سلطان ابن حامد من السين للدال

بسم الله الرحمن الرحيم

السلام عليكم جميع

بدايةً أشكر الاخ والاستاذ الشاعر مطر المرشدي على الدعوه الكريمه

وهذه اولى قصايدي هنا..




وهي مردود على رسالة الاخ مشاري بن فهد التمياط ...



[poem=font="Simplified Arabic,6,darkblue,bold,normal" bkcolor="transparent" bkimage="" border="solid,2,darkblue" type=1 line=0 align=center use=ex num="0,black""]
يا أبو فهد شفت الكتاب وقريته = وأبطيت عقب قرايته ضايق البال
لا تحسب إنّه ساعتين ونسيته = لا والذي نزّل تبارك والأنفال
شرواك لا منّه نصاني نصيته = هذا وهو شرواك يا نسل الأبطال
وش لون لاجاني سموّك وجيته = والله لأبدي لك على نايف الجال
وليا بلاني هاجسي وإبتليته = ياعنك ما أنشد مخطي الدرب وش قال
أقلط على الإبداع في وسط بيته = وآخذ معه من دلة الشعر فنجال
والعذب لا منّي وردته رويته = يوم الردي يآرد وهو قاصر حبال
لرضاك هاجوسي بسهري كويته = أكويه بعض أحيان وأحيان يحتال
شهرين أساهر خطّك اللي لقيته = واليوم ثالث شهر والسهر لا زال
حتىّ كمل مردودي اللي بغيته = ما تلحقه شرهه ولا حوله إشكال
كلّه على شانك زمانك شكيته = وأبديت لي ضيقه وغربه وغربال
وأنا معك في كل دربٍ نويته = خذني معك صاحب وخذني لك ظلال
لو إن غيرك مشتكي ما عطيته = نصف إهتمامي لك ولا ربع الإقبال
بس أنت غالي والغلا ما إشتريته = في ذمّتي ما سقت في ودّك ريال
الله وهبك إيّاه وأنت إحتميته = بالطيب والتقدير يا طيّب الفال
يا أبو فهد ودّك بصدري بنيته = قصرٍ كبير وله مفاتيح وأقفال
وكتابك اللي بالتّوجّد بديته = وأخذت فيه مع التجاريح موّال
ثم قلت: [يا خلٍ بعيدٍ هويته] = وغنّيت طاروقك على روس الأقذال
مدري وش اللي في ضميرك كنيته!! = بسّ إعرف إنّي معك بالحال والمال
ما ينفع الرجّال لوّه وليته = لا صار مايقضي لزومه ليا عال
إليا حداك الوقت قلّي حديته = وإزهم علّي أجيك رجلي وخيّال
لاتنخدع في ديمنه مع سبيته = إضرب على الكايد على كلّ الأحوال
تراك إبن شيخٍ يشرّفك صيته = ملاذ من حدّه عليه أشهب اللال
اللي سطع في كوكب الطيب ليته = حلاّل ما يصعب على كلّ حلاّل
يدعي له اللي حسرته مشتويته = من كثر ما مرّه غرابيل وأهوال
شاف الندم والمعمعه مقتفيته = والموت قدامه بلا شك وجدال
يقول: مابه مسلمٍ ما نخيته = والشرع تنفيذه على الدون والعال
وعقب إنقطع حبل الرجا اللي رجيته = جالي من الله فزعةٍ ردت الحال
جاله ولد بندر ليا حدّ بيته = كنّه يقول إزهل وأنا مجرّي الذّال
بأمر الله الموضوع كلّه حويته = ثمّ فكّ مهمومٍ عليه الدهر مال
ولا صار دربه يا مشاري مشيته = حق إلك ما بين المناعير تختال
الطيب مرقابٍ طويل ورقيته = واللاش يقصر دون تحقيق الآمال
تلقاه همّه عيشته مع مبيته = ما شاقته جزل المواقف والأفعال
رجّال في هدومه وكشخة جكيته = ولا حكّ عود بعود ما هوب رجّال
لا رحم أبوه وكلّ حيّه وميته = حيث إن ماله مع هل الطيب مدهال
هذاك والله ما أذكر إنّي بكيته = ولا همّني جعله عن القاع ينزال
وألاّ أنت عقب إنّك زمانك شكيته = خذ مختصر ما قلت يا معرّب الخال
أنا معك في كلّ دربٍ نويته = سلطان ابن حامد من السّين للدّال[/poem]

وسلامة الجميع

(سـ)لطان بن حامـــ(د)
من السين للدال


كفو كفو كفو


ويامرحبابك

شرفت المرقاب يامبدع

والشكر موصول لمطر المرشدي على دعوته الكريمة




رجّال في هدومـه وكشخـة جكيتـه
ولا حكّ عود بعود ما هـوب رجّـال
لا رحـم أبـوه وكـلّ حيّـه وميتـه
حيث إن ماله مع هل الطيب مدهـال


