في رحاب القرآن الكريم 00

[align=center]
بسم الله الرحمن الرحيم

قصيده تشرفت بالقائها في مدرسة تحفيظ القرآن الكريم بدومة الجندل في منطقة الجوف بناء على دعوة كريمه من مدير المدرسه والحاح شديد من ابني الحبيب سعود [/align]

[poem=font="Traditional Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تقدير للقرآن جيت لمدرستكم يا كرام = لي الشرف لا جيت أشارك حفلكم يا حاضرين
كلام رب البيت ما بعده ولا قبله كلام = تخضع له حروفي 00 وشعري من جلاله يستكين
الله أكبر ! ! كلما اتلوه تهتز العظام = وتسابق لساني على آيات ربي دمعتين
مع كل آيه أذكر المبعوث رحمه للأنام = قلبه على الكعبه وجسمه صوب أولى القبلتين
وجاه الوحي قال استدر واقبل على البيت الحرام = يارب تغفر لي وتغفر للعباد التايبين
حضرت لاغلى مدرسه منهاجها حب ووئام = ومن شان عين سعود ونايف جيت بالقاف السمين
حتى ولو عندي دوام 00 وعندي الفين استلام = ماحيد عن ربعي ووعد الحرعند الحر دين
واشكر مدير المدرسه تعداد ما رف اليمام = والمرشد ابن طراد وكل اللي حضر ومعلمين
أطفالنا 00 أكبادنا 00 تمشي على الارض بسلام = أمانة الله والامانه حملها صعب ومتين
قرآننا 00 دستورنا 00 اربع ميه مع الف عام = ما مسه التحريف واحد ما طلع له نسختين
فيه الهدى والنور يجلى الغم ويزيح الظلام = وشهادة التوحيد مقرونه فــ بر الوالدين
ونبينا 00حبيبنا 00 رسولنا عالي المقام = فداك أبي وامي وانا افداك يا سمح الجبين
ذكرك يعطر هرجهم 00واسمك على الدنيا وسام = شفيعنا يوم افلسو قبلك جميع الشافعين
اثرتك يومنك طفل تحبي قبل سن الفطام = يرجح غلاها يا نبي الله بكل العالمين
وشعوب اوربا كلها ما تعدل فروخ الحمام = اللي فـ باب الغار 00 وما يسوون حتى البيضتين
والعنكبوت اللي نسج بالغار بيته باهتمام = جميع اوربا ما تساوي سلك بالبيت الوهين
ولو ترسم الدنمرك وترسم نعرف طباع اللئام = والله وما قالت برسام الكفر والكافرين
وش عاد لو يرسم ويرسم 00 ما قعد عندي وقام = خنزير 00 والخنزير بس الله يعز السامعين
وزعيمهم ما يمشي الا من تحت شور المدام = والخافي أعظم ! ما نبي نبحث عن علوم الجنين
وشلون نرجي من ورى الكفار تعظيم العظام = عبّـاد عيسى00 هم أساسا مالهم مله ودين
صلاتهم ماهي صلاه 00 وصومهم ماهو صيام = وتسبيحهم رقص وغناء00 ونسوانهم للركبتين
وتلقى ولدهم ما يعرف الخال وما يعرف عمام = حاله مثل حال البهم لا والله أردى مرتين
وانتم أملنا ترفعون الراس من فوق الغمام = أحفاد ابو بكر وعمر يا تاج روس المسلمين[/poem]
وسلامة قلوبكم والمعذره عن القصور 00