من روائع المبدع .. ماجد الشاوي ..

[align=center]محطات من روائع صاحب مدرسة التجديد بالشعر النبطي
الحاضر الغائب ...

ماجد الشاوي

وشاعرنا ماجد هو من اوائل من خاض تجربه التجديد بالشعر النبطي مع المحافظه على اصاله وروح القصيده النبطيه .. وكان من احد اهم رموز الشعر بفتره الثمانينات .. بل ركن من اهم اركانها الراسخة بالاصاله ..وقدم ما قل ودل من اروع قصائد الوجدان حتى نال على متابعة كافة شرائح متذوقي الشعر في ذلك الوقت ...
صدر له ديوان يتيم تحت اسم ( شوق المرايا ) والذي احتوى على بعض ابداعاته وردوده مع الشعراء والذي أرتقى بقيمه هذا الديوان ان المقدمه كانت لصاحب السمو الملكي مهندس الكلمه الامير / بدر بن عبد المحسن ..

لا أحب الاطاله اكثر واترككم تبحرون في روائع ماخطت مشاعر الرائع .. ماجد الشــاوي
,
,
,[/align]


[align=center](شاطئ الحرمان)[/align]

[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
هبت على شاطئ الحرمان نفحة حنان=ياليتها رايعت .. لين افهم أسرارها

وقفت محتار كني داخل في رهان=مجبور في سلعة ما بانت أسعارها

مدري توريت .. والا عشت لحظة امان=والا ان نفس الظروف تكرر ادوارها !!

وقت المحاذير ولىّ .. يالله المستعان=من يمنع الدار لاهلت بزوارها ؟؟

جتني على ما اتمنى من هدايا الزمان=مثل الندى في جبين الورد مسيارها

عطشان واقف على جال الرهاف الثمان=متى الصحاري درت عن حزّة أمطارها ؟؟

مذكور بالخير ياحلم تصوّر وكان=ينعش بساتين روحي ريحة اخبارها

من وين ابشكي .. وأنا الشكوى لمثلي هوان=مالي جدى كود ذكراها وتذكارها

زينة محيا .. رفيعة ذوق .. حلوة لسان=عذروبها ياعذابي .. بعد مشوارها

لولا الحياء أطلقت للشوق الدفين العنان=مير البلا حدني .. عن غارها نارها[/poem]

[align=center]
,
,
,

(نقطة الضعف) [/align]


[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
ماعندي اسرار هذي كل الاوراق=خذ ماتبي وأحرق الباقي .. ومعذور

ماهوب وقت العتب ميعاد عشاق=العين قالت لي أنه .. زور في زور

إيه اضحك .. وبادل الاشواق بأشواق=مابي يجي منك رجع الصوت .. مبتور

ترى العبث بالمشاعر يحرق احراق=ما انت بعلى اللعب بالنيران مجبور

همستك ما تستقر الا بالاعماق=وان زار بالحلم طيفك .. قمت مذعور

أخافك تشوف نقطة ضعف مشتاق=وتعيش لحظه جنون النصر .. مغرور

كم مرة من غموضك خاطري ضاق=كم مرة أرفع عصا العصيان .. وأثور

كم مرة قلت هذي لحظه أفراق=مير البلا القلب .. عيا يسمع الشور[/poem]

[align=center]
,
,
,

مقتطفات من شوق المرايا ..[/align]



[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
أمسح الدمعه اللي فوق خدك .. وقلي=ذي رسايل عزاء .. والا دموع اعتذار

أحسبن الجفاء اللي فات كله تغلي=طول غيبتك وايامي .. رجاء وأنتظار

أنت ما كنت أصدق يوم ترضى بذلي=وأنت دايم تقول ان الوفاء لك .. شعار

خل باب الميانه والمجامل يولي=السراب اكتشفته .. والمفارق قرار

مافعلته كرامة نفس .. ماهو تخلي=غلطة العمر ماخلت بوجهي خيار

ريحة الجرح فاحت رفض .. وأنت متسلي= ياعديم الوفاء فرقاك .. رد اعتبار[/poem]


[align=center],
,
,[/align]

[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
أشعريني بقربك لو مجرد شعور=واتركي لي على أهدابك وعد للقمر

