هكذا فعل المحبــه ، يا مناحي !!

مساكم / صبحكم الله بالخير
قصيده جديده ، بدافع التواصل ... وكل المنى أن تنال رضاكم
.
.

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا مدوّر فالعلوم .. العلم هاته = ما بقى فالسالفه جد ومزاحي
جدك إن وصّاك .. لا تخلف وصاته = الضحيه .. عدها بين الأضاحي
ما عليك خلاف والطيّب نجاته = بعد ربي مخلبه .. لا صار صاحي
والحقيقه .. وقتنا ومجاملاته = فتّحت بيبان من كل النواحي
الظلع يزحف ورى .. والشمس جاته = والظلام .. يضيّقه نور الصباحي
كل شايب لا تذكر ذكرياته = من يلومه لو سرى ليله .. يلاحي
يا حلاة الوقت لو تنقص حلاته = في عيونه غير .. والدنيا كفاحي
والشباب اللي يدوّر معجباته = ( هكذا فعل المحبه يا مناحي ) !
مختلف لون الهوى وألا حياته = ما تغيّر لو تمر ابه الرياحي
لكن اللي فالعلا جوّد ثباته = يقتنع بالطيّبات .. وبالنجاحي
ولا يعيب العاقل إن طوّل سكاته = غير لا قالوا عنه : ( ماهو بصاحي ) !!
[/poem].

.
وسلامتكم