تواقيع الاعضاء ( 11 ) !!

مدري احد جابه قبلي او لا
ياللي لك منقمق الاشعار نمقتـه
مابين احبك واحبك قومي اختاري
وان قلت احبك وقلتي ماهو بوقته
بقول راعي فروق الوقت بدياري


لفيصل بن دويحان

يالله دخيلك من تصاريـف الليـال التاليـه
مدري غضب مدري حسد والله يكافي شرّها
مير المهم ان الرجال اهل السلوم العاليـه
تاطى على روس الشياطين وتحمّل ضرّهـا
ياللي حمست البن عجل واسكب الفنجاليـه
حمستك هذي تنعـش الخويـان لله درّهـا
متعكرٍ جوي وكنـي فـي البـلاد لحاليـه
ماغير الالي باللحـون المبطيـه واجرّهـا


يا سلام يا راجح الهاجري

مابين دمعـه واشتياقـي ودفتـر
يمرني طيفـك ثلاثيـن مـره !!
وفي كل مره يا منى الروح تبتـر
قلبي وسط حدب الضلوع وتجـرّه
اجيـك بأتشـره والاقيـك مغتـر
ولو منت غالي ما اجيـك اتشّـره
أجي وانا معصب وضايق ومحتـر
وارجع وقلبي فيـه حـرّه وحـرّه
من غبت عن عيني وياساتر استر
في القلب جمر وفي غيابك تكـرّه
وآقيس نبضاتي بمقيـاس رختـر
وأكذب ، وأقول ان حالتي مستقرّه
تفرني الضيقه ؟؟ وانا اجيك مفتر
والحظ يلعب في المحب .. ويفرّه



صلاح بن شريم

بعدك ملاني هم والوقت .. قاسي
وينك ؟ بشوفك ملت عيوني ألناس


ذعار الديري

السّلام عليكم ورحمة الله وبركاته ,,

تحية طيبه لجميع من في هذا الصرح الشاامخ ..

وهذي اول مشاركاتي وعجبني هذا التوقيع !!


احس ما سويت بالشعر حاجه * * مادام ما جاني من العالم اطراء
بيدي يصير الشعر طلق ٍ حجاجه * * رغم انني صاير من الشعر مستاء
اكبر دليل ان الشعر طاح تاجه * * محد ٍ نسخ لي في (تواقيع الاعضاء)

وصاحبها المدعو /

الشاعر : نواف نـايف .. وبيوت غاضبه

مجاراة لتوقيع نواف نايف لان التوقيع اعجبني
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نواف فر الشعر كلّه وداجه = من مبتدا حرف الاف لاخر الياء
مواهبه شبّت فتيلة سراجه = ودرّج هواجيسه على مابغا وشاء
شاعر ليا من واجه الشعر واجه = والحي يبقا حي من بين الاحياء

والسموحه يانواف لو ان بيوتك اقوى من بيوتي[/POEM]

^
^


تراكم مضيعين يا طوال العمار .. راعي التوقيع محمد بن فارس

اي بالله النمره غلط ياعادل ويابن عيينان ..

يالله حسن الختام ’ اثر فيه ناس اكبر مني وانا حاطٍ نفسي شايبكم



التوقيع لمحمد بن فارس

والحقيقه ان بيته الاخير يجيب الواحد اتستاف !

هههههههههههههههه أبك تسيف محدٍ نسخ لي في تواقيع الاعضاء ؟

لعلها فرصه لمراجعة الحسابات يابوفارس ،

وانا من اللي عاتبين علاك بعد التوقيع الدولي اللي انت خابــــر


سلام’ عليكم

لاتبلّشني مع هـاذي وهـاذي
من شياطين البنيات أمتعـوّذ
مبتلش بك وأتحرى عن ملاذي
مير الوّذ عنك ماكنّـي ملـوّذ


