من متاهاتي الى ذاتي

-------------
-------------
لاذكــــرت الـبــحــر
ولاجـيــت الـصـحــاري
ولاجمعت الحلم بشموعي وناري
ومـا بقـي غـيـر الــوداع
هزته كفي بعـد خـان الـذراع
وياقريـبٍ مــن جـروحـي
مــــــا ابـــيــــك
ويابعـيـدٍ فــي خـفـوقـي
مـــحـــتـــريـــك
ويانهاري انزع من الونه مدينـه
بــــاهـــــتـــــه
تكسرالمجداف وتـذل الشـراع
وتنثراوجيه السوافي في طريقي
وفـي صديقـي وف\الضيـاع
جـيـت اسـولـف لـلأمـل
وانــقـــض ذيــبـــه
مادرى ان الأمانـي مستصيبـه
ويـــــا غــريــبــه
ويــن مانـاديـت جـيـتـي
مــــن زوايـاالـمـلــح
ومـــن وســـط بـيـتـي
ولــــودريــــتــــي
مــابــكـــيـــتـــي
ومــاعــنــيـــتـــي
واستـكـان الـجـرح فيـنـي
صـــدقـــيـــنـــي
كـل هـذا الـزيـف يــدري
انــك الكلـمـه الـوحـيـده
وســـــط صـــــدري
وان هــــذا الــكـــون
بــــــــــــــذره
تحـتـري وبــل الـسـمـا
وتـخــيــل قــطـــره
تسـقـي الصـمـت القتـيـل
وتجمع النـوار بيديـن الدخيـل
ولابــــــديـــــــل
ولاحـــصــــيــــل
وكل شيٍ في مدانـا مستحيـل
وشــبـــه فـــكـــره
وبـــخـــتـــصـــار
القـلـم بيـخـون سـطــره
ويعلـن لعـالـم وضـوحـي
عـــــزم كـــفـــره
بـــالـــقـــريــــب
وبــالــبـــعـــيـــد
وبــــالــــوريــــد
وبالقديم اللـي يحـاول يكسـر
الــذبـــح الـجــديــد
وصـــــدق طــهـــره
----------
----------
----------
اسندت ظهرالوجد بجدار ماضيه
ونام الغروب بعين شمسي غبينه
عزاه راح النور وهاذي بواقيـه
عصفورساكن بين ريح ومدينـه
هب الظلام واقبل الليـل قافيـه
ويالله دخيلك كيف ب\اقطع انينه
صبري كبر والضيق قيدخطاويه
ومن التعب والدهر ترجف يدينه
الله واكبـر ياليالـي خذلتـيـه
ليـه ياليالـي بالجفـا تخذلينـه
ياكم شب النار واركى مراكيـه
وخلا وراه الذابحـه والثمينـه
يعانق النجمـه ويصلاهقاويـه
ويهـد موالـه علـى منكرينـه
مايسبقه للعلـم شفـه وحاديـه
ومابينهـا تلقـاه شايـل سنينـه
وليا انتصف ليله وزانت معانيه
ضوى قمر حلمه يسامر حنينـه
ينسج من الديجور احلى اغانيه
ويصبح يغنُيها بسمحـه ولينـه
واليوم صبري استند جدرماضيه
والعالم الله كيف ب\اقطع انينـه

[poem=font="Simplified Arabic,3,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خذني من عيون السهرودي انساه=اتعب عيوني بدموع وقهرني
[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شفني بقايا صوت ماضيع غناه=لاشافني مكسوربسمك نهرني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بغيت انبت البذره وضعت بتالي المشوار=ثمرها خالف اضنوني عسى الله يخلف اضنونه
[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]
انااحسب ان الصدق عندك معانيه=واثرالعوى غطا عليّه د بيبك
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياابن عمي مشرقي رحت يمه=دربي ادله واعرفه زين وامشيه
ماهمني طعن القفا والمنمّه=وراعي الخطا معقول باللي يسويه
وقرشٍ يضر الحال والله مالمه=اسوق مالي دون حالي وجافيه
والفازع اللي جاك ماكف كمه=شايف وينشد ماتسرك مباديه
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحازم الوقت غربلني وعناني= وايامي البيض راحت سود في عيني
كل مارجيته تنكرلي وخلاني=واقف لحالي وهمي مايخليني
اسج ماكني الا ضاويٍ عاني =على بيوت الحزن والهم ضاويني
اليوم روّح وبكره يومي الثاني=راحت سنين ولحقها باقي سنيني
[/poem]

