درر صدر وعجز ..

اسعد الله اوقاتكم ..


.

.

.


متصفح جمعنا من خلاله (( درر )) الابداع .. ليتسنى للجميع متابعتها بهدوء ..








.

.

.
كونوا معنا ..

.

.

.


محمد ال عبدان \ سداح







بين خط الدفاع و بيـن خـط الهجـوم
كل هجمـه تجينـا نعـرف أسبابهـا

و بين برد الظلال .. و بين حر السموم
والله ان الهبايـب مـا شقينـا بـهـا

بان وجه الظلام و غاب نـور النجـوم
والكواكـب مـواكـب دار دولابـهـا

آه يـا قلبـي اللـي كبلتـه الهمـوم
عقـب عنـه السعـاده قفلّـت بابهـا

عاشقِ طاح ما بين الهوى .. و السلوم
والخطيّـه لا ودّاهـا .. ولا جابـهـا

ما يقيّد عـزوم اللـي يحـث العـزوم
غيـر لا غشّتـه نـاس ٍ تعزوابـهـا



.

.

.

.

.

.



محمد مشوط \ فراج القرقاح




ودي أنفض واهس الهوجاس وآآتـي
(لين اجدد من قصيدي في رصيدي)!

ساحـة الشعـار مافيهـا غنـاتـي
(بعد غنّى إقبال فيها والصعيـدي)!

القصايـد بـرق شـامٍ لايحـاتـي
(يجذب الحايل سناها من بعيـدي)!

اما أنا وجعان مـن حـب البناتـي
(والمشاعر تدّرج داخـل وريـدي)!

وإلا أنا فـي ذمـة أمـك لا تحاتـي
(ملحمتنا جبتها فـ.. أول قصيدي)!

ليتهـم والله فـي عـزّ السبـاتـي
(واتركوا للذائقة شـي ٍ فريـدي)!




.

.

.

.

.

.



طلال الجميلي \ ناصر مناحي




المشاعر يا صديقـي لـك عليهـا !
مع حضور اللي ليا من غاب . غابت

والبـروده فالشتـا مـا تعتريـهـا
من دفا روح اللقا عاشـت وطابـت

والمواصـل يعتبـر منهـا واليهـا
لو شموع الليل قبل النـور . ذابـت

المحبـه كـل مـا مـدت يديـهـا
تحصد اللي من شعور القلب نابـت

لو نقول ان الشقـا فـي مـا يليهـا
قلت هقوات البشر صابـت وخابـت

الهـواويـه هـواهــا مبتلـيـهـا
والهواوي مع هبوب الريح .! ثابـت





.

.

.

.

.

.



فهيد الرويس \ سنجار






ياوجد روحي على لاماك
يامغيزل العيـن يالغالـي

العين ماطالعـت حليـاك
ون غبت صورتك في بالي

عزيت حالي عقب فرقاك
من عقب فرقاك.. ياحالي

معاد باقي سـوا ذكـراك
في قاف بيتـي وموالـي

وان مت من سبتك يـاذاك
حبك ترى اسباب مقتالـي

اسمي مسجل ضمن قتلاك
تشهد سجلات الأحوالـي




.

.

.

.

.

.



طلال الجميلي \ محمد المسعري



ياللي ضويتي هلا و الخير بعدك ضوا ..
يامرحبا بك من احساس المحب .. لـ محبّ

شوفآ ضمى عن وصالك ! من فراقك روى
ما احلا الجفا .. يوم جمعنا معاً ، وإنسحب

انسي زمان الغياب بكل شي احتوى
البرد جمد لي ضلوعي ، ووجهي شحب

حطي يدك في يدي والبرد ماله لوا
قولي له تجمّد ضلوعه .. وصدري رحب ؟

بنشكل الغيم بيدينا و نسمر سوا
ونروح فوق النجوم .. وفوق ذيك السحب

و نعلم اهل الهوى وشلون طعم الهوا
ونثبت غلانا لبعض ، ونبيّن انّا نحب



.

.

.

.

.

.



محمد مشوط \ طلال الجميلي



المجتمع مسموم مـن عـام الأوّل
سمه يمرر خلـف بـاب التطـور

تنخر جسده آفـات جيـلٍ تحـوّل
بأشياء قبل ماكانت اصلاً تصـور

مطلب حضاري بإعتقـاد المخـوّل
واللي تبعها شخص طاش وتهـور

يا عنك ما نوحي هـروج المقـوّل
اللـي يعاملنـا بوجهـاً مــزور

مسكين يـا فكـرٍ بـداً بالتسـول
عقله يجوع افكـار منهـا تضـور

خسران دين ، ودنيتك مـا تطـوّل
من عقبها قل لي وش اللي تدور ؟؟



.

