تواقيع الاعضاء ( 11 ) !!

[POEM="font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ياتركي اسمعني ولا يهـون سـداح=يالربع نبش الجرح ذنـب وخطيّـه
لاصرت يادكتـور صاحبـك جـراح=لاتنبشـون جـروحـي الداخلـيّـه
انا من البارح على خـف وجنـاح=واخلاقي اخلاقـي مهيـب اجوديّـه
مغير اجاوب نايـح الـورق لانـاح=وطويت حبل الصوت عشرين طيّـه
لانيب متضايـق ولانيـب مرتـاح=متمرجحـاً مابيـن هـذي وذيّــه
ومن عقبها والبال ماهوب منسـاح=حسبي على قصيدة (( الراعبيّه )) !! [/POEM]


الله الله الله


المبدع / عبدالله بن قنيص

لاهنت ..
والقصيده شرفتها بإعجابك وزينها صوت تركي في سمعك وهذا الحق
والحقيقه اتمنى ان يجاريك تركي
لأني أزريت رغم ان التوقيع محرض حيل حيل حيل


...

^
^
^

مبروك فوز العراق وكلّهـا كـوره
اللي كسبها العراق من السعوديّـة
لاشـك يستاهلـه بنهايـة الـدوره
كافح على سوء الأجواء السياسّيـه
الدار مستعمره ماهيـب معمـوره
والموت من فوقها بانـت مواريّـه
شكّل فريقه وحط وشـال مقـدوره
وأسدل على جرحه بروح ٍ رياضيّـه
أثني على سطوته بالصوت والصوره
والحق من يجحده يا لعنبـو حيّـه

..


والأخضر اليا خسر قد سجلّ حضوره
علـى المنصـات هاذيّـه وهاذيّـه
بيارقه من قديم الوقـت منشـوره
كم كاس شاله عن الناس بعراويّـه
يكفيه لعيـون عشاقـه وجمهـوره
تأهّـلـه للـقـاءات النهائـيّـة !


للمنصف سداح

أمسيت أجاذب ونتي وأجرها
للقلب مابين المحاني قرقعـه
ياقو لاهب وحشتك ياحرهـا
باسبابها نار الضمير مولعـه
والعين عبرات الفراق تفرها
دمعنٍ يدافعها ودمعنٍ تدفعـه
البارحه يوم ان طيفك مرهـا
ساقت مثل موجٍ تسوقه زوبعه
تعال ياحلـو الحيـاة ومرهـا
الدار من بعدك جفاف ومقطعه


لسعود الحارثي

حنا هزمنا بس من باب الإنصاف .
ـــــــــ لازم نبارك للفريق العراقــي ..
يلعب مع العمق و يوزع للأطراف
ـــــــــ فن و جمال و همه ولعب راقي .
هدف ولا أحلى ولعـّيب هداااااف
ـــــــــ ما عاد خلا فالبواقي بواقــي .



لـ غالب الشريف

تخطيّت ليل فراق الاحبـاب جـد عنـاد
علشان برقـي فـي المعـزه ورعّـادي
توطّيت كـل طعونهـا والطعـون جـداد
ونوخّـت عذالـي وبرّكـت حـسـادي
تظاهرت في وجه الصبر والحزن من غاد
يغرغر من عيوني ليـا ثومـة فـوادي



مبارك بن عيينان

^

^

يالله دخيلك من تصاريـف الليـال التاليـه
مدري غضب مدري حسد والله يكافي شرّها
مير المهم ان الرجال اهل السلوم العاليـه
تاطى على روس الشياطين وتحمّل ضرّهـا
ياللي حمست البن عجل واسكب الفنجاليـه
حمستك هذي تنعـش الخويـان لله درّهـا
متعكرٍ جوي وكنـي فـي البـلاد لحاليـه
ماغير الالي باللحـون المبطيـه واجرّهـا

^
^
الغالي اللي راح في فاله ولاصدق خبر
يامن يجيه يقول له منت بعلى حق وقدا
يومه يخليني كذا بين التمني والصبـر
اشيل مالا شالته ظلعان مكـة والهـدا

