ألوان فضفاضَه

في سبيل اِنّي القاك! اعمل المُستحيل
ـــــــــــــــــ لَبّى لَفحة جديلِك, والعيون النِجِل

قلتها رغم ما لاحظت وقتٍ طويل
ــــــــــــ في صفاتك خَليط مْن الجَهَل/ والعقل:

بعض الاحيان جِدّ!: آشوف دمّك ثقيل
ــــــــــ وبعض الاحيان دمّك!: مثل ذَوب العسل

حروفي تَلَذّذ فيك، والشِعر فيك يْذوب
ــــــــــــــــــــ وهاذي حقيقه ثابته يابعد عيني:

مع الحُبّ! ينبت في حشاي اورده وقْلوب
ـــــــــــــــــــ سحابة مودّه تنهمر من شراييني

حبّك بدنياي! لا بعده, و لا قَبله
ـــــــــــــ وْ عنْك الأحاسيس للعذّال ما باحَت

جَتْك الشرايين مَشغوفَه, و مِنهَبلَه
ــــــــــــ وْ على كفوفك عروقي بالغلا طاحت

تاريخ بكره فعلاً يْحرّض على موعد غرام
ـــــــــ الاربعاْ يوم اِثنعش/ شهر اِثنعش/ عام اِثنعش

لو نلتقي و نْطَفّي الاشواق فينا! ياسلاااااام
ــــــــــــــ أنا انتعِش بِك, وانت مِنّي ياحبيبي تِنتعِش

أجواء المطر تجعلك تبتسم إبتسامه صادقه، دون أن يكون للمُجامله حضور

طاح المطر، والشِعر جاهز حرفه
ــــــــــــــ لعيون زخّات المطر!.. خَلّوها

أرخَى ثعوله مثل شَعْر التَرفه
ـــــــــــــــــ اللي تهَزَّع في زواج اخوها

سحابةٍ فــ الصبح فَكّت أزارير
ـــــــــــ عن صدرها.. تضحك بغِنج وْ تَغَلّي

تشبه لــ صدر احلىْ البنات الغنادير
ــــــــــــــــ من شافها! يقول: ياطيري اللي

إختلَط ريح المطر مع ريحة الكَمبودي
ــــــــــ خير من ربي.. وهاذا دِهن عود مْعتّق

إرحم قْلوب البدو يــَ اللي ركبت الأودي
ــــــــــ كل عِرقٍ جاك من جوف الصدر مِتْفَتِّق

الليله انتي تشبهين اِدبيّ في راس السنَه
ـــــــــــــــ حلوه, أنيقه, رائعه, عذبَه, غَنوجه, مُترفَه

تحدّثت عنهاْ القلوب, وْ ترجمتهاْ الألسنَه
ـــــــــــ وتعالَت الاَصوات.. كِلّ الليل رقص, وْ غطرفَه

الليل, وانته! على قلبي تآخيتو
ـــــــــــ احييتو الهَمّ جوف القلب و عْروقه

شدَيتو الحيل ضِدّي ما تراخيتو
ـــــــــــ يا كبرها في صدر واحد من الروقه
!!

ياهيه يــ اللي تستفزّ الخافق
ــــــــــ وشفيك من تالي علينا ثاقِل!!

العام! تسمع كلمتي وتْوافِق
ــــــــــــ واليوم! متكَبِّر, و مَنت بْعاقِل

الليل بردٍ هَبّلت بي هبوبه
ــــــ والمنتخب خايب, وفاشل, ومهزوم

وانته بعد صاير غيابك عقوبَه
ـــــــ وشلون ابات الليل, وآصافح النوم
؟!

لِأنّي عِند
هَقوَتْها!..
,

شَرَبْت الكيف مِن فِنجال
قَهوَتْها

إيه آتمنّاك, وارغب فيك, وآبيك
ـــــــــــــ مادام حبّك مع الخَفّاق نافِذ

لا تقفل الباب, و تْفكّ الشبابيك
ـــــــ لايمكن ارضَى سوى بابك منافِذ

المحبّه! بالتواصل, والتلاطف
ـــــــــــــــــ ما يجوز البُعد والهجران فيها

جاك قلبي ممتلي شوق, وْ عواطف
ـــــــــــ إدخلي صادق عروقه, و اِسكنيها

القلب! مِزْن وْ صادق النبض! هَتّان
ــــــــــــــــ على وصالك بالشرايين خَيَّل

ودّه يودّيني على بابك الآن
ـــــــــــ وآجيك واَستمتع بشوفك.. تَخيَّل
!!

أنتي في وصلك أنيقه
ــــ وقلبي بذوقك من جمالك! أسَرتيِه

والشِعر يَتعب فيِك, ويْجفّ ريقه

ــ حتى الصدر فـ البيت الاوَّل! كسرتيِه
: )

أنتي أنيقه/ رقيقه/ ناضجه/ أُنثى
ـــــــــ والذوق يا راقيه! مخلوق لعيونِك

فــ غيابك! عروق قلبي حالها يُرْثَى
ــــــــــــــــــــ تلَطّفي مع شرايينٍ يحبّونِك

كتب لها: صباح النور,

رَدَّت وكتَبَت: أنت النور..

ولأن شاشة جهازه كان عليها شيء من رماد سجائره! قرأها: أنت الثور ..

رَدّ عليها بعُنف وغضب..

المهم إنه الآن يندب حظه

كل عام وانتم بخير ومن يعز عليكم، وأسأل الله سبحانه أن يتقبّلنا ويتقبّل مِنّا جميعاً ويغفر لنا، ويرحم موتانا وموتى المسلمين، وأن يشفي مرضانا ومرضى المسلمين

حسابي في تويتر، واتشرف بالجميع

@altheabirazaq

عٓمٓار يا مرقاب