كلام القوافي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شيّدتلي مبنى ماهو أي مبنى=يحتاج من وقفات الافكار وقفه
بنيان يكفينا ويكفي عربنا=السقف ساسه واجود السقف سقفه
واللي بميدان السوالف غلبنا=فارس لقافه تلقفه كلّ لقفه
ياقلب لاتلحق عجبنا عتبنا=لاتقفي المقفي ولو قالوا اقفه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لله در اخواننا في سوريا=صدّوا جيوش الكفر بسلاح الثقه
وقفاتهم لله مافيها ريا=والاّ من يقابل قذيفه بفشقه؟!
واعمال جيش الفرس قتل الابريا=ولياقتل مسلم يقوم ويحرقه
الحقد كم دمّر كنوز الاثريا=ياللي تحسب المعركه لعب ورقه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
همّي سرابك وانت همّك سرابي=مسرا مساري ساريٍ طال مسراه
وجّهت لي سؤال واسمع جوابي:=العلم جاك وتالي العلم تلقاه
الثوب مايصلح بليّا مخابي=والمشكله من شال همّه بمخباه
أقولها وانا بكامل صوابي=دقّق وتلقا كلّ منطق ومعناه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الابتسامه والرضا والقناعه=مع صبر ماينفد وقوّة تحِمّل
ضد انخفاظ الضغط هو وارتفاعه=ركّز على هذا الكلام وتآمّل
نفّذ قوانين الكرم والشجاعه=كانك على كسب الجمايل مصمّل
لا تعتذر وتقول ماش استطاعه=خلّك مع اصحاب الجميل وتجمََّل
أحذر تصدّ وتبتلى بالقطاعه=وتصير لضروف الليالي مكمّل
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الروح تسلا عن غرامه وتدله=ولياحظر طاريه حبّه تجدد
ماني ضحيّه بين ظلمه وعدله=لكنّ لي مطلب ولاني محدد
عاقد عقد حبل الهوى وانعقدله=قام يتفاخَر بالوقوف وتمدد
وانا لي اقدامٍ مع الدرب عدله=من قوّة الصمله نسيت التردد
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياشام لاتحزنك فزعات الاحزاب=الله جمعهم والنهايه قريبه
الروم بالاردن يحدّون الانياب=والفرس من طهران ترسل كتيبه
الكفر واحد واصدق القوم كذّاب=والحرب خدعه والتفاوض غليبه
ما يرضي الكفّار مذكور بكتاب=يعني رضى الكافر علينا مصيبه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياجيش الاحرار ساند جبهة النصره=ترا فرنسا خبيثه وانت خابرها
ماهي على الشرك والالحاد مقتصره=كلّ البلاوي فرنسيّه مصادرها
مسيلمه صحّ ماهو عصرنا عصره=لكن سراياه ما ماتت عساكرها
وجيوش الاسلام مهما كان منتصره=لو التحالف على نفط الخليج ارهى
جمله مفيده ومطبوعه ومختصَره=خلّ الفرنسي مع اوباما يفسّرها
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يوم الربوع اصبح ثلوث وصارت الجمعه خميس=والسبت معفى من دوامه لعنبوها واسطه
يامن يبشّر نور ومهنّد وصاحبته لميس=هم ياخذون القرض من بقعا وحنّا نقاسطه
وان كان بقعا ماتغيّر سوقها رخص النفيس=بكره نشوف امّ الذهب في سوق بقعا باسطه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
راحت ورحت وجيتها يوم جتني=ثمّ اقبلت يمّي وانا يمّها اقبلت
قطعة قمر لو العرب كذّبتني=قالوا تخيّلها وانا ماتخيّلت
بالعين شايفها وهي شايفتني=انا ماعمري حزّة الجدّ مثّلت
البنت من بدّ البنات اعجبتني=اقولها لو قيل لي كان ماقلت
هذا خبر يوم العيون اسحرتني=موجز ولولا بعض الاحداث فصّلت
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الذكريات اللي تسبب لك احزان=حاول تجنّب ذكرها قدر اﻻمكان
اترك ما كان وفكّر بوضعك اﻻن=ﻻتشغل افكارك بشيٍٍّ تعدّا
ولياجتمع في بالك افكار وافكار=مابين زين وشين واقبال وادبار
عليك بالقرآن مع بعض اﻻذكار=جاك الدوا مضمون ياشاكي الدّا
دنياك مليانه هموم وبلاوي=يبغالها رجلٍ بعيد الحراوي
ماتنفع القوّه وكثر العزاوي=تبغى تفصّل ثوب لازم تقدّا
يعني بمعنى اخر : تدبّر وفكّر=يمكن نسيت وبعد ساعه تذكّر
بالصبر يصفي جوّك اللي تعكّر=ولياتحدّتك الصعايب تحدّا
تبغاني اضربلك مثل واختصرلك؟=طيّب تعال اسمع كلامي من اجلك
خذلك من السوّاق منهج ومسلك=يسرع واذا شاف المطبّات هدّا
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلٍٍّ على همّه يقوم يتكلّم=هذا كلامه واقع وذاك شبهه
واللي بلا وجهه مغير متولّم=طبّه مع اللي عارفٍ كل وجهه
ياجاهل الوجهه ورا ما تعلّم؟=ما كل صاحب علم يعطيك وجهه
اليوم تضحك مار بكره تآلّم=قدمك حساب وماضي الوقت نزهه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بيتٍ كتبته قبل فترة طويله=الياقريته كنّه اليوم مكتوب
وصلك وهجرك كلّهن من فصيله=يعني على الحالين منكوب منكوب
القلب لايقنع ولافيه حيله=بالذات اذا سكن فيه محبوب
والمشكله بيني وبينه قبيله=الرفض نوب اسلوبهم والرضا نوب
أصل التفاهم والرضا والجميله=اسلوب والعشّاق كلٍٍّ له اسلوب
صح الحياه بلا خطا مستحيله=بس التفاهم بين الاحباب مطلوب
[/poem]

