عشرين جلده.. لناصر الأحمري

[align=center]الأخوه والأخوات في المرقاب الخلاب,

السلام عليكم

ناصر ابن يحيى الأصلعي الأحمري بيني وبينه محارش ومكارش من زمان أوي

وجاب سيرتي في قصيدته الأخيره "حبحبة سندرلاّ" في مرقاب المواهب

ورغم شسوع الفارق لصالحه اذا جات للمحارش والمكارش..


فلقد تجرأت وكتبت هذه


كمجاراه اتمنى ان ترقى ولو لمستوى بيت واحد من قصيدته

رابط "حبحبة سندريلاّ"

القصيده[/align]




[frame="9 80"][poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الهجوس البريّه والهجوس المدانه=أمس في قونتناموا تم تعذيبها
حوكم الهاجس اللي شاهده ترجمانه=حول عشرين جلده جا مزوزي بها
ما يرد الحقوق الا محامي تكانه=ليا دخل محكمه يعرف سراديبها
هاجسي عند ناصر قط خيط الميانه=يصعب إعراب كلمه قبل تعريبها
ناصر اللي يصونه صونتي للأمانه=ما يهجد البيوت الا ويحري بها
سدو بيت العنيني كل كََسْره بطانه=وناصر الأحمري عنده مناسيبها
ليل دانه عرفنا ليش هي ليل دانه=أغنيه... كل فنانه تغني بها
وأم ظرفين "وطبا" اللي تبيع السعانه=باعت عريج عكّة سمن مقري بها
أختها كهرمانه وأمها بيدجانه=حوف طيب اصلها توفي مواجيبها
حزّة البيع حتى اللي عليها ضمانه=ما ترَد البضاعه بعد تجريبها
اختلاف المذاهب ما يمس الديانه=ولا يطب المساجد غير يثعي بها
جا خلاف المطوّع قال يا شين أذانه=واذن فيها اصبعينه وأذن يوحي بها
ويوم صلى المصلي ثارت الطرطعانه=الوراعين ما تترك هناديبها
من يصيد الشحيمي ما يصيد السمانه=هات بلجيك خل الورع يرمي بها
عش وسط الرّطاه وعش في السنديانه=زانت وكل ديره ربّع شعيبها
وحبحبة سندرلاّ كلّها حلّوانه=ليت يا اخوك حظي ينقز يجيبها
يصبح العود كنّه عنتره في زمانه=بين هذي خيار وذيك يا طيبها
ليا رعت في حمانا ربلته وسعدانه=وينه اللي عليها يده يومي بها!
لكن نعيش دنياً طبعها قلّبانه=أصح تصديقها واياك تكذيبها
من تهوّر مصوّر ليل حادث دايانه=ماتت ومات دودي بعد تهريبها [/poem][/frame]