عبدالله ابن ربيعان

أبيات ترحيبية بالشيخ / عبدالله بن عمر بن ربيعان في مأدبة عشاء اقامها له الوالد الليله الماضيه ليلة الأحد الموافق 7/7/1431هـ بمناسبة عودته سالماً من رحلتة العلاجية

تشرفت بإلقاءها .. وجاءت هنا لترتقي لرقي ذائقتكم
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الاوله بسم الله ابدأ واحمده حمداً كثير=ذكر الإله افضل كلامٍ فالبدايه نبتديه
والثانيه لامر ذكر المصطفى طه البشير=صلوا على وجه النبي .. صلى الله وسلم عليه
ثم الله يحييك ويحيي حضورك يالامير=عداد همال الخيال اللي يلوح البرق فيه
يامرحبا بك مرحبا .. من قلب ولسان وضمير=ترحيبةٍ من طيبها تنقد مثل نقد الجنيه
ياطيب السيرة ومحمود السجايا والمسير=ياأميرنا اللي لاأحتمى الموقف وضايقنا نجيه
عبدالله بن عمر ابو ماجد ملاذ المستجير= سقم العدا .. ريف الرفيق .. وصاحب الوجه الوجيه
أمارته ماجابها الا الفعل والسف الشطير=والرآي من روسٍ تدوس الرآي صدق وتحتميه
الحق بين مايغره لا كبير ولا صغير=تاريخ والتاريخ ماأحدٍ يجحده غير السفيه
ياأمير ماجور وعسى اللي صابك من الوقت خير=والله ليامنه نوى بالعبد خيرٍ يبتليه
والآدمي عمره ولو طالت به الدنيا قصير=بدايته دمعه منه ونهايته دمعه عليه
كم واحدٍ يخشى المنايا والعواقب والمصير=والموت جايه والمنايا في طريقه تحتريه
دنياً كفى الله شرها دايم رحاها تستدير=دوراتها ماترحم الجاهل ولا العقل النبيه
يالله عسانا في نهار الحشر واليوم الكبير=فالموقف اللي يهرب المخلوق من أمه وابيه
تكتب لنا جنتك بأمرك ياعزيز وياقدير=وتجيرنا من ظلمة القبر وعذابٍ يقتفيه
والمبتدأ مسك وعبير .. وختمها مسك وعبير= صلوا على وجه النبي .. صلى الله وسلم عليه
[/poem]