ألهميني وعيشي طيف بين السطور=أكره الغيمه اللي مانوت بالمطر

عذبيني .. ترى لولا أحتراق البخور=ماشكى للجدايل لوعته وانتحر

واجرحيني ولو مره .. ببعض الغرور=حركي دافع الغيره بلين وحذر

عشت برد العواطف والملل والفتور=افهميني .. ترى التفسير موت الخبر

ودي انك على اهمالي بوجهي تثور=عاشق الظل .. مالي فيه لفتة نظر[/poem]
[align=center],
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
أنا ما أخطيت هذا رد فعل .. لكل ماقاسيت=تماديت بدلاله .. لين زاد الكيل عن حده

بغى يقراء الخفايا في عيوني .. مير ما لديت=تذكرت أني أرخيت العنان .. وواجبي شده

قسيت أكثر من اللازم بوجهه .. وان غفل ونيت=كما المجبر على جرح الضنا .. لو كان ماوده

وأنا مثل البحر كلي عطا .. ياطول ماداريت=أغار .. وما كشف موج البحر غطاه في مده [/poem]

[align=center],
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
سرى الليل .. يامن ضيع الليل بالتمثيل=بقلبك كلام .. ماتبيهم يعرفونه

وأنا فاطن لمبعثر الكحل .. والمنديل=وخد تورّد بالخجل .. واختلف لونه

على الهون .. ياللي من خلاك بخلاك تشيل=على عاشق تقراء خفاياه بعيونه

بغيتك تعيش الدور .. واتعبني التفصيل=خسر عاقل راهن .. على احلام مجنونه

كسيتك ترف .. واستغربت عينك التدليل=مواري غرور .. وحسن ظني هفا دونه

وغصون الخصوصيات .. يومي بها التدويل=أخاف الورق تسري به الريح .. وتخونه[/poem]
[align=center]
,
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
تفيضين نور فوق هام الترف منثور=وتضوين ليل سرمدي في متاهاتي

مريتي بموكب فرح .. كن مالي دور=تجرين عمرك فوق رحلة معاناتي

تلهين .. وانتي خابرتني غشيم قصور=ثقيلة على سجادة الفرو خطواتي

على اقل تقدير اجبري خاطر مكسور=خذي واردي .. ماهوب من كثر جيّاتي

تلزيت لين أزريت .. واليوم انا معذور=مدارى الحضور المخملي .. نقص في ذاتي

جرحتي كرامة مارد حطم البلور=كشف لعبة العراف .. وانكف بسكاتي

حرق دعوة التشريف .. قبل يتعدى السور=تلقى الخلا .. واختار ليل التشتاتي[/poem]

[align=center]
,
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
تدرين وش حد محبوبك يجي شاعر=يرسم على الرمل .. نقش ماتعرفينه ؟؟

انتي .. وجور الزمان .. وحظه العاثر=والا المشاريه والا ضامي سنينه

والا رجوعه من دروب الهوى .. خاسر=دليل يآسه .. صفير الريح بيدينه[/poem]

[align=center],
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يشهد علي القلم .. ماعاد عندي جديد=ياكود ذكرى قديمه .. باهت لونها

في غيبة الملهمه .. مانيب ويا القصيد=مدفون في عالم النسيان لعيونها[/poem]
[align=center],
,
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
مادامك عاجز الحيله .. وراك تحدني لأقصاي=ومادام ان الوفاء كايد .. وعودك ليه تعطيها ؟؟[/poem],
[align=center],
,[/align]
[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
باقي ثواني تلملم فيها أشتاتك =وارميك للريح .. تستافي بعض ديني[/poem]

[align=center],
,
,


اتمنى أن تكون الأطاله مشفوعه بحسن الأختيار من روائع المبدع والحاضر الغائب

ماجد الشــاوي
-

ودمتم ...[/align]

فالح غشام



شكراااا مليوون !!

