الــفاس والــراس

متواضعه اتمنى ان تنال البعض من رضاكم



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الطلقه اللى ما تصيب الراس تدوش يامليح=وانت اضحكتنى طلقتك يوم اعتلت راس الرياح

الراس والله ماحنيته كود للرب السميح=اللى جعلّك من غدار الليل فزعه بالصباح

نار التحدى لا تولّعها وانا بالى طريح=اعشق متاهات التحدى لاغدت بين البراح

الطير طيرى ونت خلّك فى مهب الريح ريح=والليل دنّا والبنادق لا يدين ولا جناح

الحر الاصمع لايسام ولايباع ولايصيح=والحر يفهم بالاشاره بين جدّى والمزاح

والنيّه اللى بك تراودنى تبى منى ابيح=والله لولا الله ثم والله لجعلها مباح

اليا بدالى كف صادق سقت له كفٍ صريح=واليا نوى بعجاج ظهرى مافهقته للرماح

اعفى عن الزلّه ليا جتنى من النى الكسيح=واخذ انا ثارى من القرمان لو مابه جراح

سقم الليالى علّمتنى كيف يتعافىْ الجريح=والقلب عيّا من عناها لايريح ولاستراح

الروس واجد والعمايم ماتساوت ياقبيح=واللى نوى مسراه يعرف بارقه من وين لاح

لانى يهودى لا ولا من قوم سيدنا المسيح=آنا من اللى ياصلون الغيم لاعجّ النياح

من لابةٍ شرب المنايا عندها عذبٍ مريح=ماهمّها هرج الهبيل اللى يعافر بالصياح

لا يا 000000 والله ما يصح الا الصحيح=لامن عوى سرحان يهجد من حواليه النباح

بابٍ يجيك الريح منّه قوم سدّه واستريح=واحذر ترا فاسى ليامن طاح فوق الراس طاح

البير بيرى ونت حاذر لاتقرّبها وتطيح=والشربه اللى من هماج البير تاليها قراح



عادل كزمان
[/poet]