( مرقابي تحت المجهر ) 42

المشاركة الأصلية كتبت بواسطة ياسر العتيبي

ياهلا والله يابو يوسف ووالله ان الشكر يقصر دون ماتسوي

واستضافه لشاعر مبدع وزميل عزيز / عبدالله بن قنيص

مرحبا ومسهلا ياياسر



1- شاعر المليون شهرته تبدأ من الاعلى !

هذا تأييد للبرنامج ؟؟
تأييد للي بيشارك فيه

2- قناة المرقاب لم تأخذ من المرقاب الا الاسم !

هل من الحق اننا نحكم على القناه الان ؟؟
حكمنا عليها الان اصح من حكمنا عليها بعدين

.. مع ان ذكرت الصحراء وانا معك في انها الان هي الافضل لكن كم استغرقت عشان تصير الافضل ؟؟؟
من وجهة نظري انها من بدايتها وهي الافضل ولازالت على الطريق المستقيم , حتى يدلك على ذلك ان بثها التجريبي ماطوّل مثل باقي القنوات


15- مافيه شي اسمه شعر نسائي !

وضّح ؟؟؟؟
وضحت في ردي على بنت وايل


17- الساحه الشعبيه من جرف في دحديره !

ابو صالح سمعنا هالتصريح لين تشبعنا منه سؤالي هل ترى انه يحق لاي شخص كان ان يتكلم باسم الساحه او باسم الشعر ؟؟
مالك لو ولا يحق له ذلك وتكلمت في ردي على الحصّين بخصوص التصريح هذا


وكل الشكر لك ولبو يوسف


تحيات اخوك

اصاله عن نفسي ونيابه عن ابو يوسف العفو ياياسر ويامرحبابك

المشاركة الأصلية كتبت بواسطة النيره

[align=center]*


*




تستاهل .. وضيفنا يستاهل

تستاهلين الخير واشكرك مره وثنتين وثلاث




عبدالله بن قنيص .,’ مرحبابك
هلابك يالنيره


هل الطريقه الحاليه للتشكيل الاداري ناجحه برأيك ؟

ام الافضل ان يكون مدير المنتديات ثابت ويتم اختياره على حسب شاعريته وتواجده ومشاركاته
واهتمامه بجميع الاقسام وجميع الاعضاء بغض النظر عن المسميات ... ويكون التغيير فقط في المشرفين والاداريين كل فتره ...


ايهما الافضل بالنسبه لك ؟ ولماذا ؟

لو تم اختيار المدير على حسب شاعريته وتواجده ومشاركاته فمن سيكون هذا المدير معروفين الشعراء اصحاب التواجد الدايم والمشاركات الواجد يعدون على الاصابع وحسب معرفتي بهم ما اظن احدٍ منهم بيوافق على ادارة المنتديات ويكون ثابت في الاداره
لذلك الطريقه الحاليه والتشكيل الاداري بين فتره لفتره افضل


ملاحظه !
ممكن صاحب التواجد الدايم والمشاركات يستفيد مدير المنتديات من اراءه واقتراحاته بحكم تجربته في ادارة المرقاب




*


*

المشاركة الأصلية كتبت بواسطة خالد السيحاني

[مرحبا مره اخرى يابو يوسف]



عبد الله ابن قنيص / اسم لامع مرقابيآ رغم غيابه ، و احد افضل شعراء المحاوره . سررت جدآ بعودته للمرقاب ، وسررت اكثر بإستضافته هنا ( تحت المجهر ) ،

كل كلامك مصدر اعتزاز وفخر بالنسبه لي لاعدمتك

[ يا هلا ويا مسهلا يابو صالح .. ]
الله يسلمك ويبارك فيك ياخالد


9- المواهب ابداع والشعبي يجيب الصداع !


س - ماهي وصفة العلاج المناسبه لهذا الصداع ؟
حذف او نقل القصايد اللي وجودها في الشعبي غير لايق !

10- مجلة المرقاب تعلّقت بين المنتدى والقناه !


