(......... كنوز مرصوده ........) - الصفحة 4

14-07-2011, 05:55 PM

,

تسجيل اعجاب وحضور في هذا المتصفح ..

شاعر جميل ويشرفني متابعته ..

,

16-07-2011, 02:18 AM

نادر:
لم أقف بمحظ الصدفه طويلاً..
بل في إنتظارجملة كفيله بإيصال مابداخلي..ولم أجد..
لقناعتي أن الإشاده من شخص بحجمك
لا تأتي إلا بعد متابعه.
هذامايجعلني مدين أيضاً...
ثمة كلمة,لاتكاد تغيب عن قلم
المشرف القدير:سلطان العطاوي يا((نقي))
أنت:جدير بالنقاء...
بل معني بالنقاء......
وأناأعي..ما أعني.....
((تحياتي ومودتي لك))
يا............. ((نقي)).

16-07-2011, 06:30 PM

لاتعاتبني !!!
ترى خاطري ظايق
إستفدت!!!
وكل (طقّه) بتعليمه.

17-07-2011, 02:11 AM

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
آه...من يوم المفارق ومن هجر الخليل=وآه...من بوح الظماير وموال السهر
ظامت الظيقه ظلوعي وأنا عابر سبيل=وأغلقت (ميناء)الأماني على أعتاب السفر!
وإنكسرت وطاح(حلمي)وأنا وزني ثقيل=والثقيل (مجار) وإن طاح يبطي ماجبر[/poem]مطلق بن عبيان.

17-07-2011, 05:39 AM

رسالة ملاطفه وديه إلى أخي وصديقي:فالح القحطاني.

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ليا وصلت من الدوام وتغديت=هذا,إذا كانك مداوم ولانمت
وأخذت لك (شاهي ربيع) وتقهويت=وطالعت (فالجدول) وقمت وتولمت
طالبك, لاتنسى الوصيه .وياليت=تحطها...لي..في ظميرك لياقمت
صحيح أنا من شأنك أقبلت وأقفيت=وظنيت بك (خير الظنون) وتعشمت
وأنته مع الدنيا نسيت وتناسيت=(موضوعنا)وحناّ ما نقوى على الصمت
لكن...نبي نردف لك البيت بالبيت=حتى لو إنك من هل الصيت والسمت[/poem]مطلق بن عبيان.

17-07-2011, 05:09 PM

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
كلامك أوظح من شعاع الشمس رابعة النهار=وأمانتك ماهيب حي الله...... عشان آبوقها
وأنا مانيب من السهوم الزرق والجفوه مجار=إمّا سمعت رعودها والا لمحت بروقها
حدتني الدنياء ولزتني على الكتف اليسار=ماخيرتني في غمارتها ولاصندوقها
لكن تعالي.يابعد من لايغير ولايغار=ويابعد ناسٍ تصطلي [نار الحسد] فـ عروقها
(الحزن لايرسم على وجهك لاشط ولامزار=حتى لاتقراه العواذل ويتحرك سوقها)
والخاطره هذي بدايه للمشاريع(الكبار)=مع(الكبار)اللي تدس السم في طاروقها[/poem]مطلق بن عبيان.

17-07-2011, 05:30 PM

.
والله إنك شآعر وقمّة فالادب والأخلاق
.
مطلق بن عبيّان
.
تبهر وتجبر العآلم كلها تمر وتشيد بما وجدت من شعر ودرر
.
عقد إعجاب بماتكتب صالح لـ / غآية (( يوم الدين ))

.

18-07-2011, 12:07 AM

حسن:
مرحبا مليون في بيتك الثاني.
مرورك (وسام شرف)
ولا خلا ولاعدم
أنت من بيت شعر
بشهادة قبائل الشعر
ودي وإحترام وتقديري....

18-07-2011, 11:57 PM

[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
أنا وأنت خارج نسبة القسم والموضوع=يديره مدير القسم والقسم تحت أمره
كذا دورة أيام السنه كل رأس إسبوع=تغدى وتعشى شفوفك وتوكلك صبره
على قول الأول:ماشكينا الفقر والجوع =(كثر ما شكينا قلة الحيل والدبره)
ياكم عاش رجل ومات في داخله مشروع= ما علم به الا واحدٍ ثاقب النظره
هذي خاطره وأنته معك قلب وإلك سموع=لاتحسبني أحرّظك وتضيع الشفره
لقيت الأماني نصها مثل حب الكوع=طموحك لها فكره وتحقيقها عبره
ودموع التماسيح إعتبرها ماهي بدموع=على شانها ماحرّكت بي ولاشعره
مطلق بن عبيان.[/poem]

19-07-2011, 01:46 AM

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=right use=sp num="0,black""]
ياليل القصايد....كان ليل الغرام جروح=ترى اللي مايكشفك أوله يكشفك تاليه
وصوفك قنوفٍ في ((حشاها))البروق تلوح=تراجف رعدها في خيالٍ سرى ساريه
هبوبه..تمايل..بالغصن والحمام ينوح=على ريح سيلٍ كل عودٍ حمر يحييه!!!!
مصبه ليا حوّل..يخلي عروق الدوح=على يمين دربه وأيسره والصواعق فيه
أبا أبوح لوإني بسر الصدر مابوح=لكن الصدر من زود مابه ظهر خافيه
إيماني قوي بلله وباب الأمل مفتوح=وظمان العمر حملٍ على أكتاف من يطريه[/poem]مطلق بن عبيان..

