إلتهام (8) محمد آل عبدان × ناصر مناحي

بالأحمر : محمد آل عبدان
بالأزرق : ناصر مناحي



س / نود أن نتعرف على البطاقة الشخصية و خصوصا ( الحالة الإجتماعية ) ؟

- ناصر مناحي الدوسري
- الحاله الاجتماعيه أعزب
-موظف وطالب جامعي

س / عرف المصطلحات الآتية :

* الصباحية : السكن

* المباحث : مكان العمل في السابق

* المرقاب : السكن النتّي وسبب صقل الموهبه

* الشعر : فكر

* المسابقات الشعرية : اختصار طريق طويل للشاعر وظهور دون تكلّف رغم كثرة عذاريبها

س / بكل صراحه يا ناصر .. هل تؤيد الزواج من شاعره ؟

ونعم في جميع الشاعرات سواء من المنتدى او خارج المنتدى وتأييدي وعدم تأييدي لا ينقصهم ولا يزيدهم
والله يسامحك يابو متعب هذي البدايه الله يستر من النهايه

س / تواجد معنا ناصر مناحي في بدايته بــ ( تقليديه ) بحته في أول دخوله المرقاب ,, و في الآونة الأخيره تواجد بــ ( تجدد ) واضح في النتاج الشعري

ما الفرق بين ناصر مناحي في بدايته و ناصر مناحي الآن ؟ و إذا كان هناك فرق .. فما السبب؟

-ناصر مناحي هو ناصر مناحي والفرق كان في تطوير المستوى الشعري وما فيه شاعر ما يبدأ بدايه تقليديّه من وجهة نظري خصوصاً في الشعر النبطي والسبب في الفرق هو القراءه
والاستفاده من الشعراء المبدعين سواء من المرقاب او خارج المرقاب

س / لك في المرقاب أكثر من ( 40 ) قصيده أغلبها أخذ الطابع الرومنسي .. هلى هذه القصائد من ( واقع ) ملموس .. أم من ( خيال ) مترامي الأطراف ؟؟

-الشعور اللي اعيشه اكتبه

س / ( سعد الموقي ) و ( محمد المسعري ) نالوا الكثير من الإعجاب في المرقاب ( ربما ) و أنا أقول ربما .. لم ينله ناصر مناحي رغم أنه أخوهم الكبير .. تعليقك ؟؟
و هل تقوم بالتوجيه الحسي و المعنوي لهما بحكم أنك ( الكبير ) ؟؟

- والله اللي ينالون ويستاهلون الاعجاب في المرقاب واجد وسعد الموقي ومحمد المسعري حتى انا معجب فيهم

- الى الآن ما بعد وجهت احد فيهم كلّ واحد له طريقه ونهجه وان استشاروني بشي أدليت بدلوي هم وغيرهم .


س / ركنك الهادي .. هل أنت على قناعة به ؟ و إن كنت على اقتناع به فلماذا هجرته ؟ و إن كنت على عدم اقتناع به فلماذا دشنته ؟؟

- على قناعه ولله الحمد ولكن شفت ان اهتمامي كله صار للركن الهادي وبديت ابتعد عن المواهب والشعبي في فتره من الفترات فقررت ان ابتعد عنه لفتره وأعود له متى ما قدرت اوفق بينه وبين المواهب والشعبي .

س/ لم يقتصر ناصر مناحي على المرقاب في الشبكة العنكبوتيه ككل بل شارك في عدة منتديات غيره .. ألم ينل المرقاب على رضاك ؟؟ و إذا نال على رضاك .. فلماذا التواجد ( المكثف ) في غيره من المنتديات ؟؟

- غير صحيح منذ دخولي المرقاب ما تواجدت في غيره سواء في منتدى واحد كانت دعوى من شخص غالي ومن باب المجامله شاركت فيه مشاركه وحده وما عاد جيته ولا ادري وين التواجد المكثف اللي تقول عنه