للمبدع .. محمد بندر

هيجن يا قلبي وأنـا ويـاك
كل ٍ يهيجـن علـى الثانـي
أكيد معنـاي فـي معنـاك
مربوط وألحانك .. ألحانـي
غن وتوّكل علـى مـولاك
وأشيل نبضك على لسانـي
يا صاحبي ما قويت أنسـاك
حتى ولـو فقـدك أعيانـي
طيف ٍ نقـل طلّـة محيـاك
وصلـنـي ولا تـعـدّانـي
شوقي لك القاسـي الفتّـاك
لا مرّنـي هـزّ وجـدانـي
غلاك مـا يحتمـل فرقـاك
أن رحت وأن جيت تلقانـي
أزعل واشيل الهوى لرضاك
وأقـول يـا سيـد خلاّنـي
لو تفتح بخاطـري شبـاك
تشوف وتعرف وش جانـي
( عوّدت عيني على رؤياك )
ولا تعـوّدت تنسـانـي !!



ياسلام عليك يادكتور !




للمبدع .. سداح

المشاركة الأصلية كتبت بواسطة عادل جابر

السّلام عليكم ورحمة الله وبركاته ,,

تحية طيبه لجميع من في هذا الصرح الشاامخ ..

وهذي اول مشاركاتي وعجبني هذا التوقيع !!


احس ما سويت بالشعر حاجه * * مادام ما جاني من العالم اطراء
بيدي يصير الشعر طلق ٍ حجاجه * * رغم انني صاير من الشعر مستاء
اكبر دليل ان الشعر طاح تاجه * * محد ٍ نسخ لي في (تواقيع الاعضاء)

وصاحبها المدعو /

الشاعر : نواف نـايف .. وبيوت غاضبه

يابن جابر ..

حقوق الطبع منهوبه

مليّت من صدك وحرّمت الحرام
اني ماعاد اعذرك مرّه ثانيـه



سلطان بن بتلاء

وتراني ماغار جايبٍ التوقيع تسذا ،

والا مانيب ويا الذكاء الايف !


..

المشاركة الأصلية كتبت بواسطة مبارك بن اعيينان

مجاراة لتوقيع نواف نايف لان التوقيع اعجبني
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نواف فر الشعر كلّه وداجه = من مبتدا حرف الاف لاخر الياء
مواهبه شبّت فتيلة سراجه = ودرّج هواجيسه على مابغا وشاء
شاعر ليا من واجه الشعر واجه = والحي يبقا حي من بين الاحياء

والسموحه يانواف لو ان بيوتك اقوى من بيوتي[/POEM]

: - صح لسانك يابن عيينان . وبارك الله بذا التوقيع اللي
جابك هنيـّـه ،،
صح لسانك ... ولا على بيوتك زود !!!

محمد آل عبدان .. بيض الله وجهك على التنويه

ولا هنت يالسمي ..

الشيــخ / عبدربه ...

يا مرحبا وانا صادز والله ...

ياخوي انت تشوف ؟؟ ههههههه

والله لو ادري ان التوقيع الدولي مزعجك ..

تسان يمديني من زمان مفتك ٍ منه ... اي بالله يا عبدربه

بارك الله فيك ك ك ك ولا هنت

المعذرة للشاعر محمد بن فارس


السفر مأثر شوي , لاهنت يا ابن عبدان

والظاهر معي ناس مسافرة بعد

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هيجن يا قلبي وأنـا ويـاك=كل ٍ يهيجـن علـى الثانـي
أكيد معنـاي فـي معنـاك=مربوط وألحانك .. ألحانـي
غن وتوّكل علـى مـولاك=وأشيل نبضك على لسانـي
يا صاحبي ما قويت أنسـاك=حتى ولـو فقـدك أعيانـي
طيف ٍ نقـل طلّـة محيـاك=وصلـنـي ولا تـعـدّانـي
شوقي لك القاسـي الفتّـاك=لا مرّنـي هـزّ وجـدانـي
غلاك مـا يحتمـل فرقـاك=أن رحت وأن جيت تلقانـي
أزعل واشيل الهوى لرضاك=وأقـول يـا سيـد خلاّنـي
لو تفتح بخاطـري شبـاك=تشوف وتعرف وش جانـي
( عوّدت عيني على رؤياك )=ولا تعـوّدت تنسـانـي !! [/POEM]

