ألوان فضفاضَه

إبتهال:

ياللْه إني طالبَك ياعليم وياخبير
أنته اللي تعطي الخير وتحلّ القياد

إجعل افكاري وقلبي على هديِك تسير
وإصقل النفس الذليله وبلغها المُراد

.
.

[mouseover=خاص لمن عاتبه قلبي قبل لساني][poem=font="Simplified Arabic,5,white,bold,italic" bkcolor="transparent" bkimage="backgrounds/38.gif" border="none,4,gray" type=3 line=0 align=center use=ex num="0,black"]
توّك تذكّر!! وانا لي عام اناديلِك!=مدري هذا كرْه..ولاّ دالهٍ ناسي!
يامَن بعطر النفَس تزهو مناديلَك=مادام لك ناس!.. انا فيْ الوقت لي ناسي[/poem][/mouseover]

خفوقي رهيف اِحساس مايقبل التغيير
وياليت الطبيعه ماتغيِّر طبيعتنا

.
.
بنت الفكر لاجات بيضا وعذراء!
عانقتها والِه بكل إحتفائي

واغليتها..واهديتها زين الاسماء
(شروق) يكبر بإسمها كبريائي

وينوِر بها ليلي بعد كان ظلماء
ويصفى بها جوّي ويصفى سمائي

وقلبي يضخ بحبها كل الاعضاء
بالدَمّ وإلْها كل عمري فدائي

وامشي لها تقدير في كل الانحاء
وابدي لها من كل قلبي وَلائي

وابعِد بها بالصدق عن كل الاخطاء
يكبرلها فكري ويكبر عطائي

وتمشي بعاشقها على كيف ماشاء
ويمشي بها عَشّاقها حيث شائي

وتنضج,وتكبر..عز,وإجلال,وإعلاء
وتختال..واكسيها جميل الكِسائي

وإليا بدت تخطف عن الكل الاضواء
وتخطف قلوب المُعجبين وترائي

بـ اروع جمال ٍ ميّزه فن الإغراء
جمال يوصف بالجمال النهائي

.
.

.
.

آنا ابدوي..سَجّه, وبِرّان, واِجهاد
وقصايدي فـِ الوقت! هي راس مالي


تدرين ويش الموت يابنت الاجواد!!

إنّتس تحبين اِبدويٍ بدالي

.
.

.
.
ومضه:

"اترك باب القفص دائماً مفتوح.. كي يتمكّن الطائر من العوده"

.
.

بئس الغرور ومُمتطيه:

إليها وإن مرّت من هُنا:

تقول: (مغرور ياسابك)!! واقول: اِيوه
شاعر,وضابط,وماجستير,وعتيبي

وبنات جيلِك بهاذا الوقت يـَ حليَوَه!
ياكثرهِن ميّتاتٍ في دباديبي

.
.

آحَذْت منها الوفا.. واِهيَه خذَت ماتريد
وش عاد ابي عقب توتتها وعِنّابها؟!

.
.

.
.
إنصَبّ شمعِه, والوَلَه ذوَّب التوت
والورد سايح, واسود الكحل ذابل

بعيوني آناديه, وآشوف بالصوت
بكره عرفته زين, وامس اِنتقابل

.
.

لجميع الأعضاء والزوّار الكِرام:

اُبارِك للجميع بمُناسبة قرب حلول شهر رمضان الكريم..شهر الخير والغفران

اسأل الله أن يمنّ علينا جميعاً بصيامه وقيامه والإكثار من الصدقه فيه

آمين

.
.

على أعتاب بابك جيت ليل..ولاقدرت آصلْك
يابعدك..مثل منت اقرب من الكيبورد للشاشه

كرامه والكرامه دوم للرجّال! مثل السلك
يغيّر في مساره لَمسة الاصبع ليا ناشه

.
.

ماحبّيَت آتمادى فـِ (الـ.....) واحرجِك, واشغِلك
ياداله في زمانه..عَن تولِّع خافقٍ عاشِه

.
.
ضوّي ياقمرا وقولي للظلام الدامس
ويش عندك, وش معك, وشبك, وش انته ناوي؟

حالكٍ وجهك ورعبك للقلوب يلامس
مثل مـ ارعب قلب بوش وجيشه...الزرقاوي

.
.

.
.
هاماك قايل لي (على العهد لازلت) ؟!
الظاهر إن العهد عندك..ولاشيْ

وكانك عن المبدأ بوقتك تنازلت!
إعرف ترى الحبّ القديم إمتلاشي

.
.

.
.
آلَت بيوت الشعر للإفصاح عَن معنى الجمال
وتبخترت بنت الفكر وإتقول مَن مثلي أنا؟

وحبّيت امرر لك سلامي والتحيه .. مِن خِلال!
(ألوان فضفاضه..من المرقاب) طبعاً من هِنا

.
.

ياللي تحاول مجتهد تحجب الشمس
الشمس ماتُحجب حبيبي بـ غربال

وبُـكره! مهو كاليوم..واليوم! غير امس
والخلق والدنيا! ماتبقى على حال

.
.

اُنزِل القرآن فيه, وبدر فيه اولى المعارك
وسمّيت(فُرقان)..بين الحقّ والباطل تجلّت

إرمضان..اهلاً وسهلاً ياشهر خيرٍ مُبارَك
من خلالك للإله اِقلوبنا وَجلى تعلَّت
.
.

كل عام والجميع بخير وعافيه:

.
.
لك الحمد ياربٍّ خلقنا سعوديين
يوم آشوف خلقٍ تايه الفكر في دنياه

وحنا! على ثنتين في الوقت محسودين
على مسجد الهادي محمد..وبيت اللِّه
.
.

نافذه:

" لاتُجادِل الأحمق..فقد يُخطيء الناس في التفريق بينكُما "

.
.
يلتفت قلبي الملهوف صوبك وانت مغرور مدري منت داري
وكل شريان في صـدري يدوّرلك بلهفه وودّه يستضيفك


يـ القريِب البعيد آحنّ لـ إسمك كل مامرّ لَك فـ البال طاري
ومن غلاتك بقلبي والله اللي يعلم الغيـب آحَسْب إني وليفك


مارغبت اقتحم سورك واجيلك مثل جيّة خبيثين المساري
قلت ابيّن شعوري لك واوضّح وانت يامالك الخافق بكيفك
.
.

قد قيل:

إن الشبابَ,والفراغَ,والجِدَه!
,,,,,,,,,,,,,,,,, مَفسَدةٌ(للخلقِ) ايُّ مفسده







ياهي ا لبطره تسوّي براعيها سوايا






ياخي على الاقل إندس(إنخش) شف لك مكان بعيد عن عيون الخلق


السجاير يمكن نمشيها!



لكن وش هاللي محتضنها عساها بعمرك؟


لا وثنتين بعد!!


ماوالله من الصياعه في هالراس




































































ماهوب عاقل هالعفر

[poem= font="Simplified Arabic,6,black,normal,normal" bkcolor="transparent" bkimage="backgrounds/18.gif" border="outset,6,gray" type=2 line=0 align=center use=ex num="0,black"]
مبروك للمجتمع,مبروك لـ حبيّب=علىْ اِفتتاح القناه وبثّها الفعلي
وجودها فـِ الفضا! من حظنا الطيّب=رِقَت وقالت لعالِ القمّه اِطلعلي
مادارها كلّ متخوّف ومتهيّب=وراعي(أنا الكلّ,والحاصل هذا فعلي)
جات اِبـ تكاتف ولاتهتمّ بمعيِّب=والصدق يشهد وفي قولي يوقّعلي[/poem]