قصيدة اغاريد السعودية و مجاراة الشاعرعبد الله بن عون والشاعر كريدي الفانوس

[align=center]
قصيدة الشاعره اغاريد السعوديه

[poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]

كل ماجيت ابسلى عن غرامك واتوب=جددت جرح قلبي لك هبوب الريـاح

جت بطاريك عندي كم نسمة هبوب=وانعشت ذكرياتك ماضيات الجـراح [/poem]


مجارات الشاعر عبدالله بن عون
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هيه ياللي عليك الناس تمشي دبوب=ليت من يدري انته غيم ولا ضيـاح

كان من ريم نجد ولانت بس بمعروب=واهني من لقفلك بالهـوى يـارداح

عاشقتك المسامع قبل عشق القلوب=وبلوة الهوى لو ماله البرق صـاح

لاتهيج صبابة كـل قلـب معطـوب=اتغزل من الغزلان مـوت(ن) ذحـاح

زدت نار المحبه من حطبكم شبـوب=مايطفي للهبها شرب مويـة نسـاح

من شرب حب مثلك ماهناه الشروب=لو تسلسل على كبده لذيذ(ن) قـراح

كل ماجيت ابنسى الحب غنّى طروب=واستمع للحشاشه له طرب وارتياح

بالغطاريف دوبه ينعش القلـب دوب=مثل ماينعش الظميان برد الصبـاح [/poem]


مجاراة الشاعر كريدي الفانوس لـ ابن عو ن

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هاظني شاعراً محد(ن) لقابه شـذوب=من تعرض جديدة راح قدمـه طفـاح

التفت يم صوت(ن) للمولـع جـذوب=مثل ماتلتفت للصـوت روس الطـواح

انت ياللي بحايل وش تبي بالجنـوب=خـل فالـح ينـادي بالمحبّـه فـلاح

لاتخايل بروق(ن) في خشوم النصوب=برق وسماً بعيـد وهيظـك يـوم لاح

يابونايف ترى منت بـعليه مغصـوب=المعافـا يحمـد الله يـوم اسـتـراح

انت شاعر واديب و فالهوى لك اسلوب=مير ركبك مشى واهل الموده شحـاح [/poem]



رد بن عون على الشاعر كريدي الفانوس

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هيه ياللي يهيظك الطرب والعجـوب=وش محرم حصاتك وانت مالك صلاح

احسبنك رفيقي فـي غيابـي ينـوب=واثرك اللي على الغرّة يصيبه شفاح

كل مادرت وجه الراحله يـم صـوب=عارظوني مقاريد العـرب بالسـلاح

ودي انصحك ياراع الحصان الهذوب=حيث ياجب علي معاملـك بالنصـاح

الخطا والتعرض منك مالـه وجـوب=والنصيحه تفيد اهل القلوب الصحاح

وكل وادي على مجراه سيله سحوب=سيل وادي الرشا ماطب وادي رمـاح

[/poem]

لكم فائق احترامي وتقديري[/align]