.

.

.

.

.




عبدالله غازي \ مشاري الكرشمي



فكرةٍ حلوه وانـا شاعـر مفـوه
من ثقه ماهي غرور ولاتباهـي

يامشاري ناقص الطاروق سـوه
لين موضوعه يشـد الانتباهـي

العرب شجعـان لكـن الجـروه
تحتضر فوق النواصي والجماهي

مابقا ياصاحبـي بالوقـت خـوه
كفنة في منتجع ساهـي وفاهـي

والجبل من قاعته حتـى علـوه
يشتعل والوضع بالضيق متناهـي

الجنين اللي مشـوه لـو تشـوه
يخضع لحكم الاوامر والنواهـي

وكان ماعندك على الاخصام قوه
لا تباهـي بالهايـط ولاتضاهـي

موه علومك ترى الوضع امتموه
دام من تحت السواهي كم دواهي



.

.

.

.

.

.


محمد مشوط \ خالد الحصين



صوتي حزينٍ .. من تباريح الأيـام
يا معلّقٍ حزني على حبال صوتـي

اشعر بما يشعر بها كـل منضـام
واحسّ .. وآنا في حياتي .. بموتي

تجذب مكامن لوعتي زرق الأوهام
وانسى ملذاتي .. وشربي .. وقوتي

حبك ، وشوقي لك ، وزافات الأحلام
تمخّضت منها .. شـوارد بيوتـي

رجم الغلا يهوى ذعاذيـع الانسـام
وانا بغيت اصمد .. واواصل ثبوتـي

لكنّ حظي منقسـم تسعـة أقسـام
لين انقطع صوتي .. وخيّم سكوتي!



.

.

.

.

.

.


سنجار \ فراج القرقاح



امــا شـهـاده فــي المـيـاديـن ولا
بلاش مـن عقـد القمـم والتجمـاع

ماعـاد بـاقـي لـهـل غــزه مـحـلا
ما باقـي الا المـوت للـروح نـزاع

ينصـرهـم الله يــوم كــلاً تـخـلا
بعد أستوى مـد النظـر حـروة ذراع

مثـل النـسـاء نـدعـي ونبـكـي اذلا
راياتنا في نصـرة الديـن بـ.. القـاع

ياأحمـد نجـاد ان كـان للوضـع حــلا
شرع الله أفضل حل في حل الأوضـاع

جـعـل العـروبـه فــدوه الفـنـزولا
ان كان ماردوا على الصاع بـ.. الصاع



.

.

.

.

.

.


محمد مشوط \ نايف المقاطي



الشكـر لله ، والاوآدم بخيلـيـن
الا الكرام., ومن يمـد البخيلـه

اما يحسّب وش ورا فعله الشيـن
يجني ثمر وش تنتج الحنظليلـه

السن فيه السن ، والعين بالعيـن
والمقدره فالعفوا لو هـي قليلـه

يفرح بها الطيب ، ويشقى بها القين
ومزارق اهل الطيب طيب وفضيله

مانيـب فتّـانٍ ، وارزّ النياشيـن
وكلٍ على نهجـه ومايستويلـه

لكن لا شانـت سلـوم المياميـن
ماعاد باقي فالفضايـل عقيلـه




.

.

.

.

.

.


فهيد الرويس \ شفق السريع



الشعوب من القهر تغلـي دماهـا
و الألم شق الصـدور المدمياتـي

مار وين الي تسمّـع فـي نداهـا
و وين من يسمع نياح النايحاتـي

والكرامه مـن سنيـنٍ وا سفاهـا
روّحت يوم العصـور السامياتـي

وين من علّـوا منـوّل مستواهـا
بالاصايل و السيـوف المرهفاتـي

عالـمٍ ماكبّـت المسجـد وراهـا
و دون نصر الدين ما تهنا المباتي

ولاش قومٍ تعصـي الله ويحماهـا
ولاش نصر ٍ دون حشد المسرجاتي




.

.

.

.

.

.


