(( متيّم للنخاع ))

السلام عليكم ورحمة الله وبركاته


مبطي عن الشعبي وقلت احط المتواضعه والعذر والسموحه



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حطي على صدري هموم موادعك قبل الوداع=لعل قلبي يحتمل فرقاك في توقيتها
كنتي ومازلتي معي بين الهدايه والضياع=وانا مااخون اللي تصون الحب لا حبيتها
ولاني بعباد الوجيه ولا على وجهي قناع=رجال أميّز كلمتي وان قلتها وفيتها
والله ماالومك لو جفيتيني بقدر المستطاع=عذرك معك لو دمعتي لأجل الغلا هليتها
والله يعين قلوبنا ماهيب قد الالتياع=تنبض على فرقا الأحبه حيّها مع ميتها
هذا كلامي قبل لا تقفين والدنيا متاع=ورحتي وانا باق القصيده فيك ماتميتها
وحل الفراق وخاطري مكبوت وجروحي وساع=ومشاعري مااشعر بها وليا ضوت سريتها
عقلي مشوش والحشا ولع ونون العين ماع=على دروب اطلالك اللي بالهوى عديتها
تعبت اخايل ماضي التذكار وعيوني جياع=لمشاهدك واذني تراود ضحكتك واوحيتها
احاول اردع لهفتي وافل للبعد الشراع=وارقى الشعور المرهفه عن ناظرك خبيتها
لين امتلا صدري الم وانساق هجسي باندفاع=وقمت اتعزوى باللحون اللي معك غنيتها
ماني محبك لا حشا الا متيّم للنخاغ=الحب اخف من الحتوف اللي معك حسيتها[/poem]


وسلامتكم

يالله يالله

نواف يانواف هذا وانت مبطل الغزل

تسجيل اعجاااااااب

المشاركة الأصلية كتبت بواسطة محمد بن رشيد

يالله يالله

نواف يانواف هذا وانت مبطل الغزل

تسجيل اعجاااااااب

الغالي محمد بن رشيد

اعجاب محل اعتزاز لاخيك المتيّم

لاهنت ومشكور

-عذرك معك-

..نص فاخر مُفعم بالعذوبة.يحتاج قرأة هادئة لإنه أعمق مما يتوقّع الكثير..



..تحيّاتيّ..

المشاركة الأصلية كتبت بواسطة مطلق بن عبيان

-عذرك معك-

..نص فاخر مُفعم بالعذوبة.يحتاج قرأة هادئة لإنه أعمق مما يتوقّع الكثير..



..تحيّاتيّ..

الفاخر والله مرورك خل النص يقعد في الحزم


لاعدمتك والله لا يهينك على تشريف متصفحي المتواضع

الله الله الله

يا ويلي ويلاه حسبك الله يا نواف وبس

المشاركة الأصلية كتبت بواسطة عبدالرحمن السمين

الله الله الله

يا ويلي ويلاه حسبك الله يا نواف وبس

سلامات أجل طاحت على شي فيك

الله كريم ياعبدالرحمن خلنا فالهوى سوى ههههههههههههههه


وردك الثاني راح أعتبره فوحة صدر


لاهنت على كلامك وحضورك البهي

نواف شف لك حل نبي منشد يشيلها في أقرب وقت هذي قصيدة تصلح عالقة في الذاكرة طويلا
شف لك حل وبس

الله الله يانواف

ابوك يالعشق

نص رفيع المستوى كثيف الجزاله

صح الله لسانك مدد

تحياتي

المشاركة الأصلية كتبت بواسطة بدر ناصر المورقي

الله الله يانواف

ابوك يالعشق

نص رفيع المستوى كثيف الجزاله

صح الله لسانك مدد

تحياتي

هلا وغلا بشاعرنا المميّز

لاهنت على كلامك ولا عليك زود


والف شكر على مرورك

هذا كلامـي قبـل لا تقفيـن والدنيـا متـاع
ورحتي وانا باق القصيـده فيـك ماتميتهـا

وحل الفراق وخاطري مكبوت وجروحي وساع
ومشاعري مااشعر بها وليا ضـوت سريتهـا

قصيده ذهب يابو حجاب

وبيتين عن قصيده كامله

صح لسانك الف مره على هذه الدره

اخوك

نواف نايف..

