(لاصار مقصود الصداقه على شي)

[poem=font="Simplified Arabic,5,darkred,bold,normal" bkcolor="transparent" bkimage="backgrounds/29.gif" border="solid,4,darkred" type=2 line=0 align=center use=ex num="0,black""]
أقدم لكم هذه الابيات المتواضعه وأرجوا أن تنال إعجابكم=

لاصار مقصود الصداقه على شي=أشطب عليها وأطلب الله عوظها
أبعد عن اللاهوب وأقرب من الفي=هذي نصيحه واللبيب يحفظها
مايرجع الميت ولو يبكي الحي=وأهل المرض لابد يطلع مرظها
صداقة الاهداف ماهيب تبطي=ولاتنفعك لو بالوفا تعترظها
ميثاقها من شان ناخذ وتعطي=وإن وقف المشروع كلٍ رفظها
مثل السراب اللي من البعد يزمي=من طردته كمٍ نفوسٍ قبظها
أن كان ماجات الصداقه كما الظي=على نقاها ماتفاخت بعظها
ماهي تسير شوي وتدقر شوي=ولاتظيع ليا تحقق غرظها
ولايغطي حسنها جوهرٍ سي=وليا أنتهظها ذاك هذا نهظها
ودليها تضرب على الجم برشي=فالمرتفع ماعاينت منخفظها
ماهيب تقبل بالمطامع وتقفي=وأمانةٍ فتّالها مانقظها
تصيب بعظات الهقاوي وتخطي=بس التجارب مستمرٍ وعظها
وصداقةٍ في قدرها ناجح وني=أما تفلها ذاك هذا لفظها
وسلوكها ماتقدر الشد والطي=ربضة ردى تحسب على من ربظها
فيها نفاق وغش ومخادع وغي=صداقةٍ حب المصالح فرظها
وقت الرخى ينشدك تامر على شي؟=وقت الشدايد منك كفه نفظها!؟
[/poem]