إلحاقا لتوقيع عبدالله بن قنيص

[POEM="font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]دخلت فالمرقـاب والسـد مابـاح=حتى قريـت اللـي بيوتـه طريّـه
يقول ياتركي .. ترى خاطري فـاح=كلّـه سبايـب شيلـة الراعبيـه
وانا اسمعه لو بيني وبينه اسنـاح=وإشادته .. تسوى من الناس ميّـه
والشعر مثل النجم والنجم ماطـاح=لاصار من عنـد الرجـال الوفيّـه
تعطيه حقّه .. فالمساوي والافراح=ويثّر على القاري وتصبح قضيّـه
واسلم عساك امجار من كل الاتراح=والله يجمـلّ حالكـم .. بالسويّـه [/POEM]


الله الله الله الله


شكرا لتجاوبك يا حلو في كل شي

لـ تركي محمد العتيبي ،



..

تخطيّت ليل فراق الاحبـاب جـد عنـاد
علشان برقـي فـي المعـزه ورعّـادي

توطّيت كـل طعونهـا والطعـون جـداد
ونوخّـت عذالـي وبرّكـت حـسـادي

تظاهرت في وجه الصبر والحزن من غاد
يغرغر من عيوني ليـا ثومـة فـوادي


لـ مبارك ابن اعيينان ،


..

من باب الاعجاب في توقيع عبدالله بن قنيص ومجاراة الدكتور
[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل القصيد اليا بركت دكّت لقاح = وتشول كل حروفها الابجديّه
وبرقٍ من الابداع في المنتدى لاح = قدام خشم المزنه العقربيه
خايلها عبدالله وسامرها سداح = وزوّد غناة أهل النفوس الغنيّه
سهمٍ جنا في عالم الشعر الارباح = ( وقله كثر والكثر عنده شويّه)[/POEM]

المشاركة الأصلية كتبت بواسطة مبارك بن اعيينان

من باب الاعجاب في توقيع عبدالله بن قنيص ومجاراة الدكتور
[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل القصيد اليا بركت دكّت لقاح = وتشول كل حروفها الابجديّه
وبرقٍ من الابداع في المنتدى لاح = قدام خشم المزنه العقربيه
خايله عبدالله وسامره سداح = وزوّد غناة أهل النفوس الغنيّه
سهمٍ جنا في عالم الشعر الارباح = ( وقله كثر والكثر عنده شويّه)[/POEM]

تعديل الخطا المطبعي

الجفا قيض المشاعر والقلـوب الحيـة
وقلبي مولّـع ويوميـاً تحـرّ أشواقـه
جو حرّ وحرّ حب وبيـن ذيـك وذيـة
بين قيض الحب ولا شمسنـا الحراقـة
الحـرارة ترتفـع والنسبـة المئويـة
ترتفع معها وحنا ماعملنـا ( حاقـه )
ما بقى الا إثنين في عدادها إمن الميّـة
ومالنا على تحمـل هالحـرارة طاقـة
يـا نخفـف مانبـذر كهربتنـا شويـة
أو على الدرب الشقي كلٍ يمرن ساقـه
الحضر بتعيش وسـط البيئـة البحريـة
والبدو كـل ٍ يـروح لخيمتـه ونياقـة
مجلس الامة .. نبي إمن حلولك الجذرية
لي متى وحنا نفهّم في وزيـر الطاقـة


لـ محمد المسعري


توقيع خطير لشاعر خطير

نعرف الطيبين من الرخـوم
وانت مخلوق طيّب وإرخمـه
مير لاجـاك خمّـام العلـوم
لا يخمخمك لين إتخمـخمه !


