سلامي على اللي مايجيب المراسيل .. شيلة

[align=center]

السلام عليكم
/
سلامي على اللي مايجيب المراسيل ..!!


[flash=http://www.youtube.com/v/KUov1GRUO_E]width=425 height=344[/flash]


[poem=font="simplified arabic,5,black,bold,normal" bkcolor="transparent" bkimage="" border="double,4,silver" type=0 line=0 align=center use=ex num="0,black""]
سلامي على اللي مايجيب المراسيل=عزيزٍ وله في داخل القلب منزال
آنا آغليه لو يقطع حبال المواصيل=ولجله آكابد كايد الحظ لو مال
غرامه في قلبي مايجي فيه تبديل=تزول الليالي لكن الحب لازال
ليا رن جوالي تشب القناديل=ويرجف خفوقي كل مااوحيت الإرسال
ليالي سمرناها سرور وتعاليل=سقى الله لامنّه زهمني بجواّل
يالبيه ياصوته قصيد ومواويل=ليا قال ( أحبك ) خافقي يهذل اِهذال
سباني وخلاّني طريح الغرابيل=ودمعي من اسبابه على الخد هطاّل
همومي تزايد كل ماعسعس الليل=آعاني مجاهيم النوى واشهب اللاّل
ذرايف دموعي فوق خدّي هماليل=آلا واعذابي من جفى خالي البال
من الدهر والدنيا تشيب الرياجيل=ظروف الليالي كل يومٍ لها حال
وآنا خلّي شيّبني وشفت البهاذيل=سوافيه حدتني على طامن الجال
آنا فيه مَسْمَع هرجة القال والقيل=أجل كيف يسمع بي صواديف الآقوال
يصدّق كلام اللي علومه سراميل=وآنا لجل عينه ماتوحّيت الآنذال
آنا اللي تجرهدت الدروب المسافيل=ونطّيت من شانه على النايد العال
هجرني وخلاّني آسير المناديل=شخاتير دمعي فوق الآوجان شلاّل
عسى الله يغيثه من صدوق المخاييل=ويرويه من نو الحيا وبل هماّل
وتبقى مرابيعه دماث وتساهيل=وتختال آزاهيره عقب وقت الآمحال[/poem]

دُمتم بود

[/align]