نتائج مسابقة [ أسرع قصيدة ] وأشياء أخرى :-

بسم الله الرحمن الرحيم

[ أشياء أخرى ]


1- بداءت المسابقه في الساعه 11.11 واستطاع ناصر المرشدي بكتابة القصيده في ظرف 20 دقيقه تقريباً تليه في المركز الثاني الغريبة شوق بافرق دقيقه يليها فيصل دويحان بفارق دقيقتين
يليه محمد مشوط ومن ثم عبدالله السعير ومن ثم غالب الشريف
2- فيصل دويحان أحتج على الغريبة شوق ولكن الغريبه شوق سرعان ما بررت حجزها على انه
لم يكن مقصوداً ابداً انما كان بخطاء غير مقصود
3- غالب وعبدالله السعير يحتجون على الابيات ويقولون انها تتكلم عن المجتمع بينما البيت الثاني كان موضوح فيه القضيه الاجتماعيه
4- التفاعل كان واضحاً منذو بداية انطلاق المرحله الاولى
5- في المرحله الثانيه فيصل دويحان أحتج على عدم فتح متصفح جديد لها وأنه لم ينتبه لسؤال المرحله الثانيه ومع ذالك كان متئلق في هذه المرحله
6- الغريبة شوق لم تشارك في المرحله الثانيه ومن حقها لان الابيات كانت غزليه
7- حضر متأخراً كلاً من ناصر آل صامل وعبدالله بن قنيص ونوض
8- سلطان بن بتلاء كان من اول الحضور ولكنه قرر الانسحاب قبل بداية انطلاق المسابقه لظروف غامضه











أترككم مع السابقه :-




[ القصائد بالترتيب ] :-


الاولى :-

( ناصر المرشدي )


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمـع تفككـه مالـه اسبـاب=ماهـو بمثـل اوضاعـه الاولـيـه
الجار جنب الجار والبـاب بالبـاب=ولامنهـم اللـي يبتـدي بالتحيـه
وقتن تعيش به العرب مثل الاغراب=حتى الخوي ماعاد يعـرف خويـه
مدري بلاهـم كـل حاقـد وكـذاب=تسمعـوا راع العـلـوم الـرديـه
والا لهم عن وازع الديـن مجنـاب=وقالوا تجـازى كـل سيـه بسيـه
كلن يحسب احساب وحساب وحساب=والمصلحه قبـل الفخـر والحميـه
يالله يامنـزل تبـارك والاحــزاب=ياعلـمـن بالبيـنـه والخـفـيـه
انك تزيل الحقد ممن بين الاقـراب=وانك تزيل اهـل النفـوس الدنيـة [/POEM]



الثانيه :-

( الغريبة شوق )


[POEM="font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمع تفككه ماله اسبـاب=ماهو بمثل اوضاعه الاوليـه
الجار جنب الجار والباب بالباب=ولامنهم اللي يبتـدي بالتحيـه
وقتن تشقلب يا محمد تشقلاب=حتى الخوي ما عاد ينفع خويه
وما عاد والله تعرف البنت والشاب=كلن لبس ملبوس الاخر وزيه
وبعض البني ما تلبس غطاة وحجاب=تقول هذي موضتن عالميه
والبعض منهم ناسين بر الاقراب=يالله لا تحرمني رضا والديه
وقتن تغير كشر بزرق الانياب=الله يكافينا العلوم الرديه
وان كان تبغون الحقيقه فالاسباب=الابتعاد عن الشريعه السويه[/POEM]



الثالثه :-

( فيصل دويحان )


[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمع تفككه مالـه اسبـاب=ماهو بمثل اوضاعـه الاوليـه
الجار جنب الجار والباب بالباب=ولامنهم اللي يبتـدي بالتحيـه
ماعاد تلقى فالزمن ربع واحباب=ولاعاد تلقـى ثاير(ن)بالحميّـه
ياناس عمر الآدمي حفنة تراب=ماله خلف لو مالقـى مقدريّـه
ماكننا الا اجناب ايوالله اجنـاب=حتى الخوي ماعاد يعرف خويّه
ماعاد ينفعنا قريبيـن وانسـاب=لو ان بالمعروف فيـه اولويّـه
الصدق تالي الوقت ياناس كذاب=والكره وااجد والمحبّـه شويـه
اقولها وانا اعرف الكل مرتاب=ربك رحيم وقـدرة الله قويّـه [/POEM]