س - ما هي برأيك اسباب ؟
الاسباب بقاء اهل المنتدى في المنتدى واهل المجله انتقلوا للقناه وانشغلوا في القناه يقولون ان الاعلام المرئي افضل من الاعلام المقروء


س - لنفرض انك دُعيت للمشاركه في شاعر المليون ؟ هل ستذهب يابو صالح ام لا ؟
نعم سأذهب

وهل تعتقد ان المكسب المادي يغري اي شاعر للمشاركه في شاعر المليون حتى وان كانت المشاركه تتعارض مع قناعاته الشخصيه ؟
المكسب المادي يغري الشاعر وغير الشاعر ويغير القناعات بعد , ولكن يجب ان تكون الوسيله نقيّه كي لاتتعارض مع عقيدتنا الاسلاميه وعاداتنا وتقاليدنا

س - من صقل موهبة عبدالله بن قنيص كـ شاعر وبمن تأثرت ؟
محبتي لشعر وسماعه وقرائته ومخالطة الشعراء اعتقد انها تصقل الموهبه عند الشاعر
وبالنسبه لتأثر والله ان كل شاعر مبدع اتأثر بقصايده


س - ابو صالح ، افضل ثلاث شعراء نظم موجودين في الساحه الشعريه ككل في هذا الوقت ، << الاجابه الدبلوماسيه مرفوضه....!!
سعد بن جدلان وسلطان الهاجري وعبدالله بن زويبن انا اراهم الافضل من غير قاصر في الشعراء الباقين



انتهى



/ بانتظار الاجابات يابو صالح /

السلام عليكم ورحمة الله وبركاته وبعد :

وقبل كل شي حتى التراحيب والهناديب .... بيض والله وجهك ياسعد براك يوم جبتنا أبو صالح والنشديه جهرا والعين ترى

والأهم فيعلم الله إن عبدالله بن قنيص من الرجال اللي أفخر أنا شخصيا بمعرفتهم عن قرب وإني أعتبر معرفته من المكاسب اللي لا تضاهي .... وعلى قولة الشاعر : لا صار دين وكرم وأخلاق وش باقي

باقي إنه من الشعراء الموهوبين بالفطره ومن المبدعين اللي يقدحون صح .... شاعر يطربني جدا جدا جدا ....وأدري إنه في غنى عن شهادتي ولادوّر لها

.....................

وأرحب أرحب يبو صالح تراحيب الحيا ..... وأنا ماعندي أسئله بس حبيت أسلّم وآتشرف بتسجيل الحضور

ولكن ما يمنع إني آقول :

أنا أدري وأنت تدري إني أدري إنك تكتب بإستمرار وإن القريحه على قدم وساق فليه ما تتكرم علينا وتنشرها هنا
وعلى سبيل المثال لا الحصر القصيده اللي على (إدي) فوالله إنه حرام إنك تحذف بها في الدرج وهي من الفرايد الفرايد الفرايد ؟

تبغى أمثله ثانيه ..... تراني حاضر والذاكره حاضره ! ولو ما أقنعني جوابك تراني بآعوّد وأنشد من جديد !

وكمان مايمنع إني أقول :

بما إنك تدري إن موضة 2 في 1 موجوده هنا .. فهل تعتقد وجود 3 في 1 ؟؟؟؟؟؟
وماهو الحل لهذه الموضه او الظاهره ؟

على فكره أشوف في الدعايات أن شمبو 2 في 1 هو الحل الأمثل لتساقط الشَعَر ؟
فما هو الحل الأمثل لتساقط الشِعْر من وجهة نظرك السليمه ميه في الميه من قبل لا أقراها ؟

واللي لازم أقوله :

الله لا يهينك ويبيض وجهك على إيراد إسمي في تصاريحك وأقسم لك بالله إني أتشرف بك وبرأيك

ها وسلامتك وعفاك ولاشر جاك ولا تباطاني نفداك

:


:




السلام عليكم
في البدايه يعلم الله اني سعيد بعودة هذه الفقرة اللي تذكرنا بفتره رائعه من فترات المرقاب
كل الشكر يا ابو يوسف على جهدك ولاهنت
هذا بالنسبة للموضوع
أما بالنسبة لابو صالح
فتواجدي هنا كان لتسجيل اعجابي بشاعريته الرائعه في النظم والمحاورة
وبردوده المتزنه الواضحة في هذا اللقاء
وبالنسبة للاسئلة ما قصروا الاخوان كفوا ووفوا

تحيتي



:


:



ا
خ
و
ك
م

ياهلا يا ابن قنيص


وعوده هذا الفقره قراار موفق


س/(هناك اعضاء (2**1) مثل من بدون دبلوماسية؟


شكراا على سعه صدرك

المشاركة الأصلية كتبت بواسطة عبدالله بن فهيد

احييك يابو صالح واشكر الاخ سعد براك على هذه الإستضافة الأكثر من رائعه
وانا اتيت هنا لتسجيل حضوري ومتابعتي لهذا اللقاء المهم و الجميل

