج=يفرح معادينك ويزعل خليلك
المدرك..يقاطع مراسيل كرباج= والجاهل.. يشيله هواه..ويشيلك!![/poem]
[مطلق بن عبيان].

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
المواقف حسب الأعراف عبره وإمتحان=في سلوم إخوان شمّا على مر السنين
يبتلش فيها المغفل ويجحدها الجبان=ويحفظها العاقل المدرك الذرب الفطين
لوبغى رد الجميله يشوف إنه مدان=تبرك ركابه ماتنقل جميل الطيبين[/poem]
مطلق بن عبيان.

[poem=font="Simplified Arabic,4,gray,normal,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
جحدت حقوق وأثمر في جفاك المعول الهدام=وصبرنا في رجاء فراقك ولا حنّا بمأجورين.[/poem]

[poem=font="Simplified Arabic,4,gray,normal,normal" bkcolor="transparent" bkimage="" border="none,4,gray" type=2 line=0 align=right use=sp num="0,black""]
أنا ماكنت أدري إن (فراقك)(مقدّر)و(مكتوب)=حتى حصل ماحصل من معضله!قدام عيني!ِ[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
يامنيف :ليل (العتم) مجموعه أحلام وكوابيس=وظروف من لايعايشها مايدرك مشكلتها
رحنا نتمنى زمان السرج وأنوار الفوانيس=لاجمّل الله شركةٍ ما تجمل ماركتها
ياكثر مافالظلام وفالنظام وفالكواليس=(حتى الدواير خذت غفوه على أعطال أجهزتها)!
أكيد في ذمة (المسؤول) حسب الوزن والقيس=مايكشف أسرارها وإلاّ يتم معالجتها
عن كثر الأفكار والتشكيك وأسراب الهواجيس=أنته من أعيان حارتنا وتعرف حاضرتها
بلّغهم :الصيف دق الطبل ورماحه مقاويس=والكهرباء ما نواطن عذرها ومجاملتها
ندري وتدري قرارات الحكومة ترخي الكيس=بإراده الله خدمات المواطن صخرتها
يعني من الواجب إنّا نحسب حساب العواكيس=ونعالج المشكلات ونعتبر من سابقتها[/poem]مطلق بن عبيان.

*نسخه مع السلام والتحيه: لقراء المرقاب الشعبي الأعزاء.