جذري سقى غصني عطش واحرمه ماه

ولولا المطر ماعاش غصن وذبحنـي

ياجذري المـزروع وسطـي ولا ارواه

ياكثر ساعات العطـش حـول وهنـي

الظـل ظلـي والعصافـيـر تنـسـاه

ماتـدري ان اسكونهـا فـوق متنـي

وحقد الخريف يمرني واوصل اقصـاه

وان طاحت الاوراق ماطـاح جفنـي

اكسر شمـوخ الريـح وابـذر بهـا اه

وتنبت قصايد لوعتـي وسـط حزنـي

والليل يقبل بي شقا واحسـب اخطـاه

واعدهـا للصبـح واقـول عطـنـي

انـا وريـث النـور مكفـول بـرداه

اليـا قسـى قلـب الليالـي جمعنـي

بينـي وبينـه عهـد مكتـوب مبـداه

على جبيـن الوجـد مهمـا غدرنـي

لانـي مصـدق كذبـة ٍ فـي نوايـاه

ولانـي مـكـذب ونــةٍ لازمتـنـي

مالـي سـوى حلـمٍ اغنيـه وانخـاه

وزوادةٍ عـن فضـل غيـري كفتنـي

ما دامه الترحـال فـي جـدب معنـاه

سطوة مدى وشمـوس نـادت بفتنـي

والله لسافر واطـوي الضيـم وحـداه

على اعتـرافٍ يشهـد انـه جحدنـي

درب الاماني خطوتـي ليـه اخشـاه

بمـد كفـي يـا سحابـي وخـذنـي

وامطر على جذرٍ بوسطـي ولا ارواه

وان مارضي يكفيك تحميـد غصنـي

أستانس الليل مع وجـدي وتلحينـي
وذابت نجومه من ادناهاالى اقصاهـا
سرّيتهامن سمـا طيـري ومافينـي
عيني على شمعتـي مفتـون بدفاهـا
في نورها رغبـة الأحـلام تنوينـي
تجتاح صمت العروق وتغري اغواها
اشوفها في حروفـي مثـل تكوينـي
مسكونةٍ من نواها ترخـي اضفاهـا
في بردها داعي السجات يضوينـي
يزفرجليـدٍ تمكـن فـي حنايـاهـا
قصيدتي في رضاها تنطفـي عينـي
اهيمها واكسرالحانـي علـى ماهـا
اشفها مـن سحابـه ليـن تغوينـي
واغـرد الـروح مستدنـي خفايهـا
جفافـهـا لوغـزاهـا مايطفّيـنـي
الوذبـه فـي مشاعرهـا ومعناهـا
ياحادي الحن في اقصـى شرايينـي
نبض القصيده توحّـه ليـن ترواهـا
وشوف الصحاري تمادت في بساتيني
اكفّّهـا بالنهاروتـرسـل اشقـاهـا

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تزيني لليل والصبح خليه=تبكي نجومه بين حلمك وبينه
اعطيه وردك واشرقي بين اياديه=ولايشغلك نور السما في جبينه
شوفي الحمام يهيم ويرده التيه=رفرف ضياع الكون في نبع عينه
قطفك نسي يلقاه وصوتك يناديه=وشلون صوتك فى المدى تنكرينه
وصل لقاع الشوق ولوح بامانيه=ومن وسط صدرك طار باقي حنينه
جمرك دواه البرد والشمع غاويه=هاذي بقاياالصمت ذابت بيدينه
ياعذبة الألون طيفك خسرتيه=قبل انكسار النور وسط المدينه
يبعثرك كف الضحى في معانيه=ويفيض كاس ٍ من عمى تشربينه
عنده بداية سكرتك لارويتيه=وليا ثملتي كذب لاتذكرينه
توهي شرود وسلهمي في اغانيه=ساعات نبض الوهم دايم حزينه
ياعذبة الأنفاس حدك وصلتيه=بينك وبين الجرح ونه دفينه
تجمعت في صدرحرفٍ محيتيه=واليوم نفسك للهوى تكتبينه
تعلمي ياوردة الليل والتيه=ولايشغلك نور السما في جبينه
[/poem]
[/poem]

ودي احلـق ياسمـا ويـن مـبـداك
جيتك مـن اطرافـي ادور سحابـه
جيتك ادور للفجـر يمكـن اعطـاك
من نور صبحي او نسي بـي ثيابـه
أبكتسـي مجبـور وعينـي تمنـاك
راوي جـروح وممطرتنـي كتابـه
في دفتري وجه الصخر يشبه الـراك
وفيه المطر والشمس اهـل وقرابـه
وفيه الحمام موالف البحـر وهنـاك
غنى بأسمـي ليـن ضـوّا سرابـه
انا الخيال اللي نمـا بيـن الاشـواك
وانا الحقيقـه غايـره فـي غرابـه
اضحك على دقن المشاريه وانسـاك
ياجرحـي اللـي مادفنـي عـذابـه
كـم ليلـةٍ غنيـت موتـي وغنـاك
وكم ليلـةٍ غرغـرة حرفـي ذرابـه
هاوي مدى ياحلم واتعب ورى رضاك
أولك عنـدي وأخـرك مـن درابـه
سؤالي المطـروح للكـذب يخشـاك
منكـر جوابـي وماعنانـي جوابـه

