ღ♥乂♥ღ لـ مرزوق الروقي .. ღ♥乂♥ღ

.,

أصحي ..
قبل لآياخذك درب الأوهام /
وليا خذك درب الوهم من يردك ؟

ما هو عشانك تعرفيني من العام /
أصير لك .. والا افكر : أوّدك

حطيت لك حداً ورا حده الغام .,

أبقي عليه ..
ولا تعدين حدّك ..!

إبداع يفوق الخيال ,

مرزوق الروقي

أسمح لي بالجلوس هنا ...

'،
ليال الماضي
شرفت بوجودك وبـ حروفك ..
اهلاً بك وبـ مرورك العاطر ..
يسسلمو ياذوق ،'

،*

،'

ضايع وابي منك الهدى يا ام نعّاس /
.. نواعسك لا سلهمت .. وش تبي بي ؟
اسج في دنياي .. وادله مع الناس /
.. وآشوفها .. و آبحر بها .. وتغدي بي

.'

,
[poem=font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يا طيفها .. بصارحك عن خفاياي = وآرجوك لامن جيتها لاتعّلم
وعدتها ما احزن على عمري الجاي = و كذبت .. لكن مابغيت اتكّلم
جاها النصيب اللي بلاني بدنياي = وجتني قبل ترحل وكوني مظّلم
قالت آمانه لاتعذبك فرقاي = قلت الله الله .. مستحيل آتألّم
وأقفت و قلبي كنه يغادر أحشاي = وآنا ابتسم والويل فيّ متولّم
سيف الهوى اللي كنت اشيله بيمناي = مازلت اشيله بس صار متثّلم
وحيد قلب / ودوم يسهرني بكاي = واليا غفيت / بسلهمتها آآتحّلم[/poem]

,

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خلاص .. ماعدت الاول / لاتعّود علي = اليوم فاتت عليك وقيل ( مافات مات )
من بعد كانت يدينك في حضانة يدي = في سكة الخوف / سلمتك يدين الشتات
و ثلاث حاجات مني : معك مادمت حي = ( منادم الهم ) و( الدمعات ) و( الذكريات )[/poem]


,’

,

[poem=font="Monotype Koufi,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا معلّقه بين الصدر والمعاليق = شوفي بـ ( بيداء ) خافقي كبر قسـّمك

عجزو عن مزاحم غلاك المخاليق = مافيه في قلبي شبر مابه إسمك

لآ أصبحت : تصبيحة فمك فكت الريق = و إليا غفيت آخر فضا العين : رسمك

وأن ضاق عُمر .. ( يضيق ويزين ويضيق ) = أحلى عُمر / ( كنه تفاصيل جسمك ) [/poem]

+ +

،
آشتاق لك .. ما طّل صبح و دنا ليل /
والشوق .. ولّع في فؤادي و طفّا '

آهتم بك .. وأتبع أدّق التفاصيل /
منك انت .. ما ابغى شي عنّي يخفّا '

شف غير ( آحبك ) كلمةً تنقل القيل /
قصّر معاك إحساس / كفى و وفى '

لا قلت وش يرعبك قلت : المقابيل /
خايف توفى من قبل لا آتوفى'

..

،
ارتاع قلب .. و تسرمد ليل .. وابطى نهار /
وازداد ضيق .. وتهامل دمع .. واحرق وله

حبيت ابيّن علوم البارحه بإختصار /
واليا بغيت اصـَدقْك :
والليله المقبله ..!

'
بسَمتك غيمه والعمر موطن جفاف /
هّلي بها محتاج لاحساس الربيع

و حنانك الجذاب.. نهر بلا ضفاف/
تكفين عديني معك طفل ً رضيع

اضيع وامشي معك دربً مايشاف/
ما دامني وياك .. خليني أضيع

احبك اكبر حب يا رمز العفاف/
واعشقك عشقً يوسع الكون الوسيع

وان مر غيرك ماعلى حبك خلاف /
دامه كثر مايرمش العالم جميع




آح ـــبك
*

يا حُسيـن




ألح علي احد الاصدقاء واسمه حسين وهو من مدينة سيهات التابعه للقطيف بزيارته وهو لحيةً غانمه رغم انه شيعي ويعرف وجهة نظري في مذهبهم
الوكاد قابلت ربعه وجماعته و وسعت صدري عندهم .. المهم يوم سريت من عندهم وتطري علي هالبويتات وادزها ع جواله



:
يا حَسين قّل لربُوعك اللَي بسيهات /
تعَالو .. لكلمة عقل واقعيــه
اليا مْتى وقلٌوبنا معكم اشَتات /
ودِي نعيش ايامنا بحسنْ نيه
الحق يُتبع .. في جميَع الثقافات /
وانتم عرفتو دين خيَر البريْه
مِن مكه اعلن للجهاله نهايات /
و ارسى دعايم دين مافيه زيه
كلامه بهرج ( العرب ) له دلالات /
تفطن لها حتى العقول الغَبيه
مادام دينك واضح بلا ضلالات /
وراك تتبع دولةً *(فارسيه ) ..؟
اهل العمَايم اجهل اهل الجهالات /
كلامٌهم يكشف مدى الجاهِليه
مرر لعقلك مايمّرك من اصوات /
وانت إتعَرف .. وشلون صرتو ضحيه ..!!*

