قصيدة ياهيه

السلام عليكم


مشاركة اولى


اتمنى ان تنال استحسانكم

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياهيه ياللي تولعني وتجفاني=اعطيتك الروح وانته لاعبن فيها
اعطيتك الروح مع قلبـي وشرياني=حتى عروقي على اسمك صرت اسميها
كنت افتخر فيك واعشق طيفك الجاني=واعشق سوالف من أشفاهك مباديها
وإن جيت اسولف بديت وصرت عنواني=مافيه مدحه تمر ولا تجي فيها
لكن خساره تربع وسط وجداني=حتى القصايد خساره فيك اغنيها
بالأمس عاشق لزيد اليومه لثاني=بالله قلي سواتك من يسويها
إن كان غامرت لأجلنّك تحداني=عندي كرامه وعزه منت قاويها
أحكم بعقلي وينطق حكمي إلساني=اني لابيعك وعزة نفسي احميها
وإن كان قلبـي بحبك صار يعصاني=لأرميه واخلع عروقه معه وارميها
ماعاش منهو عن العزه بـينهاني=لو مابقى ناس فالدنيا نخاويها
ابقى على عزتي لو عشت وحداني=وقصور عزي تسابق في مبانيها
إن مت ذكري بقى بالعز ماهاني=لا قفـّت الروح عِز الروح يحيـيـها
الحب في معظم قلوب البشر باني=ثلاثة ارباعهم بالحيل مشقيها
احدن صبر واعتلى بالنفس والشاني=واحدن على شان قلبه صار مرخيها
من يرخص الروح لأجل الحب غلطاني=كرامت النفس ترفع عز راعيها
وختامها اعرف كلامي واسمع الحاني=أموت والنفس ترقى في تعاليها[/poem]