علمني
كيف يسقط الليل من الأوراق ويشجيني
هل رأيت هناك خلف النجم.
يتلون الجرح المقامربقلب ايوب وصوت طائر
جف الرحيل ارجوك علمني
متى يؤد السيف ومتى يقطر الخريف ويفيض السهر
انا واه من انا
جمعت في كفي رحيق لايفيق وشمس اتعبهاالنهار فسقطت في عقيق
وانت واه من انت
تحاول بعث روح بلامدد والليل بلاعمد وكفك اعظم من وشاح



تعال اكفيك الورق
وتعال انبيك الأرق والليل اذا شرق
تعال خذني لا اليك فأني هنا بين الوجود وراحتيك وبين السواري
انظر الى البحر والسفينه وانظرالى الفجروالمدينه
ماذا هناك اوماذا دهاك
لغتي تغب العمق وتسئل ماذا وراك

بين لحظه ولحظه
اشهق الليل وانزف الشمس يقظه
اتمادى في الوجود
كي لااعود فاقتل العطرولكي احيي الورود
سدود في سدود
ووجيه اشبهها بالبارود مبعوث من الأخدود
يانار كوني برد ولحود
كوني وضوء الشمس والعنقود
خطي يدي في السماء برق
وفي الأرض هودج لعذرى
ارهقها الحلم فستسلمت للوعود
بين لحظه ولحظه
ينتابني شيء من رساله
واصابع قواله وحبر من فتات
يقتات وماادراك مايقتات
لن اقول الشمع ولن اقول الحثاله
احتار واعلم
واموت واسلم
وانتفض في مقاله
بين لحظه ولحظه
اعاقر النور
واطارح البلور
واشهق الامي

جيت ابكتب للجروح ومات حبري
مات حبري بالجروح وبالنهايـه
ياجروحي لبسيني ثوب صبـري
لبسينـي ثـوب مايبـلاورايـه
اية الله من كتابـه نورصـدري
نورصـدري ايـة الله للهدايــه

ياطارد المكسور ماهو معديـك
اماجبربـك سـاق ولاقطعـهـا
وان كان راسك فوق ربك معليك
ابشـر بنارٍمايـهـون ولعـهـا

احتاج لك ياشروقي يادفـى عينـي
يابرق غيمي وعطـري وانتباهاتـي
ان قلت ناسـي تكذبنـي عناوينـي
وان قلـت ذاكرتعاندنـي مسافاتـي
في هاجسي كل عبراتـي تنادينـي
وفي خاطري سجتي نامت بأهاتـي
حلم الأماني تبـدل والهـوى فينـي
مجروح.مشتـاق وتهـزه متاهاتـي
مع كل شمسٍ اغني ويـن تلحينـي
ومع كل نسمة مسا اشهق بعبراتـي
مامات قلبـي ولاحنـت شرايينـي
وماعاد يرضي غروري غير سجاتي
اخاف لاينكسر صوتـي ويكوينـي
واخاف صوتك يموت بكذب راحاتي
انانهارٍتـبـرى مــن بساتيـنـي
وانا غروبٍ بشمسه ترحل اوقاتـي
الليل ساكن هدب عينـي ويدمينـي
مايل على دفتري وحروف كلماتـي
ولوما القلم ينهراجروحي ويدفينـي
كان القصايد تلاشت من مساحاتـي

اسق الورق من السهر لين ترويـه
واحلف عليـه بنسمتـك يرتويهـا
غطه بروحك لين تزهـر معانيـه
وكيد الجفـاف بنبـع منهارضيهـا
لومالحبرسـاري يلامـس قوافيـه
ماغردالعصفـورشـوق اليديـهـا
انهل من الذكـرى شـروقٍ تغنيـه
بله ندى والشمس رفـرف عليهـا
مع كل زفـرة اه صوتـك تلاقيـه
صدرحنون وروح قمـرى تبيهـا
ياهاوي الأحلام فـي حلـم ناويـه
ازرع ربيعك همس مـن مقلتيهـا
زرها بلهفة حرف عطره يغاويـه
وخله يهيـم بفوحتـه فـي يديهـا
يكفيك نظرة صمت من رمش هاويه
ويكفيك لحظة شعرفـي راحتيهـا