وجد \ بنت وايل




الخواطر صافيه والجو صافي
وهذا جو اللي مشاعرهن رقيقه

من بغا النشبات قلناله عوافي
ومن بغى الخيرات دلّينا طريقه

وايليه كان بالموقف خلافي
ما ألْتفت للنجم لو يغري بريقه

السعي يسبقه بالحج الطوافي
لا يقلّب بالعيون وبالحقيقه

والطلايب مابها زودٍ يضافي
والرمادة ورث ترّثه الحريقه

سامح الله قلب بالطعنات وافي
لو شقيقه طاح مايرحم شقيقه

كان ماهمه سريرات الخوافي
ليه درب افراقنا دايم يعيقه!

بآخر المشوار ونهاية مطافي
راحلة ..لايْقولِلي لحظه.. دقيقه



.

.

.

.

.

.


خالد السيحاني \ عناد النفيعي




السهر ماضمد جروحي وخلاني
ضيّق خناق الشعور ووثّق قياده

ايه ليته ماتعشاني ولا اشقاني
لين خلا الدمع وإحساس التعب .. عاده

عام الاول كنت اقول الحب سلطاني
قبل يفجعني عديل الروح ببعاده

آه من جرح الغرام اللي تحداني
وآه من حب ٍ ملك من قلبي ابعاده

ان نساني ماتت احلامي ووجداني
يعتبرني من ضحايا ملحه وزاده

وان رجع لي والله انه موقف انساني
احتفل به كل عام بنفس ميعاده



.

.

.

.

.

.


سداح \ محمد صالح العتيبي





النار في راس الجبل والعود في عين الحسـود
وأم الكباير في طرفهـا .. ماتملّـص عودهـا

مير أرسلي وأسترسلي وأستبسلي وارقي سنود
أما النصر ولا الشهـاده ، لاقبـس بارودهـا

لولا القراده ما عرفنـا وش يحبـوّن القـرود
ياللي مع أذناب البقر .. تمشون خلف بنودهـا

أنا الشجاع أشجّعه .. والله ما شجّعت الشرود
بين الثنينه فرق .. والفارق .. يحت زنودهـا

يا اللي تنادينا على حرب النصـارى واليهـود
الأرض زلزلها التخاذل .. وإنكسـر جلمودهـا

لازال عودك غضّ خلّك بين غضّـات النهـود
ياللي تقول أقوى الدول صعبه نـدك جنودهـا



.

.

.

.

.

.



شفق السريع \ محمد السواط



على خدٍ غشاه الحزن من همي و من همـه
يصير الدمع من حر المآآسي .. جمرةٍ حيـه

كساني من وَدَق عيني بما يبري لـه الذمـه
ولو ماني بريٍ من مواجـع شـوف عينيـه

على عِطْل الجيوش و فكّ اسر غزه من الغمه
نحاكي .. مير مانقـدر لاهاذيـه .. ولاذيـه

و انا لولا غصن زيتون مع طير ٍ نثـر دمـه
لقطّع روس .. ويدين .. الملاعين الحراميـه

و لكن ما طعن صدري سوى فركاشة القمـه
وضربٍ في بعضنا من دمشق اليا السعوديـه

هنا شابت قوافينا على صمتٍ كسـى الأمـه
وصوت الحق مانسمع صداه .. اليوم موليـه


.

.

.

.

.

.



عيسى الشاطري \ عبداللطيف الغامدي


حبيبتـي . والمحبـه معـي محفوظـه
اسلوبـك المختلـف عـلّا مراتبـهـا

لين انها من حركتـي جـات ملحوظـه
وعلّمـت نفسـي تعلّـم مـن يعاتبهـا

ان المحبه مـن الله ماهـي بـموضـه
في كـل موسـم تغيّرلـي .. مطالبهـا

ما تنفرض بس جتني منـك مفروضـه
أنثـر لـك الآآآه واحساسـك يرتبهـا

ولملمتي الّـي بقلبـي رايـحٍ فوضـه
وان ناشدوني .. عن اصدق حاجه اكتبها

اقـول مـن عاضنـي والله لـعوضـه
لو ضاقت النـاس حاضرهـا وغايبهـا



.

.

.

.

.

.


