صدق المشآعر ,, عوده لكم

السلام عليكم ورحمة الله وبركاته

اعود اليكم محمل بشوق كبير

واسف على فترة الغياب

لكم مني هذه القصيده

اتمنى ان تنال استحسانكم

,,


خل العتب في حدود الحُب يازين
لاتذرف الدمع لي وتضيق الأنفاس
..
شرهتك حجه وأنا شعري براهين
مير إذكر الله ولايدخلك وسواس
..
صدق المشآعر تساق لناس غآلين
وش عآد لو فيك وأنت أغلا من الناس
..
إحساسي إحساس وأبيآتي بسآتين
تنبت حروف آلغلا من نبض وإحساس
..
وين أتبدي فيك قلّي وأنتهي وين.؟
دام المحبه بقلبي مآلها قيآس
..
مآتوفي بقدر حبي لك دوآوين
لو كآنت مرصّعه ياقوت وألماس
..
معآك الأيام للفرحه عنواين
والقلب لك ياعديل الروح مجلآس
..
من يوم مآجبتني دنيآ المحبين
وأنا ضلوعي حطب وعيونك الفآس
..
الصبح يقتادني والشوق فـ العين
والليل طيفٍ يراودني وهوجآس
..
محبتك ساكنه فيني من سنين
ماينهدم بيتها والبيت له سآس

وسلامتكم

هلا وغلا يا مبارك والحمدلله على السلامه ,
نص جميل وحضور اجمل ,
صح لساااااااانك وبيانك .
مودتي لك .

\
/
\

مبارك يا مبارك

صح لسانك لين ترضى ولاهنت
والحمد لله على سلامة العودة

لاهنت

يامرحبا ياعبدالرحمن

والله يسلمك من كل شر

شاكرلك مرورك
وصح بدنك

,,

مودتي

صح بدنك ياسلطان
ولاهنت على مرورك الغالي
..
مودتي

وعليكم السلام


مرحباً الف يا مبارك ويسعدنا تواجدك من جديد بين ربعك


صدق المشآعر تساق لناس غآلين
وش عآد لو فيك وأنت أغلا من الناس


الناس الله الله

صح الله لسانك ولا هنت

الله يا مبارك

وين ايامك وين لياليك ... ؟؟

خل عيوني تفرح بيك .. !!!


صح لسانك