الرابعه :-

( محمد مشوط )

[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمع تفككه ماله اسبـاب=ماهو بمثل اوضاعه الاوليـه
الجار جنب الجار والباب بالباب=ولامنهم اللي يبتـدي بالتحيـه
حالة غريبه ماعرفنا لها أطباب=يالله دخيلك من حياةٍ شقيه
مشاغلٍ مدري تصانيف وأعصاب=تأخذ زمام العذر والناس حيه
ماعاد تنفع شرهة الشيخ للشاب=وإن قال واسرف ، والبنادم ضحيه
كلٍ بحاله ماله بموقع اعراب=فضّل يكون المنفصل عن خويه
ماهمه إلا كيف للمال جلاب=وإن عاش جاره بالفقر والرزيه
والدين يرحمنا الولي رب الأرباب=ماظنتي عشنا بعيشه هنيه[/POEM]




الخامسه :-

( عبدالله بن غازي السعير )

[POEM="font="Simplified Arabic,5,tomato,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمع تفككه مالـه اسبـاب=ماهو بمثل اوضاعـه الاوليـه
الجار جنب الجار والباب بالباب=ولامنهم اللي يبتـدي بالتحيـه
ماعاد تلقاحق والحق لآغاب= يضيع مضمون العسل فالخليه
لآصارت الخيمه عمودين واطناب=تنعاف فيها ريحة الشاذليه
وكل السبب شركة مصافي وينساب= امن الحفر ضرة شعوب الحويه
والمجرم اللي تاب وش عاد لوتاب= ضحى بعيد الفطر قبل الضحيه
واللقمه اللي توجع الضرس والناب= تبرد وكسرنا شداد المطيه
صليت لي ركعه وزليت محراب= والسوق ما يخلى من السمسريه[/POEM]




السادسه :-

( غالب الشريف )


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المجتمع تفككه ماله اسبـاب=ماهو بمثل اوضاعه الاوليـه
الجار جنب الجار والباب بالباب=ولامنهم اللي يبتـدي بالتحيـه
شفنا التحيّز و التكتل والاحزاب=والتفرقه و النعره الجاهليّــه
عوّد علينا وقت ابو زيد و ذياب=والرمي فوق وتحت راس المطيه
يمرك الخبل يتختخت للأنشاب=تلاقط عيونه و تدرج رحيّـــه
وتصير بين الفك والضرس والناب=شكلك بخير و علتك داخليّــه
جانا الجهل واهل التفاخر بالانسااب=اللي يزيدون الحميّه حميّــه
يالله يا منزل تبارك و الاحزااب=تستر على ربعي و تستر عليّه[/POEM]






المرحله الثانيه :-

الاولى :-

( ناصر المرشدي )


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جت تثنّـا كلهـا حسـن ودلال=وقمـت اطالعهـا ولاحاكيتهـا
اثر هذا الحب والسحر الحـلال=ماوعيـت الا عقـب حبيتهـا
التحدث يابري حالـي محـال=ليـت فيهـا العيـن مالديتهـا
هيبتن منها يهابـون الرجـال=ربعها فالكـون ذايـع صيتهـا
من جدود ومن عمام ومن خوال=يارجال العشق يخـرب بيتهـا
عودها ميال مع نفح الشمـال=نعنبوهـا كيتهـا مـن كيتهـا
هي غزالن مايشبه لـه غـزال=ياوجـودي بعـد مارعيتـهـا
والنهايـه لاجـواب ولاسـوال=روحـت عنـي ولا حاكيتـهـا [/POEM]




الثانيه :-

( عبدالله السعير )

ويلاحظ عليه الاستعال واللخبطه في الوزن

[POEM="font="Simplified Arabic,5,coral,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جت تثنّـا كلهـا حسـن ودلال=وقمـت اطالعهـا ولاحاكيتهـا
اثر هذا الحب والسحر الحـلال=ماوعيـت الا عقـب حبيتهـا
الأوله راحت وطال الليل طال=والثانيه عذري وانا غنيتها
ابا اوصف العنقا ولله الكمال=اللي على ريم الضبا سميتها
العين عين الحر في روس الجبال=والخشم سلت سيف لآسليتها
مربوعةٍ تحسب من قصار الطوال=ياليتها طول الزمن ياليتها
عندي ونمشي فالجنوب وفالشمال=وارتاح فالطرقه ليا سريتها
لو قلت لي سلطان قال اقول قال=شفة عسل واقول يخرب بيتها[/POEM]




