مشاعري /في مسابقة شاعر الملك

.
[poem=font="Mudir MT,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
.
.

انتوى الهاجس اللي للوفا مستبيح = منه نقراء على وجه السحابه كلام
لا رعى الله / نفس ٍ ما تعد الصحيح= ولاسقى الغيث حرفٍ ما يثير اهتمام
المشاعر ليا حامت فضاها فسيح =من سماء الفكر /لنجوم المجره سلام
كنها لا ارزمت بالصدر / جيشٍ طفيح =درهمت من ضفاف الجاش ترقى سنام
في ملكنا /نعم تبت يدين الشحيح = =يا مدارات فكرٍ يرتويه الغمام
سيدي فيك من نفح المواجيب ريح= ما على الشعر لو زادت حموله ملام
لا عجب يوم حيرت النبط / والفصيح =يا مقام ٍ على الهزله فرضت الصيام
انت لولا مخافةرب عيسى المسيح =ورب من شيد الكعبه / وحط المقام
استهليت / من صدري كلامٍ صريح =وقلت صقر العروبه سر نبض الانام
دام في لمسة اكفوك /دواء للجريح = ويدك سيفٍ على الظالم يقص العضام
منك / كل العروبه /تستمد المديح = انت ابو من تحزم بك وشد الحزام
ايه لا قلت حكام العرب تستريح = في وجودك تحال المعضله للعظام
تهتدي من هدى الدين الحنيف النصيح=لين شعبك تعلى منك لـ اعلى مقام
نابع اللطف والرحمه / دموعٍ تسيح= ودافع الخوف من ربي صلاة القيام
سيدي عد ما ينبّت ثرى الارض شيح =منبت الجود فيكم مثل نبت الخزام
مجد الايام دايم / مايزيحه امزيح= علق الفخر في جنح الليالي وسام
راية العز ترقى للسماءماتطيح = رفرفي يا شعارات الولا والسلام [/poem]