,,, سراب وحلم,,,

متواضعه للتواصل


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احيان يوم القاف يطلق سراحه = يجيه مدري وش يجيه ويعيقه
كنت استلذ الغوص واهوى السباحه =واطب في قاع البحور العميقه
واليوم مارس ضيق صدري وقاحه = القاف شيّب والمساحه طليقه
ماكنى الا من يجر النياحـــــه = قدام عينه.. شاف موتة رفيقه
او فارس تملا الكنانه رماحه = والموت ابن عمه واخوه وشقيقه
وترجل الفارس ووطي سلاحه = ماكلف الله نفس مالا تطيقه
مدرى عن الهاجوس نامت جراحه = والا فقد روحه ولمعة بريقه
وقلب البنادم حين يخفض جناحه = يرمي بشرهات العرب في حريقه
وانتى بلا موعد وفي وسط ساحه = تمر فيها اصناف كل الخليقه
شفتك وقلبي تم منك اجتياحه = في فترة ٍ ماكملت لو دقيقه
حسيت في شوفك بنشوه وراحه = يا انتى جميله فالحضور وانيقه
من شاف حسنك صعب يكبح جماحه = الزين وافي والملامس رقيقه
جيتى وضاقت بالهموم المساحه = والحزن اخذ حاله وراح بطريقه
كنك نهار دوب شعشع صباحه = تصدح عصافيره وشمسه مويقه
وياهل ترى؟ ..وابغي الجواب بصراحه = انتى سراب وحلم والا حقيقه
[/poem]