نبض ..,,.. حرفي

يارب عفوك ليا ضاقت جميع الدروب
رحمتك من نكبة الدنيا وصكاتها


ماينكب العالم اللي يحسبون الذنوب
الا نهارٍ تجازيها بنياتها


لعنتك حلت على من يصنعون العيوب/
وانا بري من مذاهبهم وغاياتها

شكرا.. نيابه عن بقايا مكانتك
اللي مضت لك بين قلبي وعيني

عن قدرك اللي .. مايشرفه اهانتك
عن كل شيٍ صار بينك وبيني

عن نفسك اللي بالتفاصيل خانتك
عن سجدةٍ مسحتها من جبيني




عن حجتك عن شاهدك عن ادانتك
عن سينك وجيمي وجيمك وسيني

ضريتني من جهلك وشين تفكيرك
صديتني عن دروبٍ لك توديني


بيني وبينك غلب شرك على خيرك
وانا احترم كل شيٍ بينك وبيني


الله يسامحك مهما كان تبريرك
لازال قدرك مثل ماهو في عيني

بعض النساء (غصنٍ) تداعبه الانسام
وبعض النساء تقول (شجرة صنوبر)

الاوله .......(سوبر) مــكملة الارقــام
والثانيه... نكبه .....ولاهيب (سوبر)

الاوله ...من فاتته.... (عضّ الإبهام)
والثانيه ...من جت نصيبه.. (تخوبر)

الاوله.... لا جات ....حظ السعد (قام)
والثانيه... لا شافها الحظ.... (توبر)

طبع الخلايق يشبه الجزر والمد
فالإنطباع اللي بشف وبلا شف

بعض العرب ودك تبوسه على الخد
وبعض العرب ودك تحمى له بكف

هذا تويتر كل ماجوه الاحرار
راحت سوالفهم سوالف عصافير

يجّمع الاصناف من كل الاقطار
ويجلس الاشناب جنب الغنادير

اشكال والوان وحوارات وادوار
حديث للشارع وصوت الجماهير

مسيلمه مقتول في صدر الإسلام
ذكاه سيف الله وخلا عياله

وعياله اكثرهم توظف فالإعلام
وسوو لهم في كل ديره وكاله

غرد الشاعر المبدع(مطلق بن عبيان) بالجمله التاليه على احد اغصان شجرة تويتر:


(في تويتر: الكم يخضع لموازين الكيف ..لمن لايلقي بالاً للإيجابي والسلبي..)

قلت:

الكم ظيق في تويتر على الكيف
والكيف ماله طعم في دلة الكم
تعال ابا اقهويك من دلة الكيف
الوقت كم وساعتك في يدك كم

قال مطلق:

موضف الكلمة مايحتاج توضيف..
في ذمته همّة وفـ مهمّتة هم
جيتك وأنا ماني بزاير ولاضيف
معلم إنسانية آخص وآعم..

قلت:

وموصف الاحساس يحتاج توصيف
لاية طريق محدد الطول واليم
برد الشتا يرمي به لجمرة الصيف
والصيف يرمي به تحت غبة اليم

قال مطلق:

متكلف وباقي على رقم تكليف..
يعني لياجينا نعاتبك قل تم
برد الشتاء من حقل للجوف لطريف
وأنتة يغمغمك الغبار وتغمغم


قلت:

متشرف وثابت على رقم تشريف
واوّجه العميان واسمّع الصم
متواجدٍ في كل غيبه وتشريف
مابيني وبين المواقيف عاصم

قال مطلق:

تعال وإسمع وإعتبر من هل الريف..
تفطر على دم وتعشى على دم
وأنتة تجي وتروح في رحلة جنيف..
على حساب الجبر والكسر والظــم!