الثالثه :-

( محمد مشوط )

[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جت تثنّا كلها حسـن ودلال=وقمت اطالعها ولاحاكيتهـا
اثر هذا الحب والسحر الحلال=ماوعيت الا عقـب حبيتهـا
الله إنه لا يعاقب ذا الجمال=يوم يبلا ناس راحت بيتها
يعترض للخلق بأطراف الشمال=شيب عيني ليتها لي ليتها
كان ماضعنا وضيعنا العيال=وبنت شيخٍ ذايعٍ به صيتها
فاقت اوصوف المعارف للخيال=لابدت في ليل كثروا ميتها
قمت اغازلها وأقلل بالمقال=لين جتني بالغلا ثم جيتها
يالله إنك لا ترد لي سؤال=تحفظ اللي بالهوى راعيتها[/POEM]



الرابعه :-

( فيصل بن دويحان )

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جت تثنّا كلهـا حسـن ودلال=وقمـت اطالعهـا ولاحاكيتهـا
اثر هذا الحب والسحر الحـلال=ماوعيـت الا عقـب حبيتهـا
نظرتك فتنه وتسبيلـك خيـال=لو عيونك منهجـي صمّيتهـا
في عيونك ظبي وفمشيك غزال=والمحازه ما بقـى الا صيتهـا
تشبهين البدر في وقت الكمـال=ليلة الخامـس عشـر توقيتهـا
سامعه بذني وهو يفتح مجـال=ليتهـا تمسـك مكانـي ليتهـا
اعشقك وأهواك لحدود الثمـال=والمحبه قـد سـرى عفريتهـا
يا عذولي خلّها مالـك ومـال=بيتهـا بيتـي وبيتـي بيتـهـا [/POEM]



الخامسه :

( غالب الشريف )


[POEM="font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جت تثنّا كلها حســن ودلال=وقمت اطالعها ولاحــاكيتهـا
اثر هذا الحب والسحر الحـلال=ماوعيت الا عقـــب حبيتهـا
كل ما عاينت في ذاك القبــال=قلت وش ذالزين .! يخرب بيتها
ما لعب في حسبة قلوب الرجال=غير سمعتها وشــهرة صيتها
كايده و تكيد ربات الـجمال =تختلف و تزين كل ما جــيتها
مستواها فوق فوق وعال عال=لو بأعطى ويش .! ما خليـتها
وجد حالي كل ما قالت تعـال=و شيب عيني كل ما لديتها
ضحكه ونظره ورمش له ظلال=يعني ما انلام لا حـــبيتها[/POEM]






الف مبروك لناصر المرشدي
والجميع فائز هنا والقصد من المسابقه هو تنشيط الموهبه الشعريه


والى لقاء آخر بإذن الله ،،







..

هههههههههههههههه
وانا الاخير في المرحلتين كلهن
مفروض المشرف العام تحطونه اقل شيء قبل الاخير حفظا" لهيبة الحكومه


مبرررررررروك يا ناصر
عزالله ما شاء الله تبارك الرحمن
بحر بحر بحر ما تنلحق ربنا و ربك الله

كان لي الشرف فالمشاركه حتى لو اني الاخير
و اشكر اخواني كلهم

صراحه ليلة ولا احلى
لاهنتوووووووووووووووووووا

مرقاب

الشق اكبر من الرقعه اخخخخخ لقطت اول بيت وغيرت البحر كله زايد عندي

غنيتها على لحن ابو هذال

الشجره اللي قد جلست بضلها = ذيك السنه حلوه وانا جارٍ لها= كم ليلة-----

وجبت العيد

بالفعـل صيف المرقـاب (( غيـر ))


الجميـع تألق وللتألق عنوان كثـر ومعنى (( واحد )) يتركز في أن المرقاب هرم شعري مهما اختلفت الاسماء وتجددت (( الدمـاء ))


اللهم أدم المرقـاب للشـعر فـ بغير المرقـاب للشـعر عنوان ولكـن ليس له (( معنى ))



