ܓܨ[ تلويحات !! ]ܓܨ

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقومين الصباح وترقدين الليل=وانا ليلي نهار وحالتي صعبه
يروح ايميل من يمك يجيك ايميل=غدينا كننا نلعب لنا لعبه [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تصاوبك العيون اللي تبي موتك=ولو اللي بقى والموت عند الله
عيون تشوتها ما تقدر تشوتك=لو ان قلوبها بالحقد منغله
عليك الله لا تظهر جبروتك=يكفيهم من اسمك عاشوا الذله
تنح وخلك اللي همك يفوتك=تراهم هم .. عقبّ همك وخله
سواد ايامهم ماهو من كروتك=كروتك من بياض الوجه محتله
عليت وطبت ما طابوا تحت ( .... )=حيّا .. حي الله الرفعه عن الزله
سماك الغيم ما تضمى وهي قوتك=وهي اللي على الاجواد منهله![/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
تمرجحي على جروحي وغني=( لا يمكن المجروح يجرح خليله )
يكفيني اشوفك ويكفيك مني=اني اكون اللي عيونك دليله
ما قلت لك ما يخلف الوقت ضني=قلت الهوى يخلف لعينك قبيله
يا قبلة الله يا جمالٍ فتني=صب الحيّل فالخطوه المستحيله
علمني احبك واعيش متهني=عفوا اعيش بحزن في كل ليله
من قوّ فقدك يا غذا الروح كني=اللي يقول الدايره مستطيله
مجنون والشوق الاصيل احتضني=والشوق قاسي قص قلبي قليله
داخل فصايل دم قلبي طعني=وفي ذمتني لا ما افزعت لي فصيله
وا قلبي اللي فالهوى مستكني=وان مرّه النسيان دوّر بديله[/poem]

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هذي نجوم الليل يا قاتل الليل=بالطله اللي خجته من ضياها
قمر وطلات الصبايا قناديل=محاسنك مالي غنا عن لقاها
تعال حاسبني على كل ما قيل=واشر على الضيقه واخذني فداها
خل الحزن منك يذوق البهاذيل=وخل الفرح على الشفاة ايتباهى
لبّا براد الشام ومسامر النيل=ولبّاك يا كل الجروح ودواها
غلاك ما يحتاج مني تفاصيل=غلاك حاجه ضيعتني معاها[/poem]






::

:

.

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي همومه في ضميره كثيره=لا تطلبونه كل ما يحفظه " هم "
خلو شعوره يا عرب في ضميره=ياكل معاليقه ويشرب من الدم
تبت كفوفك ياليدين الفقيره=في بصمتك ما قالت العالم .. بكم ؟![/poem]

فالغالب الانسان يحتاج لإنسان
يوافقه رايه ويفهم صفاته

خصوصا الموهوب لاصار حيران
من حاجة الماء حاجة محفزاته !

الشوق جاب الجادل الطرقى
اللي طرالي ضوح مبسمها

لعوب صلت بالفكر شرقى
وأخطت وانا بالحيل حاشمها

ياليتها ما سنت الفرقى
وأرخت على قلبي مياسمها

أن كان ما أرقى والحزن يرقى
والقى على قلبي وسايمها !

:



:

أقسى شعور تواجهه في حياتك
ضحكة شفاك ودمع قلبك من الحزن

تعيش جو الحزن في وسط ذاتك
كنك ( يمن ) والضحك يشبه لـ ( ذو يزن ) !!

..

بعض الغلا ما توصفه بدعة القاف
متعب ويتعب مسرجين القوافي !

يستنزف الفكره وتخطيه الاوصاف
والشعر كله فيه ماهو بكافي !!

يعيش الوفي ابن الوفي والا الردي ما عاش
وكلن يجي قدره على فكره وتنظيمه !

وأنا ما حسبت حساب للاش ولد اللاش
انا احسب حسابي للرجال اللي لها قيمه !

علمتك بكل حاجه عن حياتي
وأرضيت ذاتي معك وارضيت ذاتك

ليتك تسوي ليا احتجتك .. سواتي
توجز بنبذه بسيطه عن حياتك !

.

للأبداع هنا فضاءً يشدو به الطيرَ أينما حلّق !
سامكث هنا لأتنفس أن سمحت لي !

