..قصيدة رثاء في الأمير نايف رحمه الله ..

[align=center]بسم الله الرحمن الرحيم
السلام عليكم ورحمة الله وبركاته

قصيدة رثاء متواضعة في فقيد الأمه الأمير نايف ين عبدالعزيز .. عليه رحمة الله ,,
اتمنى انكم تعذروني نفسي في قصائد الرثاء ضعيف ولا اجيد الرثاء ..
ونادر ما اكتب في هذا النوع ..
ولكن هي أتت ولم أتي بها ,,[/align]


[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
للموت بقلوب الأوادم مهابه = يا كبرها بين الضلوع النحايف
وله ضربةٍ توجع وكلٍ درابه = أقوّ من ضرب السيوف الرهايف
يا ما خذا شيخٍ رفيعٍ جنابه = ويا ما خذا ناسٍ علينا خفايف
أحدٍ بعد شيبه وأحد في شبابه = ويا ما تفرّق منه شمل الولايف
يقتصّهم من بين الأيدي إنهابه = إلى إنتهت ساعاتهم بالصحايف
أبوي راح أغلا الأهل والقرابه = اللي عليه إدموع عيني ذرايف
والموت ما خلا النبي والصحابه = ناسٍ لهم بالمجد روس النوايف
راحوا وحنّا بالزمن وإحتسابه = وقتٍ على الغالين دايم إمهايف
مؤمن وأخاف إمن القبور وعذابه = ومن غيب وحتوف المقادير خايف
لا جاء خبر ميّت يصيبك كأبه = وشلون لا صار الخبر موت نايف
تضيق في عينك إفجوج ورحابه = ومن موتته تكبر عليك الكلايف
أمير حزم وفيه لين وحبابه = صبي دين وفيه طيب الوصايف
يا كثر خيرٍ قد مشاه وسعى به = وقلبه على الغاوين بالعدل رايف
تبكيه نجد ودمع عينَه صبابه = ويبكن عليه الساجدات العفايف
موت الردي صيفٍ يعدّي سحابه = وراع والوفا موته إغبون وحسايف
من غاب عنك الوقت في يوم جابه = ومن غيّبه موته فلا له خلايف
ليت المزون اللي تبيّن ربابه = لا هلّ وبله بين سود الحتايف
يمطر على قبره ويسقي ترابه = ويصبح عليه الورد مثل القطايف
يارب خفف يا إلهي احسابه = في ساعةٍ فيها الأودم ضعايف
وقل للذي بان الخطاء في جوابه = لا مات نايف فيه مليون نايف [/poem]

[align=center]فهد الغنام الشمري
27/7/1433هـ



,,[/align]

لا جاء خبر ميّت يصيبـك كأبـه
وشلون لا صار الخبر موت نايـف

الله يرحمه ويغفرله
واحسن الله عزائنا وعزأك

قصيده قمه في الرثاء


وقل للذي بان الخطاء في جوابـه
لا مات نايف فيه مليـون نايـف

الله لايجمك وصح لسانك

وانا لله وانا اليه راجعون

الله يرحمه
صح لسانك

نص حزين ومعاني جزله

لاهنت

فهد الغنام


يارب خفـف يـا إلهـي احسابـه
............... في ساعةٍ فيهـا الأودم ضعايـف
وقل للذي بان الخطاء في جوابـه
.............. لا مات نايف فيه مليـون نايـف


لقصائد الرثاء سطوة تجعلك طائعاً لها دون اختيار و قرار

قصيدة من القلب لفقيد بكت عليه الأمة

رحمه الله عدد كل حرف كتب فيه وعنه وله

وعطر قبره بطيب ذكره .. واناره ليكون روضة من رياض الجنة


اللهم آمين

وانا لله وانا اليه راجعون

فهد الغنام

صح لسانك وبيض الله وجهك

اسال الله ان يغفر له ويرحمه ويسكنه فسيح جناته
أنا لله وانا اليه راجعون
وعزائنا الى خادم الحرمين الشريفين حفظه الله والى الاسرة الحاكمة والى الشعب السعودي كافة

المشاركة الأصلية كتبت بواسطة محمد قبلان القثامي

لا جاء خبر ميّت يصيبـك كأبـه
وشلون لا صار الخبر موت نايـف

الله يرحمه ويغفرله
واحسن الله عزائنا وعزأك

قصيده قمه في الرثاء


وقل للذي بان الخطاء في جوابـه
لا مات نايف فيه مليـون نايـف

الله لايجمك وصح لسانك

وانا لله وانا اليه راجعون

الله يجزاك خير يارب وصحك كلك ...
مودتي لك ..
فهد

,,

صح لسانك يابوراشد

ولله يرحم فقيد الامه

تحيتي وتقديري