ها وش رايك يا غالب

لاهنت اخوي غالب والله يبارك فالجميع


والبحر ماهو انا البحر اللي يجي اخر واحد ويغطي على الجميع


لو شفت صورتك من بدري تركت لك مجال انا ما اعرفك الا بالصوره

ما اعرف قرا هههههه

اسعد الله اوقاتكم

والف شكر للمرقاب وللاداره الكريمه على هذه الفقره السبّاقيه

والله ان الجميع ماقصروا وماشاء الله تبارك الله .. الله لايضرهم .,


والف مبروك لـ ناصر المرشدي .. ماشاء الله عليه سرعه واتقان وتمكن .,


واشوى اني ماجيت بدري ولاّ كان صار غالب مهب الاخير


سلامي عليكمـ .,

ماشاء الله عليكم مبدعين مبدعين

ناصر المرشدي بختصار شهادتي فيك مجروحه لله درك

وجميع المشاركين بيض الله وجيهكم أنتم مكسب للشعر

شكراً جزيلاً للمرقاب

أداره وأعضاء

ووقتكم ماجالي على الكيف لكن أواعدكم بالليلة مقبلة

وأتشرف بالمشاركة معكم

الله يعطيكم العافيه

عز الله ما قصرتوا جميعاً

ويستاهل ناصر المرشدي الفوز والجميع فائز وحنا فائزين بالاستمتاع بهالقصايد




كفيتوا ووفيتوا وأثبتوا أن المرقاب يمتلك مبدعين شعر


ليلة مرقابية جميلة لاتنسى






..

ابيض وجه يالمرقااب
ومبرووك للفايز وصح لسانه
والشعرا اللي شاركو صح لسان كل واحد فيهم القصايد كلها ابداع وجزاله


ولاهنتووا جيمعاً

كل المشاركين فايزين والمرقاب كله فايز باعضاءه وشعراءه المبدعين

يعطيكم العافيه

والف مبروك للاخ ناصر المرشدي

الله لايهيينكم جميع يالنعاتيت
عزالله إنكم مكسب وبس
والمرشدي مايعتاز ذيبان ، وأي مسابقه فيها المرشدي من هـ اللحين ماني بمشارك
من غير مهونه في الباقين

لاتنسوا أن تزورا المرقاب العام
وفي موضوع
((مسج لمرقابي)) على هذا الرابط

http://montada.mergab.com/showthread...d=1#post746662

ستجدون رسائل لكم ،،،

الف مبرووووووووووو ك للجميع

لاكن إذا ان فيه مسابقه لإبطى قصيده

علموني أبا أشارك .<<<<< شايب ماعنده لياقه

تقبلوا تقديري

يسعد مساكم

ومبروك للرائع المرشدي

من غير قصورن بالجميع

وكان لي شرف التواجد بينكم والمشاركه معكم .. وهذا يكفيني

اختكم/ الـغريبة شوق


==

ياحلوها من فقره ..

صح ألسنتكم ياشعراء السرعه في زمان السرعه ..

ومبروك ياناصر ..

قصاائد جميلة من شعراء جميلين



و(( المرقـااااب غير ))

يا زين المسابقات اللي مدري وشلون طافتني


ولكن مبين انها من اروع المسابقات والف مبروك لناصر المرشدي ولجميع المشاركين



لا هنت يالمرقاب

ماشاء الله تبارك الله

هنا مكاين شعر اتوماتيكية سريعة

لكن بصراحة دورة تنشيطية رائعة للموهبة الشعرية

لدى المذكورين أعلاه .. ولاهنتوا كلكم

تقديري الجمّ ؛؛؛

شوفوا ياطوال العمار ،


العذر من الله ثم منكم ، اني لو لزمتكم ماخليتكم تروحون فتر !


<- ماهب على كل حال ،


لكن ثنتين طافن عليّ وانا ودي بحضورها هاذي والمسابقه ، ولا نقول إلاّ :

( قدر الله وماشاء فعـــل )


نتمنى تكرار التجربه وعدم الاكتفاء بهذه المره ..


سلام’ عليكم

الله الله


مسابقه منتازه وتفاعل منتاز


شكرا للمرقاب


وشكرا للشعار اللي تفاعلوا مع الموضوع

0

السلام عليكم

ويسعد مساءاتكم

يا ليت -ولا عليكم أمر - واحد من المشرفين يعدل اسمي بالموضوع

اسمي : الغريبة شوق

ويعطيكم العافيه


=========

الغريبه شـوق ,,

تم التعديل..


تحياتي