.

مرحبا يا عبدالرحمن


غالي ووافي
وحضورك شرف لـ اخوك ومحبك



لاهنت والمحل محلك

فديت قلبك يالغلا واحساسه
وفديت منطوقك وعطر انفاسه

وفديت كل اللي يخصك حاله
يا سكره ما ذوبت في كاسه

يا ساكنه بين المحاني حيّك
الحي من تحيا بشوفه ناسه

وانا اشهد اني حي من ما يحكي
الوصف في فكري تدق اجراسه

في كل لحظه اتصور زولك
حبك قلم والفكر لك كراسه

صورتك يوم اشتاق لك وارسمها
احسب حساب اللول والألماسه

لو تشبه لصوره على سطح الماء
لكنها منفرده وحساسه !

أكمل الفراغ بالكلمه المناسبه :

ماني مكلف فيك يا سرب ( الحمام )
ولاني مكلف فيك يا سرب ( القطا )

ماني ملحّقها جناحينك ( ملام )
صدري على من مرّني ستر و ( غطا )

ولساني اللي ما خلق وسطه ( عظام )
بإيعاز من قلبي شكى شوق و ( بطا )

مشتاق لك والله وعلي ( الحرام )
ان التمادي فالبعاد اكبر( خطا )

انا احلم اعيش الهوى معك بـ( سلام )
وأنت تعرف طبع الغرام اخذ و( عطا )

عطني من ايامك ولو ساعة ( غرام )
افرد يدينك لي وسيّر بـ ( الخطى ) !!

لا تاخذ عيونك سواليف ( المنام )
حتى لو ان النوم بعيونك ( سطى )

انت الهوى وانت الغلا وانت ( المرام )
وأنت السماء واهل العذل فيك ( الوطى )

* ظلل ما بين الفراغات تجد الحل .

.
:
::
:::
::::

ما كل من يسئل فقير
وما كل من ينفق غني

لو كان تقرير المصير
على الوقائع ينبني !

::::
:::
::
:
.

[mark=#bd9797]لاصرت تبغا الارض ترضى وتعطيك
عطها من التفكير والفعل عطها !!

آثار من عاشوا بها ازمان تنبيك
افهم معالمها وطور خططها

في همة التعليم دور معاليك
النفس بأرواق التعاليم احطها

مستقبلك قايم على فهم ماضيك
وعلى الحروف اللي بفكرك نقطها

واللي موديهم تحتها .. موديك
الارض صوره حظ منهو لقطها !!

ركز معاي شوي والله يخليك
الناس لا تركض تدور غلطها ![/mark]

[poem=font="Simplified Arabic,4,sandybrown,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي صاحبن دايم ودمه حار=وانا بعد دمي مثل دمه
من أي حاجه ينفعل ويغار=ويخمني بالهرج واخمه
واليا تشدينا ودمعه حار=وقرّب هدب عينه طرف كمه
جمعت له في صدري الاعذار=متوضيه وعيونه اليمه
ومديت له من يدي الازهار=واخذ يدي و .. .. .. !![/poem]

..

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا بايع الصبر بجنيهي وبريالي=ابشتري منك ما ابغى منك فاتوره
بعني ولو اني حالي ماهو بحالي=بعد استدار الفلك واخذت لي دوره
بصبر على حظي اللي قطّع حبالي=خلا خرز سبحة الآمال منثوره
من وين ما رحت شفته قام يبرالي=كنه على ساقتي يستاق مظهوره
يخطي عليّه وانا اللي ظله ظلالي=ما شفت من عدل حظي شفت من جوره
يسحب طرف غترتي ويطوح عقالي=والنفس مع ما يجيب الوقت مجبوره
لابد ما اصبر واقول اجري على الوالي=حتى لو الضيق جيشه يرسل سبوره
لولا الصبر والعزيمه والتمرجالي=ما وحد المملكه بالسيف اخو نوره !![/POEM]

:
:
:
:
:
:






راع الهوى مهما ومهما ومهما
لابد ما يذكر هوى من يهاوي !

اعمى ما بين الناس لو ماهو اعمى
منحي بقلبه سيل حب ن نحاوي !