آية الظلال

:

"
(( آيـــــة الـــظـــلال .... !!!!! ))
"
ياعين لو كل قره تشبه لقره
حفرت في نون عينك برزخة قبري
"
ياشيب عينك ياعيني ليل هالمره
ضوت شموع الغلا ياعين من بدري
"
خاثر شفق شمس كون الحسن محمره
أعلن خضوع الظلام لسلطنة فجري
"
آخر عهد لي بعمري زفرة الجره
ضيعت بصري تبي تشره على بصري
"
جتني غوايه تلم الشوق وتثره
تقطر براءه ملامح وجهها العذري
"
متفرعنه صادرت عقلي على غره
كيف احتوتني يمين الله ما ادري
"
صدري فتقته غلا وازريت لا ازره
أنهت تمرد خفوقي وسكنت صدري
"
أحلى حلاوه بعدها تنقلب مره
الريق يغفر ظلالة نادلة خمري
"
شرياني التاجي بنزف الغلا تجره
تهل عمري وصل في يسري وعسري
"
زاحت ليال السهر من واهج الغره
سرت واسير المسره يسري ويمري
"
ناقوس شعري مابين اعلانه وسره
غنا على الاوووف بوح بروحها يسري
"
جفن المشاعر ليا منه غفا تمره
ولامن صحا من نسايم همسها يغري
"
بحر المشاعر غفت ف اعماقه الدره
اسرارها تحتويها طلسمة شعري
"
آية خيال الظلاله حظرة الحره
تهدي ظلالة خيالي مؤمنة كفري
"
اللاوعي لا اعتراها بخيره وشره
تقمصت هيئة اللافكر في فكري
"
معذوره العيطموس تعيش مغتره
من دم قلبي زرعها ف الورق حبري
"
ماعاد باقي غلا للغير لو ذره
كلي لها وللشعر تقديري وشكري

"
الروقي ..ن..

مبدع يانايف

تحياتي لك ولحضورك

الله الله

شاعر جميل يانايف ,

وصح لسانك مليون في مليون ,

ودمت بخير ,

..


صح لسآنك يا " اخوي " ..

بالتوفيق بإذن الله ..


..