ههههههههههههههههههههههههههههههههههههه الله الله ياسدّاح


الله يستر على لحيّته



للدكتور سداح

من يزرع من التين يحصد من التين
ومن يزرع الصبّار / شوكه هبابه
ومن لا ظهر قلبه وهـو فالثلاثيـن
يا خيبته / ثم خيبة اللّي هقـا بـه


لبّا نخرك يافالح الهاجري

تنشدني : وينك لك مـدّه ؟ \غايب محرق لي اعصابي
قلت : اسمحي لي يالجـدلا \اغلب وقتي فالمرقابـي
استمتع بابداع المبــدع \وابدي للموهوب اعجابـي


لفيصل بن سعد

يا سلام يا ابو سعد والجديد ابطا

يا مخترع خدمة الهوت ميل ما بك قصور
وفي ذمتي بـأنّ ما يلحقـك شـكّ وردا
فضايلك لي ولـوضـع الحبيبـه تـدور
والفعل الأبيض مع أهل النت مالـه مـدا
وياصاحبي منت عن كثر الصدود أمعذور
وقلّ أتصالك على الهوت ميل ماله فـدا
ماسنجري مع ماسنجرك الوفيّ ما يبور
معطيه حقه ولا لـه غيـر حقّـه جـدا
أبلوك لامن شبكت ينوش كـل الحضـور
وأولكمك وأفصل امن الشات والمنتـدى
وأكبّر الصفحه الزينـه وكلّـي سـرور
وأبدا وأقول ألك ليل الحب سـاع أبتـدى
وأيامي إن روّحت عن ما أستفدته دبـور
مادامها معك عـادي لـو تـروّح سـدا




ابداع للشاعر القادم بقوّه .. بدر العتيبي


وصح لسانه

الشاشه الداميه زادت وجعنـا وجـع
اللي لابثّت تشوف الـذل مـن بثهـا
لاقلت راح القهر في ظرف ساعه رجع
ماسَلْم منه أجلـد اللحيـه ولاكثّهـا!
يقطعك ياغصن زيتونٍ حمامه سجـع
فـي شجـرةٍ ودّك الحطّـاب يجتثّهـا
هنيّت منهو ليا قرّب هجوعـه هجـع
وعينه على موجبات النـوم ماحثّهـا
مرتاح باله من احداث الزمن ما انفجع
عنده سمين الهروج مسـاويٍ غثهـا
متفلسفٍ باللغه فجنـاس والا سجـع
همـه تكيـت الثيـاب ولايبـا رثهـا



عبدربه بن عتيق

لـو كـل رجّـال ليـا منّـه بغـا
شٍّي من الدنيـا ومافيهـا حصـل

ماكان شفنا اللي برك واللي رغـا
واللي تعب من جد في الدرب ووصل

اثر الفقير اليـا كثـر مالـه طغـا
ومن المعارف والجماعه منفصـل

مايدري ان الخوخ لا منـه صغـا
طعمه وطعم الثوم واحـد والبصـل


لـ مبارك ابن عيينان ،


..

:
:

لايجبرك الوسط الـ (( - )) .. على ان لاتكون (( + )) .. !!
وأجعل (( ÷ )) الجبان معك ..
محاولة الـ (( × )) من تحت الملام فقط ..
وحذاري من الأهتمام به ..
لأن اهتمامك به يجعله (( = )) راسه براسك .. !!

..................
................
.............
هذا توقيع للمبدع (( عبدالرحمن حمد ))

^
^


توني جاي أبي أحطه

احس بفكارك واعرفك ولا اجهلـك ..... من ليلة البـارح وشوفـك سمـاوي
كان انشداني عنك ..حاجه اتبهذلـك؟ .... ابشر ببعداً تقطـع ابـه الرجـاوي
اسلوبك المهـزوز ..ماهـو يأهلـك .... تفصح نوايا خاطرك ويـش نـاوي
تعبت اطبل لك ..واعذرك ..واماهلك ..... وعلمك طيبـي تستغـل الحيـاوي



زايد بن كروز

ليه الجفا يا عالي الحس والذوق
خليت حتى الشامتيـن تتشمّـت
تخنقي العبرة ويخنقني الشـوق
واضيق لين اقول للضيق : تمّت


ل محمد المسعري !