واؤكد على متابعتي لكل ما تكتب سواء من قصائد او محاورات لا تقل روعة عن ردودك و حضورك المرقابي

اتمنى لك التوفيق يابو صالح

مرحبا ومسهلا يابو فهيد
والله يحييك ويحيي حضورك

اتشرف والله بمتابعتك انت وشرواك الله يطول عمرك

المشاركة الأصلية كتبت بواسطة فهد بن عبدان

عوده


ابوصالح


يعلم الله انك غالي وشاعر يطربني بدعك !

هلا وغلا يابو عبدان ثق ثقه تامه ان شعور الغلا متبادل والله يديمه


لدي كم سؤال اتمنى ان تجد اجاباتها ..




1- كم قصيده تمتلك غير قابله للنشر ولماذا ؟
ما امتلك ولا قصيده غير قابله لـ النشر

2- أين تجد نفسك أكثر في ... الغزل // الحكمه // الرثاء // الهجاء ؟
في الغزل

3- من هو مثلك الاعلى من شعراء الجزيره العربيه ؟
كل شاعر جزل مبدع بمعنى الكلمه اعتبره يمثل الشعر عامه

4- بيتين تبدعها الآن توجهها لجمهورك ؟

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي يافهد ماعاد فيها كلام = دامك عزيز وجماهيري عزازٍ علي
اهديكم الحب والتقدير والاحترام = ولرضاكم يفيض بحر احساسي ويمتلي[/poem]





شكرا مقدماً


وانشالله لنا عوده ..

العفو يابو عبدان ومرحبابك ومسهلا

المشاركة الأصلية كتبت بواسطة عبدالعزيز هليل

ياحي والله
هالطله


ابو صالح .. حباً فيك تواجدت لـ السلام عليك هنــا .. لاني اشوفه من ابسط حقوقك على جمهورك
وانا واحد من جمهورك ..


ولا جاء على بالي اسئله والا كان قلطناها ..


وتقبل مني سلام الاكرام
يبن الكرام
ودمت بود


..

ارررحب ارررحب يابو هليل

والله انك غالي ومرورك غالي واسعدني والله شوف اسمك
لاعدمتك

لك وحشه والله يابو هليل
سلم لي عليك

المشاركة الأصلية كتبت بواسطة شفق السريّع

[img]

اثبت يا جبل


الغالي عبدالله بن قنيص الهاجري

هلا وكل الهلا يابو مهنا

تقول ( انتظروني في ميادين المحاوره )


الا تظن ان هذا التصريح يجب ان يكون على حساب الحرس الوطني؟؟
مالك لوى يابو مهنا , اهل مكه ابخص بشعابها

أم أنك سوف تأخذ طريق جارك سعود الزعبي.. و الذي كبله الحرس
عن الظهور المتميز و المكثف في هذه الميادين؟؟؟
الحرس ماكبل سعود عن الظهور بحكم معرفتي به وبطبيعة عمله قد يكون غير ماذكرت سبب في قلة تواجده اذا كان هناك قلة تواجد مع اني ارى سعود متواجد بأستمرار حسب الدعوات اللي تجيه





ما هو سبب ابتعادك عن منتدى الأحساء الشعبي؟؟؟
انت تدري يابو مهنا ان المنتدى ماله الا جلسه وحده كل يوم ثلاتاء من كل اسبوع بعد صلاة العشاء وفي الوقت هذا احياناً اما اني مرتبط او مشغول او اني خارج المنطقه

عبدالله بن قنيص
هادي الرزقي
فيصل بن طواله
سعود الزعبي
محمد السميري
المسعودي
و غيرهم الكثير

اضف الى ذلك وجود اكبر جمعيه للثقافه و الفنون
في المملكه هي في الأحساء و كذلك وجود اكثر الفرق
الشعبيه الفنيه في الأحساء و اكثر استوديوهات التسجيل
و التصوير في الأحساء ايضاً مع وجود منتدى للشعر الشعبي هناك..

