احمد الخالدي

بعض العرب مابه حلا .. لافيه شيمه ولا حيا
أسمع كلام المهزله وأعلمه صبر الرجال

أعلمه خلق النبي يوم اليهودي قد ..عيا
يومه غثا أشرف بشر والصبر في مثله محال

ماقال هذا واطيا وأنا النبي .. العاليا
زاره وأسلم وأستلم درب الهدى بعد الظلال

ياصاحبي ماهمني أركب شبح وإلا ... كيا؟
شيٍ يوديني أعملي كل غايتي إنه حلال

وأنته حرام أنك رجل لازم يسمونك هيا
تحسب طريق المرجله رزه وكشخه بالعقال

(وليا شكيت أمن الدهر ليته يصيبك مابيا)؟
كم شاعرٍ قبلي (شكي) وكم واحدٍ صابه (هبال)

شعري وفكري والهوى ماعيشني ساليا
دايم على (درب الحزن) مالي سكن ولاظلال

ياكم خذا مني (الدهر) أصدق صديق مواليا
وياكم ترك لي علةٍ وأصبر كما صبر الجمال

أنا الخوي عز الخوي لاضاق صدره وأنكيا
وأنا إلى ضاق الخوي وقفت له وقفت جبال


..وللحزن بقية..



أحمد الخالدي والدكتور محمد العريفي الخالدي ( جامعة الدمام )