المشاركة الأصلية كتبت بواسطة عبدالعزيز الحربي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بيتٍ كتبته قبل فترة طويله=الياقريته كنّه اليوم مكتوب
وصلك وهجرك كلّهن من فصيله=يعني على الحالين منكوب منكوب
القلب لايقنع ولافيه حيله=بالذات اذا سكن فيه محبوب
والمشكله بيني وبينه قبيله=الرفض نوب اسلوبهم والرضا نوب
أصل التفاهم والرضا والجميله=اسلوب والعشّاق كلٍٍّ له اسلوب
صح الحياه بلا خطا مستحيله=بس التفاهم بين الاحباب مطلوب
[/poem]

يوجد خطأ مطبعي لم أنتبه له في الشطر التالي:
(بالذات اذا سكن فيه محبوب)
والصحيح هكذا:
(بالذات لامنّه سكن فيه محبوب)



وهذي القصيدة كاملة :




[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بيتٍ كتبته قبل فترة طويله=الياقريته كنّه اليوم مكتوب
وصلك وهجرك كلّهن من فصيله=يعني على الحالين منكوب منكوب
القلب لايقنع ولافيه حيله=بالذات لامنّه سكن فيه محبوب
والمشكله بيني وبينه قبيله=الرفض نوب اسلوبهم والرضا نوب
أصل التفاهم والرضا والجميله=اسلوب والعشّاق كلٍٍّ له اسلوب
صح الحياه بلا خطا مستحيله=بس التفاهم بين الاحباب مطلوب
ان كان باقي للتفاهم وسيله=تعال واسكبلي من الودّ مشروب
لاتترك العدله وتختار ميله=دام الجفا مكروه والوصل مرغوب
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أسعد اللحظات بالعيد السعيد=إبتسامه تعلو وجيه العباد
شوفة الغالي تزيد العيد عيد=والصله فرضٍ مثل فرض الجهاد
أكتبوها وانشروها بالبريد=كمْ وكمْ شخصٍ من الحقّ استفاد
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مايرضي الناس غير اللي يناسبهم=واللي يناسب جميع الناس مايِلقى
واصحابنا اللي على منهج نصاحبهم=أبواب قطع الامل من يمّهم غلقى
كلّش والا النخولي واسلوبه المبهم=حتى بوقت الجلوس تشوفه مسلقى
هذا ومثله محال الطيب يقربهم=أبعد من محافظة جدّه عن الملقا
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسراب المجد للمجد اختصاص=مادخلبه من سراب المجد شيّ
لو رفعت يديك ماقلنا خلاص=لين نطوي صفحة الموضوع طيّ
تقتلون المجد رمياً بالرصاص=وان توفّى قلتوا اصلاً كان حي
ندري انه قبل تنفيذ القصاص=كان حيّ ومات والاسباب غي
الجهل والغطرسه كهرب وماص=والرضا والعلم للسارين ضي
واللئيم ان واجه البرهان حاص=وان طلبته شي مايسقيك مي
والكريم اليالقا هداج غاص=واصبح لربعه تقل مشروع ري
عقلك السوّاق والغايات باص=ان قنعت اقنع ولن عيّيت عي
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اشوف عنوان الغلا مكتوب بكتاب الغلا=فصل (المعاني) باب (نظرات العيون المغرمه)
أصل الغلا حبّ وحلا واحلا والذّ من الحلا=والابتسامه ياحلو معروف منك ومكرمه
أنا ليامنّي تخيّلتك يجي قـلبي بلا=أثر الهوى مجرم وسجّات الهواوي مجرمه !
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يمّك توجّهني بقايا مشاعر=من ماضيٍ عجزت لانسى بقاياه
خلّيتني كاتب وعاشق وشاعر=أكتب قصيد الحبّ والناس تقراه
ذوقك حلو يشبه حليب الاباعر=في طعمه ولونه وباقي مزاياه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عطني من الاخبار موجز صباحي=كيفك؟ عساك بخير؟ واحسن من اوّل
عجّل تراي من اوّل الصبح صاحي=شوقي فرَض عليّ حضر التجوّل !
راحة حبيبي مطلبي وارتياحي=شيٍٍّ حقيقي خلّ عنك التآوّل
من زود حبّي كنّ ماني بصاحي=لو غاب ساعه قلت وش فيه طوّل؟!
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليت الخميس يبلّغ السبت عنّا=قبل الاحد يصبح مع الوقت جمعه!
وش فايدة هاللخبطه ياوطنّا؟=لا مكسبٍ يرجى ولا زين سمعه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامروّج الحزن لوّ تروّج الفرحه=أصبحت تاجر كبير وزانت احوالك
من ضيَّق صدور كانت قبل منشرحه=لو كان عايش تراه بحسبة الهالك
لاتجرح اللي لازال يعذّبه جرحه=من هالزمان العجيب ومنك وامثالك
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الا ياطبيـب الشوق مايرضي المشتاق=سوى شيّ واحد وانت تدري وش المقصد
لياغاب منهو غيبته تحرق الاعماق=ماتلقا دواها عند من يكوي ويفصد
ندوّر وصال وللآسف نبتلى بفراق=ولاهي قضيّة من زَرَع يصبر ويحصد
قضيّة غرام وشوق مبني على ميثاق=صرفنا ذهب واثر العرب تاخذ وترصد
[/poem]