19-07-2011, 02:04 AM

[poem=font="Andalus,7,red,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ماكسبت من الحياه ومدارسها=غير خوّة واحدٍ رافعٍ رأسي[/poem]مطلق.

19-07-2011, 03:22 AM

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=right use=sp num="0,black""]
أمان...وطمان...وسالمين الفقر والجوع=عسى الله يديم الأمن ويساعف الدوله
هذا بدايه الموضوع ....ونهاية الموضوع!=أباأقول شيٍ قبل ماكنت أبا أقوله!!!!!
ياكم عام نبني فيه خمسة عشر مشروع=على (الإنتظار)ونص الأحلام (مقتوله)
أعيد الحساب ونومتي فوق رأس الكوع= وغيري لا( وسّد) رأسه يوسد رجوله
قظى العمر يامحمد على الراتب المقطوع=ماكنّا لنا في أيامنا صوله وجوله!!!!
تحط الظروف ركابها كل رأس إسبوع=على آآآآآآخر حصاد الشهر ويضيع مفعوله[/poem]مطلق بن عبيــــــان.

19-07-2011, 10:13 PM

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
سبوك وأنته لاضيف ولاأنته بعاني=لكن إلك قيمةٍ ماني منزلها
عمّا يجول بظميري عبّر لساني=حقايقٍ شرّد أفكاري تناقلها
ماوالله يعرف تقديرك يـ الألماني=الا الدروب الطوال ليا إستويت إلها
إترك سواليف قال فلان لفلاني=أقوال. وعيوبها من عيب قايلها
كم ليلٍ أسود تسريته وسرّاني=وأسرار صدري هواجيسي تبادلها
لين إرتكى في حجا خطلان الأيماني=روسٍ تسر وتقوم لمن يقوم لها
واللي خلافي عشىً للذيب سرحاني=في ساعةٍ تلحق الشكات صاملها
والله لوإن الأماني تدرك الفاني=لأرصعه من فصوص الماس وأفظلها
وأفرش على دربه السجاد الإيراني=وأداوي عيون حساده وأكحلها[/poem]مطلق بن عبيّان.

20-07-2011, 02:55 AM

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
حسبي وحسبي كل ماطرف الليل=عليك ياجرحٍ من جروح الأيام
رجال وأطمح في دروب الرياجيل= أهل المقام السامي الزاكي التام
وتسوقني سوق الجمال المحاميل=اللي من بلاد اليمن تنطح الشام
وتحط في دربي قيود وعراقيل=تبيني أقعدوأتثنى مع الأقزام
أقزام في سلم الوفاء والتفاصيل=عنهم...تجيك مع الصحافه والإعلام
لكني أسأل منزل الذكر تنزيل=رب بعث عبده لتحطيم الأصنام
أرجيه وآسآله يجنبني الميل=ومنه....وعليه.....وبه.....مايخطن الأقدام
وإنه,,,,لايفرق رأسي عن المشاكيل=أهل النعم لين أتفرّش من الخام
وإنه,,,,يوفقنا الوفاء والتكاميل=مع الثنين اللي لهم خافقي شام
من بعدهم قلبي مصيبه ولاويل=وعن بعض لذات الهوى خاطري صام
وإنه,,,,يثبتني لايغدي بي السيل=على سنن رسله من صيام وقيام
وإنه,,,,يوفقني لعرف الدواليل=قومٍ ماتبحلهم دعاويج الأخصام
ويزيد صيتي مع هل البن والهيل=وأهل الشحم والعود الأزرق والإقدام
والصبر لاصعبت علي المداخيل=لين أدرك أوموري بتفكير وإلمام
والدين والحكمه لاجات التماثيل=وبنت لها في صدري بيوت وخيام
وجنّي بنات ((الفكر))جمع وجحافيل=وتوفق المطلع و((صرّن))الأقلام
وإنه,,,,يسوي لي قيود وعراقيل=من خيرته ودرايته قبل الإعدام
لاطوّحت بذراعها وفيه منديل=وفكّت نحرها ولا على خدها لثام
ولفت وباين ردفها وخصرها نحيل=من نحفه تقول يتغذى مع الأيتام
هذا العذاب اللي يهين الرياجيل=(تلقى الرجال وكنها مابها عظام)!
وإنه,,,,يباعدني عن القال والقيل=شرذمة منافق وباير ونمام
أهل (الحسد)و(الحقد)و(الحط)و(الشيل)=وأهل النظام اللي مانعتبره نظام[/poem]مطلق بن عبيّــــــــــان.

20-07-2011, 04:08 AM

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
خيار العرب فالجاهليه وفي الإسلام=مثل ماهي ماتغير منازلها
لنا أمجادنا وأرقامنا تحطم الأرقام=ومواقيفنا برى الجزيره وداخلها[/poem]مطلق بن عبيّان.

