ذكرى الاحلام

السلام عليكم ورحمة الله وبركاته

بويتات قديمة ارجو ان تجد بعض القبول


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليل الهواجس كلما طرف قرب = والصبح عن موعد لقا ليله غفا
الليل هادي مير في فكري صخب = ضيق وقلق فوق الهواجيس ردفا
بشت الحزن فيه الفرح شمسة قصب = على تعابيري واحاسيسي ضفا
اراجع الماضي واراقب عن كثب = حاضر حياتي في بيان وفي خفا
القى جذوع احلام ساحبها التعب = ونطل ٍ على صخر من الياس وصفا
والفى ظروفي كنها السيف الحدب = من باقي احلامي تمكن واشتفى
كم شي كنت ابغاه لكن ما انكتب = وكم غايب ٍ عشت احتريه ولا لفا
وياكم مرة قلت حامض ياعنب = والكرم فارضي مير يمنعني الوفا
وان قلت بكره تنجلي كل السحب = بكره يجي والجو غايم ما صفا
والقى العمر شمسه خذت لون الذهب = تكوي عزومي كي في صدر وقفا
الله ياوقت الوناسة والطرب = وناس ٍ لهم قلبي من الناس اصطفى
ناس ٍ لهم صدري دواوين ومشب = وجمر الغلا لعيونهم ما قد طفا
لهم قضيت العمر نبع ٍ ما نضب = وظل المقيظ وفالشفاشيف الدفا
روح ٍ تجود بروحها وقت الطلب = وقلب ٍ من الايثار ما يوم اكتفى
واثر العمر بذر ٍ بذرته في مهب = وديم الوفا يسبل على صبخا الجفا
كل ٍ طعني فالظهر ثم انسحب = وطعون من تغليه ما منها شفا
اللوم يلحق كل طيب ياعرب = والا الردي لا شق شق ولا رفا
يلقى الردي دايم لهفواته سبب = ويبرر الهفوات لا منه هفا
واللي لمنقود النشامى ما حسب = وكلمة نعم عنده مثل كلمة افا
ما اعبره واعقد له حجاجي غضب = لو رحب بشوفي وهلا واحتفى
ولولا العشم ما سقت مظهور العتب = لاهل الوفا من خافق ٍ ياما عفا[/poem]