ماذا فعل بنا نصك..يانواف...!!

حبسنا في زاويه...مقدارها دهشه..

وخلع كل ماهو عادي ...من اعينا...

حطي على صدري هموم موادعك قبل الـوداع
لعـل قلبـي يحتمـل فرقـاك فـي توقيتهـا

اللـــــه...

منذ ساعه مضت وانا معلقه امام هذا البيت..

اردده...واشعر ان الارض تلتصق بالسماء...

ويضيييييق الكوووون...ولا ابرحه....


حطي على صدري هموم موادعك قبل الـوداع
لعـل قلبـي يحتمـل فرقـاك فـي توقيتهـا

حطي على صدري هموم موادعك قبل الـوداع
لعـل قلبـي يحتمـل فرقـاك فـي توقيتهـا


لي عوده حين افيق من سحره..

يانواف ياويلك من الله احتلت فالزوار والأعضاء بهالقصيده ..


كارثه انسانيه اين حقوق الأنسان .



صح لسانك وصح بدنك ابداع بداع ابداع .

المشاركة الأصلية كتبت بواسطة عبدالله الزراقي

يانواف ياويلك من الله احتلت فالزوار والأعضاء بهالقصيده ..


كارثه انسانيه اين حقوق الأنسان .



صح لسانك وصح بدنك ابداع بداع ابداع .

ماسويت شي



.













على العموم والله ان كلامك يسعدني ويشرفني

والله يحييك يادعمنا الفني وشاعرنا الخلوق

نسامحك على البطا لاجبت مثل هالابداع جعلك تسلم

المشاركة الأصلية كتبت بواسطة حامد بن عوجان

نسامحك على البطا لاجبت مثل هالابداع جعلك تسلم

شاعرنا الغالي حامد بن عوجان

شرفت ونورت المتصفح ولاعدمتك

يا عيني يا عيني

.
,

الله الله


صح لسانك مدد

المشاركة الأصلية كتبت بواسطة سلطان العطاوي

يا عيني يا عيني

.
,

الله الله


صح لسانك مدد

لبى عينك وكلك

والله يحييك ومشكور على تشريف المتواضعه

تعبت اخايل ماضي التذكار وعيونـي جيـاع
لمشاهدك واذني تراود ضحكتـك واوحيتهـا

وعيوننا نحن جياع لمشاهدة مثل هذا النص
العذب الراقي
صح لسانك يانواف
تحياتي لك

المشاركة الأصلية كتبت بواسطة سيف صالح الدلبحي

تعبت اخايل ماضي التذكار وعيونـي جيـاع
لمشاهدك واذني تراود ضحكتـك واوحيتهـا

وعيوننا نحن جياع لمشاهدة مثل هذا النص
العذب الراقي
صح لسانك يانواف
تحياتي لك

مرور العمالقة أمثالك نوماس

وصح كلك والف شكر على تشريفي بحضورك

والله يعيـن قلوبنـا ماهيـب قـد الالتيـاع
تنبض على فرقا الأحبه حيّهـا مـع ميتهـا

صح لسانك شاعرنا
وتسلم على هـ الدره والأبدااع

تقديري,’’

المشاركة الأصلية كتبت بواسطة شاعرة نجد

والله يعيـن قلوبنـا ماهيـب قـد الالتيـاع
تنبض على فرقا الأحبه حيّهـا مـع ميتهـا

صح لسانك شاعرنا
وتسلم على هـ الدره والأبدااع

تقديري,’’

صح بدنك والف شكر على مرورك

لاهنتي ياشاعرة نجد ...