خولان بن عامر \ خالد الحصين



ياللي تعرف الحل دوّر لي حلـول
تعبت ادور حل .. من لا حلّ لـه

امـا تقـول الحـق ولا لاتقـول
ليه الكـلام .. نكثّـره ونـقلله

الى متى والشد في ظهر الذلـول
الحمـل كايـد والذلـول مـذلله

الروم والتتـار وكبـار المغـول
ايدينهـا بدميّـنـا .. مـتـبلله

مثل الجبال اللي تناطحها وعـول
وقرونها فـي روسهـا متـحلله

ياهل الفطانه ياكبيريـن العقـول
هل يُعقل ان كل العقول .. مظلله!


.

.

.

.

.

.


عايض النفيعي \ خالد الحصين



طاحـت الأهـداف ماكنّـي مـن البنـدق رمـيـت
يا صبر صبري .. علـى بعـض الحظـوظ المايلـه

ليـت مـا تنفعنـي بحاجـه وانـا لوقلـت لـيـت
ما درى عن (ليـت) .. جـرحٍ فالضمايـر شايلـه

فوق نجد .. وفوق مجد .. وتحت وجد .. وتحت صيت
كـم طموحـات وعــزومٍ .. للتسـاقـط آيـلـه

ماسريـت امـن السعوديّـه وصبـحـت الكـويـت
الا انا داري وعـارف زيـن .. وش مسـراي لـه

لا تذكّرنـي ب. معطـان الظوامـي فـوق هـيـت
السمـا مرهـي كفوفـه .. والصحـاري سايـلـه

عين ريم .. وعين قرد .. وعين ورد .. وعين زيت
جمّعـوهـا كلبـوهـا لـيـن تصـبـح عايـلـه

( بالمتـر ) نبنـي ونهـدم فالمبانـي ( كمبليـت )
والعذر معروف .. حتى اعلـى النوايـف .. زايلـه!



.

.

.

.

.

.



مستور الذويبي \ عفاس



انفجرفي صدري البوح باعجوبـه
والتفت حزني على حزنـي الثانـي

وانكسرعزمي تحـت نارمشبوبـه
وقمت المه في ضلوعي ويصلاني

واستهلّت دمعة العيـن مرعوبـه
ماتبي تنزل علـى نـار جيرانـي

وثارفي وجه المدى دين ..وعروبه
ورحت اعزي دايمي واشجب احياني

حالنا مزري ..والأوضاع مقلوبـه
من تركنا الخالـد ونطـرد الفانـي

صفحة التاريخ بالخـزي مكتوبـه
ياحفيـدي جنـب اللـوم جدانـي

والحقوق بكل الأشكـال مسلوبـه
انس كل حقوق الانسان وانسانـي

لامتى وأحوالنا شبـه منكوبـه ؟
لامتـى واراوحنـا شبـه مجانـي



.

.

.

.

.



بدر العتيبي \ ياسر العتيبي



لـالشعر وقتٍ ثميـن يحـدده شوقـي
لاحان قمت افرد الاحساس واعزف لـه

ما ينتهي غير لين أستعـذب طروقـي
والا انتهى قبل اصفق له , اوقـف لـه

أغيب لأجل أجذب إم الحسن لـشروقي
واجيبها في (بهى بدر) , و (دلع طفله)

سلهامت عيونها حـقٍ مـن حقوقـي
واللي يبي وصفها وشلون ابوصف لـه

ما عاد في قلبـي الا هـيّ وعروقـي
تلعب علـى عروقـه وتتحكـم بقفلـه

ما باقـي ألا يكمّـل ياسـر الروقـي
وش عاد باقي يابو بندر سوى القفله ؟؟



.

.

.

.

.

.

محمد صياح النفيعي \ سداح




شفت السؤال الصعب جاوب جوابه صح ولا خطا
والصح مقبول لكنّ الخطا مرفوض مـا نقبلـه

ارفع غطاوي علومه كان شفت العلم فوقه غطا
ومن قام يجحد علومه لا يجيب علوم ماهيب له

ياصاحبي والمعرفه ماتجـي باللغـو والزنبطـا
لكنّ حتيش لـو شفـت البلابـل زادت البلبلـه

حدد مسارات دربك لايجي في طرقتـك لخبطـا
لا تعكس السير ثم تبلش ما بين اللغم والقنبلـه

لاترتجي للمقفي لو عـن عينـك بصـده بطـا
عن ليلة البارحه تلقى العوض في الليله المقبله

واللي يـدور خفايـا زلتـك لاجـاك لاتغبطـا
حدّه على المحبله حتى لا جاك يطيح في المحبله



.

.

.