س / شاركت في شاعر المليون في نسخته الثالثه .. رغم أنك لم تشارك في نسختيه الماضيتين و رغم عدم اقتناعك به كــ ( آليه ) .. بصراحه عن ماذا تبحث ؟؟

جاوبت على السؤال هذا في السؤال الاول .. وقلت لك ان هالبرنامج اختصار لطريق طويل للشاعر بغض النظر عن ربط الشعر بالمادّه وأبحث عن ما تبحث عنه انت

نتايج شعـورٍ حاسنـي والقصيـد اثلجْـه
نوادر هجوسٍ ما خـذت شـرح ومـدرّب

فـكم شاعرٍ غنّـا ولكـن غنـاه احرجْـه
بـلا طـرقٍ يطـرّب ولا بـدعٍ يطـرّب

ونهج المظاهر لعنبو مـن سلـك منهجْـه
اقوله وانا عـن راعـي النهـج متغـرّب

على الهون ياللّي طاري الطيـب متولجْـه
هذا وانت منت بيعربي .؟ ميـر متعـرّب

اقول أصّ لا تقرق على راسي وتزعجْـه
مشاريـه مثلـك لا تبـعّـد ولا تـقـرّب

لو انّ المراجل فالملابـس وزيـن الوجْـه
غديت انت فعيون العرب سيـفٍ امجـرّب

لكن سوق رجلك صوب درب الغياب ودجْه
ليا صرت عن كـلّ المواجيـب متهـرّب

اقولـه وانـا بدلّـه الـراس وآسجـجْـه
على الطاله وفي وجه من مثلـك امتـرّب

على الله مدخل ضايق الخاطـر ومخرجْـه
هو اللّي موكّـل جايـع البطـن ومشـرّب

لو انّي مسلسل كان يا حـظ مـن ينتجْـه
قصص واقعيّه تصلـح الوضـع وتخـرّب

عسى الله يفرّج هـم مـا غيـره يفرّجْـه
يشرّق بصدري وان كـره مقعـده غـرّب

س / قصيده لك جميله لولا عسف القافيه في الصدر و زيادتها بحرف ( وجهة نظري ) .. تعليقك ؟؟

تسلم على المجامله و ( وجهة نظر ) احترمها ولكن حسب وجهة نظري ان ( وجهة نظرك ) غير صحيحه يا بو متعب
وووجهة نظري تقول ان الصدر مهوب زايد عن العجز لا بحرف ولا نص حرف واللّه أعلم عاد

س / كان لك محاورتين في المرقاب .. و لم نر لك غيرها .. ما سبب عزوفك عن المحاوره ؟؟
و هل السبب أنك ترى في نفسك أنك غير قادر على مواجهة شعراءها سواء في المرقاب أو غيره ؟

-اساتذة المحاوره هنا واجد واللعب معهم استفاده ولكن النظم ماخذ اغلب وقتي والسبب عن ابتعادي عنها ان النظم ماخذ اغلب وقتي مرّه ثانيه يعني ما صبّيت اهتمامي لها .


س / مربع التوقيع لديك جامد منذ فتره غير قصيره ما السبب في ذلك ؟؟

كثرة الاشغال والسفر هي السبب .

س / ماذا أضاف لك المرقاب .. و ماذا أضفت للمرقاب ؟؟

اضاف لي تجديد الموهبه وأضفت له ابداع الموهبه

س / ثلاث باقات ورد لمن تهديها .. و ثلاث باقات شوك لمن تهديها ؟؟

الثلاث الأولى .. لسداح .. ولبدر العتيبي .. ولطلال الجميلي
والثلاث الثانيه .. لك .. ولفهيد بن عصيدان .. ولشفق السريّع

كلمة أخيره يا أبو مناحي ؟

الله لا يهينك يابو متعب ولا يهين جميع من شرفونا الليله


....

أيضا ماقصرت وبيض الله وجهك

لا خلا ولا عدم

تسلم يا بونايف

والشكر لك على ردك هنا وفي باقي الالتهامات الاخرى


..