أشكي ويشكي

السلام عليكم ورحمة الله وبــركاته

اضع بين ايديكم هذي المساجلــة بيني وبين الشاعر ( حمد الضحيان الاسعدي )

اتمنى ان تحوز على رضى الجميع

قصيدتي ( اشــكي ويشــكي )

يا الاسعدي في فيّها ويـن مامـال ,
الطلحه اللـي ظلهـا مـا فختهـا

ياطول عرضه من مسافات واميال ,
جور الزمن كـان ايتفيـأ تحتهـا

اوراقها فـوق الشواهيـق تختـال ,
روس الجبـال النايفـه ظللتـهـا

شوقي لها من عام الاول ولا زال ,
ونفسي لك الله يـا حمـد قابلتهـا

مبدع وبدعك واضح بين الامثـال ,
منك النجوم اللامعـه يـا بختهـا

استاذ تتعلم بـك اجيـال واجيـال ,
يشهـد عليهـا قولهـا بالسنتهـا

والصيد له حروه وجره ومدهـال ,
ولا كل عيـن فالقنـص ذيرتهـا

والقاف له قيمه وهيبـه ومنـزال ,
مثل الكواكب من يجـي منزلتهـا

والحبل له ناقض وعاقـد وفتـال ,
والنـاس حتـى البينـه مالقتهـا

يسج فكرك مع محطات الارسـال ,
وانا يشوش الراس مـن ذبذبتهـا

ولو كل دعوه جاتني رحت حفـال ,
بيّنت سقـف المعرفـة لأعمدتهـا

ولولاي اداري صفقة الموج بالجال ,
واخشى عليها لا تـزول بركتهـا

وارجي من الوالي اليا خيّل اخيال ,
لاصل مراعيها واحصـد ثمرتهـا

اشوف له راعد وبـارق وهمـال ,
لو سال سيلـه فالفيافـي سحتهـا

بين الرجا والياس يوم اشهب اللال ,
متميزه عن غيرها فـي صفتهـا

امحال مما حال والحالـه احـوال ,
من عجها كـل الـروا حاجبتهـا

اكبر وتكبر عندي آمـال وآمـال ,
ابعـد قريـب ابعادهـا قربتـهـا

منك اتوقع هرجة الصـدق تنقـال ,
لـو ان سيتهـا تغلـب حسنتهـا

نارٍ سناها في الحشا يشعل اشعال ,
غربيّـةٍ لا نسنـسـت ولعتـهـا

وش حيلة المفتون في سمح الإقبال ,
اشكي ويشكي ردفهـا خاصرتهـا

يافاتنه يا اغلى من الجاه والمـال ,
يامن ظروف الوقت عني حدتهـا

تذبحني الذكرى واقّف عند الاطلال ,
ودموع عيني من ضماها روتهـا

وسود الغداري للذيابه والأبطـال ,
ابطالهـا لأطـلال لهـا خاتمتهـا

دوم العمر يبقى التحدي على البال ,
دام العذيـه باقيـه فـي سعتهـا

وعديت من سهم المنايـا للأجـال ,
ليت العنا مـا يجتمـع فأخرتهـا

رد حمد الاسعدي

بعنوان ( قــراح الغيم )