كل هذه المقومات الى ترى انها من الواجب الإستفاده منها لدى
القنوات المعنيه بالشعر الشعبي؟؟؟
الجمعيه يابو مهنا مهتمه بالاعمال الاخرى اللي تقدمها اكثر من اهتمامها بالشعر الشعبي لما دفع اكثر الشعراء بالابتعاد عن المنتدى مثل رئيس المنتدى هادي الرزقي وشفق السريع وغيرهم ..

المشاركة الأصلية كتبت بواسطة سعود الردعان الهاجري

مرحبا يا عبدالله

شهادتي فيك مجروحه

تمنياتي لك بالتوفيق والتقدم

اسلم وسلم

تقبل تحياتي

مرحبا ومسهلا يابو سعد
سعيد بمرورك لاعدمتك

وسلامي عليك ,,

المشاركة الأصلية كتبت بواسطة مشعان البراق

[align=right],

حي هالحجاج يابو صآلح / وحي هالطله ,
ما ابرك من عودة ابو يوسف اللي تباركنا بـ شوفتك عبر المجهر , الاكيد اني سعيد بـ هذا الحضور اللي يعلم الله اني اتمنى انه ما ينقطع .. ,

[align=center]عزيز وغالي يابو محارب
والله يبارك فيك ويحييك انت وحضورك واسئلتك

:

آسئله خطافيه وبدون دبلوماسيه :-

- قبل كم يوم فتحت متصفح خاص لك في الركن .. , وتفآجئت بعد وقت ليس بـ طويل انه محذوف .. , من الطبيعي ان الحذف كان رغبتك .. السؤال : هل انت متردد في خوض هذه التجربه آم هناك تبرير آخر ,

نعم صادق يابو محارب والسالفه ومافيها كنت جالس انا وأحد الاصدقاء من اعضاء المرقاب يدري ان مالي رغبه في الركن الهادي وفاتحٍ الجهاز وداخلٍ بسمي واتصفح المرقاب وجاتني مكالمه خاصه وطلعت برا اكلم والاخ استلم الجهاز وعلى طول لـ الركن الهادي وينزل موضوع بسمي المهم يوم جيت قال والله ياسويت فيك منكّح ولا جا في بالي ان الدعوى تعّلق في المرقاب واصلت التصفح واتفاجأ بسمي في آخر المشاركه اللي في الشريط فوق واضغط عليه والقى لـ عبدالله بن قنيص موضوع جديد بعنوان اشيائي في الركن الهادي واكلّم المدير محمد ال عبدان واعلمه بالسالفه وقلت احذف الموضوع ولا قصر بيض الله وجهه خذفه .

وان دعت الضروره لـ الافصاح عن اسم العضو ماعندي مانع

وبكل صراحه عدم رغبتي بالمشاركه في الركن الهادي ماتعني والله اني ضد الشي هذا بالعكس اتابع اركان الاخوان والاخوات بأستمرار ومن ضمنها ركنك يابو محارب معجبني جداً الله الله وسلامتك



آلشليله والقروبات آمر لا يكاد ظاهر على السطح ولله الحمد .. , لكن ما رأيك بـ من لا يحضر الا عند اسماء معينه فقط ؟
شي طبيعي ممكن انه مايقرأ الا للأسماء المعينه ويحضر مع حضورهم لثقته بهم وبشعرهم وهذا احسن من اللي يردون على اغلب القصايد بكلمه او كلمتين وهم يمكن ماقروها بس كذا مع الخيل ياشقرا
:

- ( اقل من سطر عن كلاً من ) :
سعود الدهيمي :-
احبه في الله

محمد السواط :-
حتى قصائده من الوزن الثقيل

حسين ضيف الله الدوسري :-
شاعر كبير احترمه

عبدربه :-
صديق وجار وغالي

وآخيراً شكرا لـ سعة صدرك يابو صالح والشكر موصول لـ ابو يوسف ,

دمتم بخير ,[/align]

العفو يابو محارب وسلم لي عليك وحب لي خشمك [/align]

