محاورة عبدالله المطرفي وسعيد بن رحمة

هذه المحاورة جمعت الشاعر عبدالله المطرفي والشاعر سعيد بن رحمة المري وذلك خلال ضيافة المري لدى أحد شيوخ قبيلة هذيل العام الماضي وقد طلب المري أن يتفضل المستضيف بدعوة عبدالله المطرفي لمحاورته وقد لعبا في المجلس دون مشاركة الصفوف ....

* سعيد بن رحمة المري:

يا سلام الله وأنا طرقي ونياتي بعيدة
والعلوم أكبر من الضلعان وجبال السراتي
لو يعود المطرفي للشعر يا فرصة سعيدة
والفرص وأجد وأنا بـ أقول فرصة في حياتي

* عبدالله المطرفي:


مرحبا ترحيبةٍ ما هي على الطيب جديدة
عد براق الحيا اللي في مزونه ما يباتي

أنت يا هذا المغني ضاوية والا قعيدة
مير قول الجود فالماجود واللي فات فاتي

* المري:


سجلوها فالمجلة وانشروها فالجريدة
والله الله فالسنع والباقيات الصالحاتي

الكلام اللي تقوله يا لهذيلي لا تعيده
حكمة العراف فالدنيا تناقلها الرواتي

* المطرفي:

أزهب البندق على مهلك وصيد اللي تصيده
مير أنا بوصيك وانته ظفر ما تنسى وصاتي

من يموت بدون علة موتته ما هي شهيدة
لا تقول الميت اللي مات مدري كيف ماتي

* المري:

البعير اللي يذكر من ورى وادي عبيده
ويلكم يا هذيل كان ان الجمل طلع لهاتي

أنت ما انته مستفيد وقوم مرة مستفيدة
كبرت أسباب الزمن والفقر من بعد الغناتي



* المطرفي

الجمل ماهو جمل لن كان ماجاء في الوعيدة
والوعيده والملاقى فالليال المقبلاتي

شب فوق القدر لين يفيح وأكل من العصيدة
والعصيدة في يد الجائع كما سكر نباتي

* المري:

بارك الله فالرجال اللي يحفظون القصيدة
لا تجاملنا ترى ما حن نريد مجاملاتي

ابن رحمة طوح العدوان والروس العنيدة
وأنت يا طيبك لكن فالدرب وقفت لك حصاتي



* المطرفي:

والله اني في هذاك الدار فاقدلي فقيده
والنشامى طيروك مع الطيور الطايراتي

الرضا ضد الغضب وأثر الغضب فيكم وليده
مير أنا معمل سواتك وأنت لا تعمل سواتي

* المري:

من وقف في دربنا يا أصحابنا لازم نبيده
ثم نرمي به على درب السباع الجايعاتي

أنت وش بك ما تشوف الدرب دام الدرب سيده
أنت شاعر مطرفي لكن عليك ملاحظاتي


* المطرفي:

يا عقيد القوم هذي خطتك ما هي رشيدة
الجمل ما بدلوه البدو في معز ا وشاتي

لا تشب النار بيدينك ولا تحمي الحديدة
ان بلاك الله تراك تسير حبه في رحاتي



وسلامتكم ....

شكرا يامحمد للنقل وليت عبدالله يعود للمحاورة

تسلم على النقل الرائع

محمد العميري


لاهنت على النقل الممتع !!

الله أكبر الله أكبر


لا هنت يالعميري ولا تحرمني من روائع المطرفي

محمد العميري

لاهنت على النقل الرائع

والف شكر لك