20-07-2011, 05:29 AM

شامخه في عالم الحسن والروعه
مايكملها المديح أول وتالي..

كم لها في داخل الصدر مطبوعه
من كثر ماأخفي غلاها إنبرى حالي..

20-07-2011, 04:46 PM

[poem=font="Simplified Arabic,6,teal,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
واعيني اللي ماتهنّت بالمنام أربع شهور=طوّل سهرها والدمع يذرف على خدينها
الصبر حملٍ ما يشيلنه معاليق الصدور=والحزن كوبون الوجيه اللي تخون سنينها
والعشره اللي وظفت قلبي على بند الأجور=أوجست منها خيفه وشكيتها من حينها[/poem]مطلق بن عبيان.

20-07-2011, 10:50 PM

[poem=font="Times New Roman,6,sienna,bold,normal" bkcolor="transparent" bkimage="" border="none,4,gray" type=2 line=0 align=right use=sp num="0,black""]
على أيامنا منا السلام وسلام ختام=على قول من غنى ((يادنيا من أنتي له))
يقوله من يقيس الأمور بذكاء وإلمام=تحت ظرفٍ أقسى من ((الزمان ومحابيله))[/poem]مطلق بن عبيّان

21-07-2011, 12:16 PM

[poem=font="MS Dialog,6,green,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
يا--قناة العربية.-- وش يقول البنّا =أسمعه بإذني وأشوفة بالنظرقدامي
إقطعوا تصريحة وصوتة ولاياصلنا=مايحب يروجه بين الشباب السامي
للأسف إنة يسمى بإسم مايجهلنا=أية ((مفكر))بعد ماقال وإي((إسلامي))
إيه قال وطال والرد المباشر مناّ=لامتى وحنا نشوف إن السكوت إلزامي
-الله أكبر-كيف كنّا من بعد ماكنّا=كلمةٍ وحده نهز بها اليمن والشامي
حل بين صفوفنا السم الدفين وبناّ=لظلال وللفساد وللدمار خيامي[/poem]مطلق ين عبيّان.

22-07-2011, 02:00 AM

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
على الأطلال للوقفه ندأ وصوت وصدى وعتاب=وعلى الدنيا الملام بلا سلام وثوبها مقلوب
وأنا ما أغبط أمير ولا وزير ولا حسبت حساب=سمو والحمد لله ماأعترف بالمذهب المظروب
أحلّق في (مدارات الخيال)وللخيال أسراب=من خيار الحرار النادره من كل حدب وصوب
أصادفها وأبادلها المشاعر من غلا وإعجاب=وأجي من صوبها وقدري رفيع ومنزلي محسوب
على روس الطوال المستقله والهبوب الهاب=قضيت العمر في سلم وحياة الحاقدين حروب
فتح لي ربي من أبواب هالدنياالدنيه باب=وعبرته بالتفكر والنظر وأثر الحياه دروب!!!!!!!
ياكم ظنٍ بنيته بني طوبه والنهايه خاب=وياكم موعد عقب ماحل حتنه حل به عرقوب
أجي وآروح في صدق النوايا ماحسبت حساب=جفا الجافين وآشوف الرزايا عفشها منكوب
وأصدعن-النقاده والخطاء والطاري الغيّاب-=وأعرف إن الثلاث الثابتات إنتاجهن عيوب
جفا الأصحاب تأثيره على من يحشم الأصحاب =وجفاء الأقراب رمحٍ يطعن كبود ويخج قلوب
وأنا في كل عام آخذ من الأصحاب والأقراب=دروس..وكل درسٍ في معاليق الحشاء مكتوب [/poem]مطلق بن عبيّان.

24-07-2011, 11:24 AM

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
تظيق الدروب وكل ضيقٍ وراه إفراج=مع الصبر لو إن الصبر واصلٍ حده
أمورٍ تلاطم فالصدر كنها الأمواج=بلتني بعد ماساقها الله من البده
ظحوك الثناياء والصدر مثل ظول الحاج=تعدله سلوم المسلم وسلمه يحده
يامن في يدينك لاأعظلن الأمور علاج=تساعف جنابٍ يستر الميل ويصده
غديت الله يعوج العواجى معقود حجاج= شبيه الكليح اللي مظرّى على الكده
وأنا ليابغيت أروّض الحرف مايحتاج=يبي يسد نوبي مثل مانوبه أسده
سباق الروابع فوجٍ يسابق الأفواج=من إخلاصنا مكفول الأعتاد والعده
نسوقه نحسب إنه يجي للجروح علاج=ويجينا عباريد الثميدي على خده
وروده مثل ورد الظوامي على هداج= ونكوفه نكوف مغربلٍ قابرٍ جده[/poem]مطلق بن عبيّان.

24-07-2011, 07:13 PM

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
البيت هذا له بقلبي مكانه=أحبه!!وحبي على شان راعيه
ياما على بابه طرحت الميانه=وياما تعاطيت!!الوله في نواحيه[/poem]مطلق بن عبيّان.

يتصفح الموضوع حالياً : 1 (0 عضو و 1 ضيف)