.•:*¨`*:•. عـَـزفے مـُـنـفــَـرد .•:*¨`*:•.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو دارت الأيام وأستاحش الوقت=مانيب ناسي في خفى القلب غالين
إن جت طواريهم على البال روًقت=لو أنهم عن وصل الأصحاب سالين
في ذمتي .. إشتقت / و إشتقت / و إشتقت=متى على الله تلتقي العين بالعين[/poem]

؛


صرت مثل اللي إلا من صام / صام
........ وعقبها أفطر على راس (إ) بصـله

أتحرًى شوفته لي حول عام
........ ويوم شفــته راح عني بـ / (إ) عجله


؛

.



[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دامك نويت تصد .. روح وياعسى دربك سهل=مانيب أول نفس تخسر بالهوى خلانها
ناظر هبوب الريح .. وش سوًت اذا مات النخل ؟=تموت حزن ولا أنحنت .. فوق البشر عنوانها[/poem]


.

أحطب من ضلوعي شبوب لـ ضوَك
______ أبيك تدفى عن برود أشــواقك


/

/

/

/

/

لايكون جوًي ما يلائم جوًك
______ وألا كثيره قائمة عشـاقك ؟

توَك على دنيا المعاند توًَك
______ وراك شينه يا صغير أخلاقك ؟

ألى متى عيني تخايل نوًك
______ ولا أمطرت حب ووفى أحداقك

.

الحظ



الحظ باب ٍ لـ الهنا و السعـاده
____ سدًه زماني في وجيه التوافيق

لا ملت يا متني من الحِمل عاده
____ لآنك تشيل من التعب فوق ماتطيق


.

.
.
.
.
.



بنيت لك من زود عشقي لك خيام
______ ومسيًت حبل الوصل طنب ٍ مع طنب

لا درهمت نوق الغلا صوبك حيام
______ قوم أروها لا يلحقك فالوفا ذنب



.
.
.
.
.

.

رمح العيون اللي طعني وانا اشوف ... أدمى عروق القلب واللي تحتها
مانيب اخاف وشفت باهدابها الخوف ... لبى تقاسيم الحلا في طخمتها
يوم اقبلت تزفر بهمساتها اوووووف ... يالعنبو الشيله يا أخوك كتمتها



.

.


حِـدَاد

على يَوم ٍ مَضى .. [ دُون لِقائك ]


.

.



أمـد كف الروح لـ .. مصافح الهـم
_________ حق ٍ علي أفرح و أقلــُط ضيوفي

لو إن ضيفي جلسته فالحشى سِم
_________ عيب ٍ علي أقصر بـ / مَـدة كفوفي




.

؛


لاتتصل تنشد عن أحوال مـغليــك
يا زاكي العِرقين .. [ مانيب رايق ]

شهرين ضاقت بي وأنا في حراويك
والحين جاي تقول لي ليه [ ضايق ] ؟!

؛

//


خل الهموم و غثاها تمرح بـ / صدري
________ السيـف يا صاحبي ما يجرح جرابـه

لو كل من شافني عن علـًتي يدري
________ غديت مابين كف الذيب و أنيابه

//

صباحكم / مساءكم كادَي ،


لـ / تجديد العهد




[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
نحب بصمت .. لكن ماعرفنـا=على الكتمان ليـش الحب صابر ؟
صحيح إنـٌـا بـ هالعشق إعترفنـا=بـ نظرات العيون إن كنت خابر
ولكن ليه ما نتـوًج شرفنـا=ونعلنها على روس المنـابر
مادام السيل لـ العفــٌه جرفنـا=نبي نقطع لمرضى الشك دابر[/poem]

؛




عيون الليل .. ماصاب الجفون نعـاس
_________ عوى من فوق مرقاب النواحل ذيب

يهج الروح من طول السهر هـوجاس
________ و تذوب الشمس في كبد السما و تغيب

يصيب البال من هجر الحبيب عماس
________ و ضمير البُـعد مايعرف وش التأنيب

يامِسقي القلب من خمر الفراق بـ كاس
________ ترى راس العمر بادي عليه الشيب

تغانم مابقى من صادق الإحساس
________ قبل لا يلحق (إ)من الشوق فيكم ريب

ترفــٌق بي .. ترى جرح الهجر حسًاس
________ اذا ماطاب بك .. علـًه أبد مايطيب

.