فالح غشام

تسلم على اختيارك الموفق


ويستاهل الشاعر / ماجد الشاوي


تقبل ودي

كم مرة من غموضك خاطري ضاق
كم مرة أرفع عصا العصيان .. وأثور
كم مرة قلت هذي لحظه أفراق
مير البلا القلب .. عيا يسمع الشور






الله الله الله الف شكر لك يا بو غشام على الاختيار الموفق والذائقه الفارقه



صح لسان ماجد الشاوي


ولا هنت يا فالح

الله يعطيك العافية يافالح

اخترت وأحسنت الاختيار

الف الف الف شكر

مع أجمل تحية

أخوك

السلام عليكم ورحمة الله وبركاته


صح لسان الشاعر ماجد الشاوي ..
اختيار موفق وراقي اخوي فالح .. لك الشكر والتقدير
اخوك ابو نايف

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سرى الليل .. يامن ضيع الليل بالتمثيل=بقلبك كلام .. ماتبيهم يعرفونه
وأنا فاطن لمبعثر الكحل .. والمنديل=وخد تورّد بالخجل .. واختلف لونه
على الهون .. ياللي من خلاك بخلاك تشيل=على عاشق تقراء خفاياه بعيونه
بغيتك تعيش الدور .. واتعبني التفصيل=خسر عاقل راهن .. على احلام مجنونه
كسيتك ترف .. واستغربت عينك التدليل=مواري غرور .. وحسن ظني هفا دونه
وغصون الخصوصيات .. يومي بها التدويل=أخاف الورق تسري به الريح .. وتخونه[/poem]


الله الله الله الله .. اعجبني هذا المقطع الجميل
ابداع ابداع عزالله
وماجد الشاوي .. من اميز شعراء العصر الجميل بدون شك


سلمت يابن غشام على ذوقك الراقي
ولاعدمناك



اخووك

وقفه أكثر من رائعه

يعطيك ألف عافيه أخوي

فالح

اختيارك

قمه قمه قمه قمه


شاعر لا يختلف عليه اثنان


وتأكد بأن حضوري هنا سوف يكون كثيرا

ماجد الشاوي

إسم شعري .. بقى وسيقى طويلا في الذاكره
لإنه من المجددين
والمطورين في القصيده العموديه

شاعر مبدع .. يستحق هذه الإضاءه
وهذا الإحتفاء

شكراً من يافالح على هذا التقديم والتعريف

ماجد الشاوي

شاعر جيله بلاشك

شكرآيابو غشام

اطاله مشفوعه بكل تأكيد وليتها اطول

صح لسان الشاعر ماجد الشاوي

متصفح رائع سنكرر التواجد به والاستمتاع بروائع ضيفه الكريم


الف شكر يا فالح ولاهنت ياغالي


اخوك

الله أكبر

الشاوي من افضل الشعراء

لشعره طعم خاص

ماجد الشاوي

إسم خلد في صفحة الشعر الجميل



تسلم على النقل الجميل يا فالح



لك كل الود

فالح غشام

لاهنت على ايراد درر العلم ماجد الشاوي

تقبل مروري

مايحتاج !

مشفوووع ونص كمان !


تستحق الشكر يافالح على تقديم ماجد
ماجد الشاوي حقيقه من طحاطيح القصائد!

سلام’ عليكم

:


يـآالله يـآالله يـآالله ..
قرأتهآ .. قبل عدّة آيأم .. وأعجبت ّ بـ شآعريّتـ ه / المٌختَلِفـ ه ..
جداً ..
رآئع .. !
سلمت لـ إنتقآئك / الذهب ..
تقديري ّ


.

على الهون .. ياللي من خلاك بخلاك تشيل
علـى عاشـق تقـراء خفايـاه بعيونـه
بغيتك تعيش الدور .. واتعبنـي التفصيـل
خسر عاقل راهن .. على احلام مجنونـه



ياسلام علي البيتن


والله قمه في الابداع


مذهل الشاوي



لاهنت يافالح

فالح غشام



مشكوووووووووور مليااااااااااار ,,,


أوردت درر للعلم ماجد الشاوي ,,,


تقبل مروري المتواضع ,,,


خالص مودتي ....

فالح :_

الله يعطيك العافيه .. على هذه المادة الجزلة ..


.

ماجد الشاوي وما ادراك ما ماجد الشاوي
من المجددين فالشعر النبطي
لله دره
ولاهنت على النقل والاختيار الموفق

الله الله الله الله

والله أرويت ذوائقنا بـ إبداع هذا الشاعر الجميل

شكراً على النقل المميّز وأكثر .. ولاهنت