المشاركة الأصلية كتبت بواسطة نواف نايف

السلام عليكم

تجديد شكر لأبو يوسف

وترحيب بأخينا الغالي / عبدالله

أكتفي بمتابعة الموضوع عن كثب وقرب

عليكم السلام
وهلا وغلا يابو نايف
وانا اتشرف بمتابعتك لاعدمتك

المشاركة الأصلية كتبت بواسطة غالب الشريف

وانا اقرأ اللقاء يا بو صالح

اشوفك رسمي في ردودك و اسلوبك للي يعرفك يقول مهوب اسلوبك الدائم ؟
ليه ؟

رسميّة الموضوع تتطلب ذلك

المشاركة الأصلية كتبت بواسطة عبداللطيف الغامدي

السلام عليكم

عوده ثانيه يابو صالح للترحيب بك من جديد في مرقابك وتحت مجهرك

اسئلتي طال عمرك

عليكم السلام
مرحبا بعودتك وبـ أسئلتك وبك كلك يابو راكان والله يبقيك


/ اعطنا البطاقه الشخصيه كامله لو تكرمت .. لاسباب امنيه
بما ان الاسباب امنيه اكتفي بـ عبدالله بن قنيص

2 / هل تعتقد ان وسامة الشاعر مازالت تلعب دور كبير في ظهوره اعلاميا
ما اعتقد لان الناس الان كبرت عقولهم شوي

وما رايك في الشعراء الذين يتعبون على هذا الجانب كثيرا.
لابد لشاعر ان يظهر بمظهر مرتب يليق به كرجل شاعر ويبتعد عن الحركات والاضافات اللي مالها داعي


3 / لو افترضنا انك استلمت زمام ادارة منتديات المرقاب
ماهي الخطوات التصحيحيه التى ترى انه لا بد من اتخاذها
تشكيل لجنه تخصصها الايقاف والشطب فقط مكونه من ثلاث او اربع اعضاء موثق بهم يقومون بمراقبة الاعضاء والقصائد وجميع المواضيع والردود مراقبه شديده واعطاء الانذارات لمن يستحقها وفي حالة استمرار الملاحظات وتجاوز العضو ثلاث انذارات يتم ايقاف عضويته

وكيف ترى مستوى المرقاب المنتدى حاليا مقارنه مع ما كان عليه
مثل مؤشر سوق الاسهم الان وماكان عليه

4 / بما انك اعلنت ان جميع قصائدك واقعيه هل لعبدالله بن قنيص ملهمه واحده فقط ..
لكل قصيده ملهمه


5 / بما انك قلت انه يوجد اعضاء( 1x2) وللمعلوميه هذه جريمه كبيره حسب
ما اعلم من سياسة المرقاب وما اعلمه ان الشطب يطال الاسمين في مثل هذه الحاله
وبما انك احد الاعضاء القريبين من ادارات المرقاب ولديك مايثبت ذلك
ماذا فعلت حيال ذلك ان كان ايراد هذه الاسماء هنا صعب
تصريحي هذا موجه لهم لعلهم ينتبهون لـ انفسهم


6 / هل صحيح انك تملك صلاحيات اداريه خفيه تستعملها اذا اقتضى الامر
مالك لوى


7 / كثيرون من يرون في قصائد عبدالله بن قنيص من ناحية الاسلوب
تشابه كبير مع قصائد شاعر العرب ,,, ماذا تقول ?
اقول لي الشرف واتمنى ذلك


8 / افتقدنا تواجد الكثيرين من ابناء منطقتك الاقليميه

على راس القائمه
الرمز المرقابي عبدربه بن عتيق العازمي
والشاعر القدير حسين بن ضيف الله الدوسري
عبدربه اشوفه موجود الان بنشاطه المعهود
وابوضيف الله والله اني فاقده مثل ما انتو فاقدينه واتمنى انه يكون بخير وطيب


وش المشكله يابو صالح وهل بينكم تواصل
بلغهم السلام ان كانت اجابتك نعم
لـ الضروف احكام
وسلامك يبلغ ان شاء الله



هذا ولك يابوصالح تحية تليق بمحبتك في قلب اخوك

مشكور ياسعد مرّه اخرى

ولك مني نفس التحيه المحمله بالمحبه القلبيه الاخويه
وهلا وغلا يابو راكان

المشاركة الأصلية كتبت بواسطة فهد الماجدي

الشاعر عبدالله بن قنيص شاعر جميل ذو خلق نبيل

وذو مشاعر تحرك الوجدان

سمت الاخلاق فييه جمّـى اللهم بارك


اتمنا له التوفيق دوما وابدا يارب


لي عوده باذن الله بعد ماخلص لي شغلات



التحيه والاحترااام

مرحبا يافهد

اشكرك على شهادتك واطرائك الجميل الذي اتمنا ان اكون اهلاً له

وفقني الله واياك الى مايحب ويرضى