خالد ابن عقاب الكسر المرشدي

رفض تزويجه من فتاة كان يريدها .......... فكانت هذه القصيده الدعويه

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله مـن قلـب نهيتـه ولا طــاعي=يلعب به الهاجوس لعـب المنازيـع
متحير بامره غـدى شملـه امـزاع=صبر جميل ويرجع القلـب ويطيـع
قفت تجره خاضبت روس الاصباع=ام الثمـان الضيـقـات اللوامـيـع
خلي من الخفرات ماهيـب مهبـاع=ولا هي من السرد الطوال النعانيـع
وقرونها من فوق الامتـان شـراع= كالعسب من روس الودايـا مهانيـع
بطن العسيف مجاذبت طول الابواع=ركابهـا دايـم يتـل المصـاريـع
ما شذبت بالزور طـراف الاكـواع=لا صكن العيرات تسبق على الريـع
ياعود ريحان غـدى لـه تمريـاع=تذري عليه من الهبايـب ذعاذيـع
لا شفت زوله يوجف القلب مرتـاع=لو ما حصل لي من قبالـه منافيـع
عيوابهـا عنـي قليليـن الاسنـاع=اسباب ساس البغض ماهم طماميـع
ادعي عليهم والدعا حـذف مقـلاع=ادعو معي عسى تصيـب المقاليـع
ارجي عساهم للبلاوي والأوجاع=من كل صادوف يجيهم قواميع
الله يعرضهم من الروس الإشعاع =ذرية من محكمات المصانيع
دخانها مثل القبيسـي اليـا انـداع=تاخذ على طرافهـم بضـع اسابيـع
تلقـا الاوادم هاجميـن وصــراع=بس الجماجـم كالزبيـدي مصاليـع
والا عساهـم مزنـة نوهـا مـاع=من مزنة ينـزل بردهـا صواميـع
عديمة ما ضاح بـه شـوف لمـاع=يسوقها الغربـي وشرقـي روابيـع
يسكر هواه ومزنها يضـرب القـاع=وترمي عليكم كبـر روس المرابيـع
يسج فيهـا القلـب منهـم ويرتـاع=منها تضيـع افكارهـم والمراميـع
يعذر بغالـي سلعتـه كـل طمـاع=وتذهل عن المرضع قلوب المراضيع
تأخذ ثلاث اسبوع والمـزن مامـاع=والسيل حايـر مـا لقالـه مطاليـع
واليا غدو مثل الطفل والنسم ضـاع=يفتـح لهـم بالقـاع درب وبواليـع
هفت غريق الموج من غير مرجاع=من فوقهم سبع الاراضي شواميـع
يضرب بهم وصف على كل الانواع=تنشر بهم كل المحطـات وتذيـع[/poem]