قلت:

الريف يامطلق بعضهم ملاقيف
تفطر على ذم وتعشى على ذم
وانا مقامي فوق عن قول ياحيف
حتى لو اني في تصورك مجرم

ثم عاد مطلق ليغرد على احد اغصان تلك الشجرة السحرية التي تجمع كثيراً من الطيور ذات الاشكال والألوان واكثر هذه الطيور ( من المرقاب الاشهب)

وش جابك الله لا يحيي قدومك
جيتك داعي للفتن والمشاكل
　
مانيب ناسي مامضى من علومك
تاريخٍ اسود معي يشرب وياكل

تزمر على هيبتك .. في عز النهار
ما كنك البارح ..... مطيّب فالها

ماعاد فالدنيا لمن فيها وقار
مستعصيه في فالها وعقالها

تخلي الرجال مايملك قرار
وتركب الحرمه على رجالها

يبرق علي البرق في كل ديره
لكن انا مااخايل الا بروقك

ارحم خفوقٍ في مزونك مصيره
بلل عروقه .. بلل الله عروقك

مع العذر للمجاهيم

يااحلام يابنت العبيد المسمين
اللي خَبَلهم بنته تصير خبله

ياقدوة الغاوين يامنبع الشين
مالك قبول ولا لخشتك قبله

جثتك تسكنها جميع الشياطين
وشيفتك دَبلَه مثل طاريك دبله

وامك كوينينه وجدك كوينين
ومورثينك طبله ودق طبله

حتى ايش فالشعب السعودي تسبين
انتي وثورٍ حط فاصبعك دبله

في عالم الازواج انا اشوف زوحين
اهبل رجل موجود زوجته هبله

يمثلون الحب بين المحبين
تاريخ حبٍ كل مضمونه ابله

العبد عنتر حب عبله من سنين
حبٍ مميز ماش بعده وقبله

واليوم في جوه يعيشون الاثنين
احلام عنتر *تعشق الشيخ عبله

عليك ملبوسٍ من العز يزهاك
لكن زينك ضيعته البطانه

بطانتك تحجب حلاك ومزاياك
شدت على جسمك وهزت كيانه

وصلت لآخر نقطه بقمة الشوق
لاعاد تنشد بعدها عن شعوري

اما تعال بذوق ياكامل الذوق
والا شطبتك من دواعي سروري

هذا حسابي في تويتر كامل
وعصفور حرفي باللحون يغرد

ويقدم من الشعر عرضِ شامل
وان فاح صدره باالقصايد برد

7
7

https://twitter.com/#!/mataralotiby

لا ضاق عيشك وباقي معك (صبر جميل)
ارفع يدينك وقل: (ياخالقي يالطيف)

يفتح لك الله بأمره (باب رزقٍ جميل)
الرازق الله ماهوب (عيال عبد اللطيف)

لا تترك اصحابك ..وتعرض علابيك
الوقت لو وداك ..لازم يردك

تراه لو ضحكك .. لازم يبكيك
وان مدك بمدته .. بكره يشدك

اصل الظروف.. اللي عن الناس تغنيك
اخت الظروف.. اللي عليهم تحدك

ناد السهر يقلط بجفني وعيني
اخاف من شوفتك يحرمني النوم

بيني وبينك.. صرت بينك وبيني
مرتاح جداً معك.. ماودي اقوم

شهر وكنه في حسابي ١٠٠ عام
ياحي هالشوفه وياحي هالزول

كنت اتمنى شوفتك لو بالاحلام
واليوم صدفه جيت .. ماهوب معقول!!

لا تسأل السهران وش فيه سهران
اكيد به هـمٍ.... مسهّر عيونه

كم واحدٍ وقته يسوق له الأحزان
والناس حوله بس ماينفعونه

ياليتني لا احتجت شوفتك اشوفك
والا ليامني بغيتك لقيتك

مايمدي كفوفي تحن لكفوفك
والعمر يمضي بي وانا مانسيتك

وزارة التعليم اهم الوزارات
لكن ينقصها وزير واداره

بها وزيرٍ ينحسب ضمن الاموات
ضيع شباب المملكه والوزاره