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
موجوع تنزف دمعتك حلم وشجون=لاغرتك نفسك ولاغبت عنها
بينك وبين الملح ضحكه ومفتون=تبدي بها لليل وتخفي وهنها
مع كل خطوه ينبت القيد ماهون=وتبقى المسافه ذنب والذنب منها
مع شمسها ومع ضلها نفسك تكون=صديق ذاتك ماتخالف سننها
شريعة الغابه لها الف قانون=مع كل نسمة نور تنفث عفنها
خوانها قافيك وازريت لاتخون=نفس العزيزبداخلك ميقن ثمنها
مرات مع عقلك ومرات مجنون=تضحك على الأيام واحقر فتنها
مالك حقيقه غيرصابر ومحزون=ويكذبك ريح ٍحكمها ذعنها
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على صدرالدجى بكتب حروفك والصدى منثور=شتاتٍ ماعرف لون المكان ولون تلحيني
هنا.وافهم وشوف النور يلعثم سطوة الديجور=يبيح الحرف بالفكره على صوتي وتكويني
فتني هالنوى ذكرى تمنيني وتصبح بور=اضمه بندى لكن على ماشفت ناويني
احس وكن في حلمه بقاياهمس من عصفور=ولاادري يشابه بحرولا يغرق ايديني
الي خاطر يراودني ارد الملح للمكسور=متى مدري واظنه ماعرف معناه في عيني
طويل الليل لاتنسى هجوسي لودنا معذور=اله معنى موردني وله معنى مبكيني
نويت ومانويت الاالم الما لصفحة نور=ولقيت الشمس تجمعني ومن اقصاهاتجافيني
فدى مادام سجاتي تضويني ورى الممطور=وترد الطيرلايهجر غصونه في بساتيني
[/poem]

من يقين النزف في جرح المعانـي

بكتبـك ياغربتـي ليـن الثمـالـه

وان عصاني صمت عريّت الأغاني

وثوبها المجـروح بكسيهـا بدالـه

كاسي المخنـوق ماعـد الثوانـي

طاولتني سكرته وادنـت سؤالـه

ماكتبتـه بلجـواب ومـا سقانـي

مرتوي به والظما ساكـن خيالـه

نظرتي والكون مسكـون وانانـي

بينهم سـار الوفـا مثـل النذالـه

هقوتي رحّالهـا عـف وعصانـي

ابتديتـه وانتهـى قبـل الجمالـه

كل همسة وجد تحظنها المحانـي

تنقتـل بيديـن تنهيـدي وفـالـه

ليه اغني واطرب الخافي واعانـي

وليه امل الموت ولحوني سهالـه

كل مدري غفلتي تاطـى جنانـي

وكل مبكي دمعتي تنهـى الجهالـه

مالـي الا راس قافـي والمعانـي

بكتبه مـن غربتـي ليـن الثمالـه

يوم اشوفك تشهر احروفي وبوحـي

وانكسر فـي هامتـي حلـم وخيانـه
تجتمع بي لحظتـي وتهيـم روحـي
بين شرقي والغروب وصـوت دانـه
طاهر احساسي مسافرفـي جروحـي
لاجمعنـي فيـك ولاخـلا مكـانـه
ودي اشكي لين يرفضني وضوحـي
ونفسي احلم ليـن تكرهنـي المهانـه
لي طموح واه من قسـوة طموحـي
النهايـه فـي طريـقـه وامتحـانـه
خايف اصغر في عيون غصون دوحي
وخايف اعطي للجفـاف اول زمانـه
صدقينـي ضحكتـي تشبـه لنوحـي
اقترفهـا ذنـب مطلـق لـه عنانـه
انتي ادرى ماخذلنـي غيـر فوحـي
بالمشاعروالعـواطـف والأمـانــه

ان طرحك الليل ينجيك الشـروق
وان حداك الغدر لاتطري العتاب
لـوّن الأهـات بالـوان البـروق
للمطر والرعد يكفيـك السحـاب
دام قبرك في سما وافي صـدوق
امطر انغامك ولاتخشى التـراب
حاول اتخون المحاجر والعقـوق
من عيون المحبره شمس وغياب
احتريت العمرواقصتـك الفـروق
بين نفس الحروجروح الصـواب
نامت الدنياعلـى جفنـك شقـوق
وجدبها الملعون في رمشك كتـاب
ليت عينك ماتمنت بـك عـذوق
وليت خدك ماعرف معنى الضباب
ياوحيـد الحلـم ياليتـك تفـوق
من كرم نفسك ومن مر الشـراب
ارتويت من التعب سـم الخفـوق
لين سار النور في عينك سـراب
هـون الونـه وداعبهـا بشـوق
علّها تنبت بضحكه ف اغتـراب