توقيع جهنمي للدكتـور

صح نبضـه

تنبيه هام00 للمقصرين امثالي

لكل من قرأ كلماتي أفيدك بأن الشيخ ابن عثيمين قد أفتى بعدم جوازقول كلمة ((تحياتي00او مع تحيات00او تحياتي لك))

لأن التحيات تعريفها شرعا هي البقاء والملك والعظمه وطبعا هذه الصفات لاتصرف الا لله

وان لاحظت فانت في كل صلاه تقول(( التحيات لله ))

اذن ما الحل؟

أن لاتقول كلمة تحيه بصيغة الجمع

(المفرد تحيه000الجمع تحيات)

فعليك ان تراجع حساباتك وات تستبدل تحياتي بكلمة تحيتي او مع التحيه0

((منقـول))


((لا إله الا الله عدد ما كان وعدد ما يكون وعدد الحركات والسكون))

8
8
8
عنود الروض تسلمين وعساه في ميزان حسناتك يارب ..

مع التحيه

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ايه يالمحبوب ماعاد فـي الدعـوة قصيـد=كيف اوصف حـال حـظٍ بروجـه مايلـه
ماهـي بلحيـة قصايـد ولالحيـة نشـيـد=الهمـوم الله يجـيـرك هـمـومٍ طايـلـه
دايمٍ مـن هـم فـي هـم والادنـى سديـد=اشهد انـي شفـت بعـدك نجـوم القايلـه
ليه اوصف لك همومي واعيـد ابهـا ازيـد=دوك قلبـي ياحبيـبـي وطـالـع فايـلـه
تدري اشلون الهوى يجبـر القلـب السعيـد=يلبـس استايـل ولكـن عكـس ستايـلـه
يابري حالي ليا اشتقـت لـك وانتـه بعيـد=ثم قعـدت استعـرض الذكريـات الزايلـة
يوم اجيك وكل ماقلـت لـي بيـتٍ جديـد=قلـت لـي : الله !!.. بالله منهـو قايـلـه
وخص لامن قلت : لي , قلت لي : بالله عيد=شعـرك يشتـت همـوم ٍ بقلبـي هايـلـه
كنت اجي واروح والله مدري ويـش اريـد=المهم آجي بغـض النظـر وش جـاي لـه
كيف راحت حلـم مـدري ولكـن الاكيـد=السـؤال اقفـى جوابـه وعـذّب سايـلـه
[/POEM]

لـــ نصار آل صامل

^

^

ناصر يابوحميد جعلك تسلم



,,


سمعت (الاماكن) وانجرح قلبي المجروح
وانا ماحسبت ان (الاماكن) تهيضني
اغني واشيل القاف مع صوتي المبحوح
احاول ازيح الضيق والضحك يرفضني
تهيض خفوقي من غرامك يروح الروح
عن ايام حرماني طلبتك تعوضني


نوض

احب الطبيعه والمشاغل تهـد الحيـل
والأرزاق عند مدبر الكـون مكتوبـه
ليا شبعت البل والعشب فاح عقب السيل
وشفت المواتر قدمها النـار مشبوبـه
اعيف البلاد ومجلسٍ فيه قـال وقيـل
وناسٍ ليا بان المؤشـر تعايـوا بـه



لشايبنا عسى الله يطول بعمره
حسين بن ضيف الله الدوسري

ليا قمت يا راع المعاني تقص اعضاك
وش الفايدة من جسم مقصوصة اطرافه
ترى العضو في الانسان لن ما نفع ما ذّاك
تساند عليه ان شفت في الدرب مهيافة
,,,,,,,,, عيد العتيبي ,,,,,,,,,,,

في زمان الكلاشنكـوف والبـم دبليـوو
سلّمي لي على المشعاب ياعوص الانضا
كان منت بْعلى الشده صبور وجمليـوو
والله ان تاكل من الهـم ياليـن ترضـى


..

المسرّي الله يسرّيه للجنه

:

مشـعان البراق ،

آخذٍ له اجازه حوالي شهر واثره يبحث في هالاجازه ’’ تدرون وش لقا ؟





شوفوا :-
































احد ٍ لقيته شيخ لو انه من عيال الفقر ..
ــــــــــ .. واحد ٍ مشيخة جد / لاهذي ولا بنت الذي ,