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ياقلب .. الهرج لا أقتصًك على الجرًه=تصدد عن هروج العاذل الشينه
أنا قد قلتها لك قبل هالمرًه=( إذا طاح الجمل كِثرت سكاكينه )[/poem]


.. ..

.
.



كب السهر .. ياجفني الخادر و نم
___________ لك كم يوم ٍ ماحضنت الوسَاده

تصبح على هم ٍ وتمسي على هم
__________ أثر السهر لمولع القلب عاده !؟

.
.
.

( سؤال وجيه ) .. .



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أبكاك حزنك .. يوم أنا عنك أبطيت .. .=.. . وإلا بكيت من الفرح يوم جيتك !؟[/poem]



.. ..

تَحدِي .. .


[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أفتق جروحي .. وأنا بـ أفتق جروحك .. .=شوف من فينـا على الجرح يتحمّـل .. .

والله إن تركع من الآلام روحـك .. .=وإلا أنا باقي مع الجرح متجمّــل .. .[/poem]

( 2 )


كلاكيت ثاني مره .. فالركن الهادئ .. .

.


الروض

[poem= font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أدميت جرح الغرام ولا به مداوي=من عقب لمسة يدك يا ناثر الغره
الباقي إمن الأمل غصن الوفا الذاوي=صابر وحتى الصبر ما ظني يسرّه
تبدل الروض قفر ٍ صحصح ٍ خاوي=حتى طيور السَعد ماعادت تمرّه
بعد أحترفت الغرام أصبحت به هاوي=الوقت ماتضمنه خيره ولا شرّه
من عقب ماكان بدرك بالسماء ضاوي=ماعاد تسوى بـ عين صويحبك ذرّه
ألحق تراني على سج القدم ناوي=قبل التحاسيف تتبعني على الجرّه
وإن كان غيري طواك بحبه الطاوي=مانيب ثوب ٍ على مشهاتك تزرّه
حرام بأني على رد البرا قاوي=أصبر وأبوعدك تونس مني الحرّه[/poem]



.

.


شلة العميان



[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا لابس ٍ ثوب ٍ من النقصـان=ضافي ولكنه بدون يدين
ترى ( العور ) في شلة ( العميان )=باشا .. ولو ماشافك إلا بـ ( عين )
خل الحرار تداقش العقبـان=وخل الرخم تنخى غراب البين
ستايلك ياللي زهاك ألوان=مايرفع الرجـّال لـ الوافين
ماينفعك يا مجدد العمران=لأنه مايثبت غير بيت الطين
ولد الجحش ماهوب ولد حصان=ياهاقي الهقوات غادي وين !
طارد ورى الموضه مع الخبلان=وأنا على شماغي إلى هالحين[/poem]

.





أفتق جروحي .. وأنا بـ أفتق جروحك .. .
__________ شوف من فينـا على الجرح يتحمّـل .. .

والله إن تركع من الآلام روحـك .. .
__________ وإلا أنا باقي مع الجرح متجمّــل .. .


.

.
.
.

حي من شرّف معاليقي وقـلـّط
ماتِملل جلسـته قلب المقاطي

حشمة ٍ له بالغلا دمّي تجلـّط
في فياض الروح غاد ٍ له مواطي

فتنة ٍ كنـّه على ( ماجد ) مسـلـّط
صرت لمحاكاه مدمن وإمتعاطي

في شَعره يشدني عود ٍ مخلــّط
وبـعيونه سيف إبن شداد ســاطي

درة ٍ شامت عن شفوف الجحلـّط
تسكن الغبّـات ماجات الشواطــي

.
.
.