,
[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اليوم جّد الجِّد .. والخافي ظهر وجهه وبان = انا الصراحه كنت في ماضي هوانا خادعِك
أضحك بوجهك / وأغدق لقلبك من شعور الحنان = ويبدا بكاي وحزني القتال وقت ( موادعِك )[/poem]

،

حسيت بالتقصير .. يا بهجة الروح /
وانا اعترف لك قبل ما اسمع لبوحك ،

مسهـرك همّ ومتعبك قلب مجروح /
وعساني افنى قبل ازّود جروحك ،

سهرتني وياك ..والسر مفضوح /
الدمع دمعي لكن النوح نوحك ،

والله معاد ازعلك لا قلت مسموح /
واقرب تراني ميتً من نزوحك ،

( فاصل *يستعصي على الشعر .. لحظة عناق لاتموت ذكراها ولا يزول من الروح صداها )


و بعد صمت :

رح نام .. اشوف الصبح قد بان له ضوح /
وهذي قبل ماتنام : بوسه لروحك ،

،

قلبً تعّلق في محّبتك يفداك /
ليتك دريت بحالته لا انشغل بك '

لاغبت يصبح حلم دنياه / يلقاك /
و لاجيت يصبح كل دنياه ( قلبك ) ،

:



ليل الشتا .. مّر وتعّدى ما استثارك بأي شي /
ماقلت لك : دامي معك لاتحسبي لـ برد الشتا

كونت لك عالم دفا من صدري لـ ضمة يّدي /
والحين قولي : من يقول البرد جانا .. ومن متى؟

،


اشتقت لك .. لو وجه لقياك بيّن /
واشتاق لك في داخل الصدر ( موطنك ) ،

و اليا خلا مْنك .. وطَنَك ويش ازيّن ؟ /
ما اتخّيل اعيش العمر دون ما آحضنك ،

لأطلالتك في كل صبح آتعّين /
يانبض قلبي ..جعلني ما خلا منك ..

،
اجدل من الليل لين الصبح بيّن ضياه ::
والصبح نوره يشع وذعذعاته شذا

بين اللذايذ و وسط اطياب ما فالحياه ::
القى ونس وابتهاج و قطع جوع و غذا

كذا .. اعيش الزمان اللي ما يوصف حلاه ::
تدرين كيف افقده ..؟
( صّدي بوجهك كذا ) ..!

,

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لو غبت .. لايحزنك بعــدي وفرقــاي = هذي الحياه .. و ( تالي الوصل فــرقـــأأأأأ ) ..![/poem]

:
:
:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سجلوني ( غيآب ) و دورو لي عذر = مير تكفون .. كفّـوني / بعذر ً سميــن
يمكن آغيب " يوم " ويمكن آخذ "شهر " = ويمكن آغيب "عام " ويمكن آخذ " سنيــن "[/poem]

!

مرزوق الروقي


اطربتني اطربتني

اسمح لي ان اكون ضييييييييف ثقيل على هالموضوع

ومبلط 24 ساااااااااااعه

^
يا مرحبا يا سلطان ..
الله يحييك ولا تقول ضيف ثقيل .. الا والله ضيف خفيف و تشرفني بمرورك
حياك ربي يالذيب

,

قلـ,ـبك زعــ,ـول !

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

من زخرف القول .. مابقيت شيً يقال = والحين لاجيت اقول .. بذمّتك ويش اقول

اهلكت فيك الكلام اللي حروفه جزال = و اسبغت فيك الشعور اللي يفر العقول

و فتقت لك في حنايا الروح وجهة خيال = واسقيتها من حناني لين صارت حقول

وافنيت عمري وراك .. ودرب رجواك طال = ما غير ادور رضا قلبك .. وقلبك زعول

والعمر قام يتقادم ماتجدد وصال = وانا امّد الرجا وارقب لطيفك وصول

ياسعد عيني ليا عانقت ذاك القبال = اللي خذا من حسان الكون كل القبول

لاجيت تمشي غنج وتميل ميل الدلال = وتسلهم بناظراً ناعس ورمشً كسول

ويبين لي وجهك البدري فريد الجمال = اللي على جذب خفاقي يقول ويطول

وآرد واصدر وينعشني حلاك الزلال = عذوبته مايغيرها اقتلاب الفصول

استدرجك بالحكي واطاولك بالجدال = مشهاة سمعي كلامً من شفاك إمعسول

طاولت بك فالغرام آخر دروب الكمال = واكملت بك ناقص الافراح في كل حول

ايام حبك ثمر عمراً قفاه الزوال = من هام فيك وعجز ينساك جب له حلول

و ان كانك اقفيت مالقيت للوصل بال = الله يسمح دروبك .. وش تبيني اقول؟
[/poem]