لله درّك


صح لسانك مدد بلا عدد



لك فائق التقدير

هلا بك والله يابن حامد

وصح لساانك ولا هنت

مـا ينفـع الرجّـال لـوّه وليـتـه
لا صار مايقضي لزومـه ليـا عـال




يا هلا ومرحبا يابو حامد / والله يبارك في مطر اللي شرفنا بمعرفتك /


شاعر مبدع مافيها كلام ومكسب للمرقاب


تحياتي ومتابعتي الدائمه

الله الله



مرحبا مليون يبن حامد


وصح الله لسانك ملايين


وشكرا لمطر على دعوة مثلك وشرواك


لاهنت

وتقبل تحياتي

مرحبا يا صددديقي


الله محييك ملايين

وتشرف المرقاب بحضورك
والله يبارك بمطر المرشدي


حضرت أرحب بك
وابا اعود للقصيده

تحيتي

عليكم السلام ورحمة الله وبركاته

مرحبا ومسهلا يا سلطان بن حامد

والله يحييك بين اخوانك


الطيـب مرقـابٍ طويـل ورقيـتـه
واللاش يقصر دون تحقيـق الآمـال

تلقـاه همّـه عيشتـه مـع مبيتـه
ما شاقته جـزل المواقـف والأفعـال

رجّال في هدومـه وكشخـة جكيتـه
ولا حكّ عود بعود ما هـوب رجّـال


ياسلام الله عليك

شاعر جزل وقافك مميز وبديع

صح لسانك مدد وسلمت ،

..

صح لسانك

وانا هنا للترحيب

الله الله الله



سلطان بن حامد



قلت وطلت .. لله درك .. لاهنت



ألف ألف صح قلبك وفكرك ... أبدعت .. إلا أسرفت في الإبدااااااااااااااااع



قصيده فاقت الوصف روعه / جزاله



إعجابي .. متابعتي ... غلاااااااااااااي



م ن

سلطان ابن حامد

حيااااااااااااااك الله

ومرحبا ومسهلا يالامير

صح لساااااااااااانك ولاهنت

بانتظار جديدك

تحياتي

.



.

أنـا معـك فـي كـلّ دربٍ نويـتـه ..

.. .. .. .. .. سلطان ابن حامد من السّيـن للـدّال !!



كفوووووووو والله


صح السانك الف ولاهنت يالغالي



جزل !

كفو كفو كفو


ويامرحبابك

شرفت المرقاب يامبدع

والشكر موصول لمطر المرشدي على دعوته الكريمة




رجّال في هدومـه وكشخـة جكيتـه
ولا حكّ عود بعود ما هـوب رجّـال

رجّال في هدومـه وكشخـة جكيتـه
ولا حكّ عود بعود ما هـوب رجّـال
لا رحـم أبـوه وكـلّ حيّـه وميتـه
حيث إن ماله مع هل الطيب مدهـال



الله الله الله



مرحبا ومسهلا يابن حامد


عز الله ان المرقاب نور بتواجدك


صح لسانك ولاهنت

وشهادتي فيك مجروحه


يامبدع


تحياتي وتقديري

سلطان بن حامد من السين للدال


الله الله الله

مبدع مبدع

ولا فيها كلام / /

/

/


صح لسانك

الطيـب مرقـابٍ طويـل ورقيـتـه
واللاش يقصر دون تحقيـق الآمـال



مصافحة تنم عن شاعرية لا يستهان بها


صح لسانك مدد .. ولا هنت



تحيااااااااتي

..

رجّال في هدومـه وكشخـة جكيتـه
ولا حكّ عود بعود ما هـوب رجّـال
لا رحـم أبـوه وكـلّ حيّـه وميتـه
حيث إن ماله مع هل الطيب مدهـال
هذاك والله مـا أذكـر إنّـي بكيتـه
ولا همّني جعله عـن القـاع ينـزال


هلا ومرحبا

يابو حامد

وبرك ساعه اشوف اسمك من ضمن نجوم المرقاب

ومشكور على استجابة الدعوه


وصح لسانك مليون وكسور على هذه الرئعه

قوة معنى وجزاله

لك سلامي ومحبتي

مشعان البراق

صح بدنك والله لايهينك

مرورك شرفني اطرائك اسعدني

تقديري لك

سلطان ابن حامد


اشهد لله اني احبك في الله واحب قصيدك


شاعر بكل ماتعنيه الكلمه من معنى

راكان بن بدن

ماعليك زود والله يبقيك

وصح بدنك


والله لايهينك على كل حال

تقديري لك

مخايل

صح بدنك ولاهنتي

تبقى يا خالد


والله لايهينك على الحفاوه والترحيب اللي من عوايدكم


تقديري لك

الله الله الله
ابن حامد

شااعر كبير ونفتخر بوجوده بيننا
صح لسااانك
يا أبو فهد شفـت الكتـاب وقريتـه
وأبطيت عقب قرايته ضايـق البـال
سلمت وفي انتظاار كل جديد