ياحمود في وجه الفتى النـور دلال ,
والشعر ديـوان العـرب وأمثلتهـا

منك البيوت اللي لفتنـي علـى آل ,
شوقتنـي لـردودهـا واجوبتـهـا

غنيتهـا مـوال واسرجـت مـوال ,
يـوم المـوارد بالوفـاء لحنتـهـا

ياحمود للتفكيـر مخـرج ومدخـال ,
والريـح لاهبـت تدلـك جهتـهـا

ماكل ما يطري على البال ( ينقال) ,
والناس منطقهـا خزيـن افئدفتهـا

والشاردة ما جـاوزت وزن مثقـال ,
الا ليـا حـالـت ودارت سنتـهـا

وان دوجت بيـن الحنايـا بزلـزال ,
اهتـزت ضلوعـي لهـا وامهلتهـا

حتى تطاوعني علـى كـل منـوال ,
وأعلن حقيقتها علـى مـن بهتهـا

عساي ما ادور بالاطـلال الابـدال ,
( والطلحة ) الخضراء وظل اورقتها

مأمونة الجانب ولو طال مـا طـال ,
اعروقـهـا بجـذورهـا ثبتتـهـا

تثبت ولو جات الهبايـب بالاهـوال ,
من كثر ما تصفـق بهـا وحدتهـا

فيها المشاعر تلتوي بـي ولا سـال ,
عن من تنقدها وعـن مـن نعتهـا

تاقف لها شعلة على روس الاقـذال ,
هـذي مراقيهـا وهـذي سمتـهـا

عشق وغلا وسيوف وعنان واجلال ,
كـل الجـوارح بالوفـاء توجتهـا

تارد على عد الروا عقـل وهبـال ,
وتحول من دون الجـواب اسئلتهـا

تشرب قراح الغيم من غير هطـال ,
ترقـى لهـا وبروقهـا ترجمتـهـا

مشوارهـا متعـب ومنـزالها فـال ,
اصـدور اهلهـا بالخلايـا بنتهـا

صادق مشاعر ما تملق ولا احتـال ,
والذمه ادراهـا واصـون امنعتهـا

ماني براجي غيـر ربـي ولا ذال ,
عسى الرضى الخالق لروحي بختها

ولا عاد لي في ود سمحات الاقبـال ,
ياكود ذكرى مهجتـي مـا محتهـا

ذكرٍىٍ تراودني ودايم علـى البـال ,
لهاك العنـود اللـي بقـت سالفتهـا

لعيونها بعيونـي الـوان واشكـال ,
قصـايـدي بحروفـهـا بيّنتـهـا

انهت ليا عنت على البـال يامـال ,
يوم الليالـي عـن عيونـي نحتهـا

راع الهوى ياحمود من حال في حال ,
تضحك لـه ايـام الغـلا بأولتهـا

بظلال ويدور عـن ظلالـه ظـلال ,
وفي غفله ايامـه تثـور اغبرتهـا

صح لسان ابو ماجد وسلامتكم

صح لسانك ياحمود

ولسان ابو ماجد


تقبل تقديري

المشاركة الأصلية كتبت بواسطة فارس عبدالمحسن

صح لسانك ياحمود

ولسان ابو ماجد


تقبل تقديري

صح بدنك ولا هنت

مساجلة رااائعة صحت الالسن


ولاهنتو

مساجله جميله ,

صح ألسنتكم جميعا ,

ودمت بخير ,

الاخ عناد الشيباني شاكر لمرورك وصح بدنك

اخوي عبد العزيز الجش صح بدنك ولا هنت

صوت وصدى جميل

شعراء جزليين


استمتعت بقراءتها

شكرا

وصح لسانك ولسان الاسعدي

تحياااااتي

صوت وصدى رائعان

وابيات جزله

صح لسانك ياحمود الدلبحي وصح لسان حمد الضحيان الاسعدي

لاهنت

تحياتي

أخـوي ثـامر القثــأمي .

أشكـــرك . على مرورك وصــح بدنك .

تقبـــل تحــياتــي

أخــوي محمــد مرزوق الســميري

صـــح بدنـك وكلــه . من ذوقــــك

تقبـــل . تحـــياتـــي

حمود الدلبحي
صوت وصدى جميلين
وكلكم مبدعين
تحياتي

صحة الألسن و القلوب

ولا هنتوا

تقاسمتوا الجزاله عز الله

ابو طارق لاهنت ويكفيني مرورك تحياتي

اخوي عمر الدغيلبي صح البدن والقلب ولاهنت تحياتي

عزالله اننا تقهوينا شعر

الله عليكم



صحة السنتكم

هذا الابداع بعينه وعلمه

تقديري

تستاهل الكيف يالنثري ومن مثلك
اسف على التاخير

تحياتي

ارغب بان اعيد اليكم المساجله لان قصيدت قراح الغيم لم تستوفي حقهااا من الاطلاع للشاعر العلم حمد جمود الضحيان الاسعدي العتيبي والسموحه من الجميع

ياسلام
ياسلام
ياسلام
والله يا حمود انك مبدع صح السانك

اما ابو ماجد شهادتي فيه مجروحة الله يطول عمره ويمتعة با العافية
مبدى جزل ورد وافي وعسى طلحتكم خضراء دايم وانتم في ظلها الوارف
دمتم بخير

صح لساانك ياحمود ولسان الاسعدي
مساجله شعريه رائعه

اخوي هتاش اسف للتاخير صح بدنك ومرورك شرف

ابن محيا صح بدنك والرايع مرورك